Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    દલેર મહેંદી નશામાં હોવાનું કહી મંત્રીએ અપમાનિત કર્યા:ગૌહર ખાનને લાફો મારવાથી લઈને સુનીલ પાલને ભગાડી મૂકવા સુધી, જાણો મંચ પર થયેલા આવા જ વિવાદો

    1 week ago

    1

    0

    👍 ❤️ 😂 😮 😢 😡 😘 🤐 🥰

    18 ઑક્ટોબરે સિંગર દલેર મહેંદી ઉત્તરાખંડના ટિહરી ગઢવાલ જિલ્લામાં યોજાયેલા એક મેળામાં પરફોર્મ કરવા પહોંચ્યા હતા. સિંગર વચ્ચે-વચ્ચે પરફોર્મ કરી રહ્યા હતા, ત્યારે ઉત્તરાખંડના સ્વાસ્થ્ય મંત્રી સુબોધ ઉનિયાલ મંચ પર આવ્યા અને ઠપકો આપતાં કહ્યું- 'તમે દારૂ પીને લોકોને મૂર્ખ બનાવી રહ્યા છો, ગાઈ પણ રહ્યા નથી. તમને ખબર છે ને કે એક સિંગરને અહીંથી માર મારીને ભગાડી દેવામાં આવ્યો હતો. તેને એટલો માર મારવામાં આવ્યો હતો કે હવે તેનો બાપ પણ અહીં આવી શકતો નથી.' આ જાહેરમાં થયેલી બેઇજ્જતી પર દલેર મહેંદી કંઈ કહી શક્યા નહીં અને તરત જ ગાવાનું શરૂ કરી દીધું. સામે આવેલા વીડિયોમાં દલેર મહેંદી ખૂબ જ મૂંઝવણમાં દેખાયા. તે સમયે તો કોઈ મોટો વિવાદ થયો નહોતો, પરંતુ આ બેઇજ્જતી અંગે તેમના નાના ભાઈ મીકા સિંહે કહ્યું, 'દલેરજીની જે છબી તેમણે ખરાબ કરી, તે ખૂબ ખોટું છે. હું તેમને (મંત્રીને) ક્યારેય માફ નહીં કરું.' મીકાએ જણાવ્યું કે, દલેર મહેંદીની તબિયત ખરાબ હતી, તેમ છતાં તેમણે લગભગ દોઢ કલાક સુધી પરફોર્મ કર્યું. સાથે જ તેણે કહ્યું કે, 'જો માફી નહીં માંગવામાં આવે, તો કલાકારો ઉત્તરાખંડ આવવાનું બંધ કરી દેશે.' વીડિયો સોશિયલ મીડિયા પર વાયરલ થતાં જ સમગ્ર બોલિવૂડ ઇન્ડસ્ટ્રી દલેરના સમર્થનમાં આવી ગઈ. શિલ્પા શેટ્ટી, રાજપાલ યાદવ, અનુપમ ખેર, બાદશાહ, શાન, કપિલ શર્મા સહિત અનેક સેલેબ્સે મંત્રીના વલણની કડક નિંદા કરી. તેમના ભાઈ મીકાએ તો એવો પણ દાવો કર્યો કે, 'દલેરે જીવનમાં ક્યારેય દારૂ પીધો જ નથી.' જોકે, વિવાદ વધ્યા બાદ મંત્રીએ સ્પષ્ટતા કરતાં કહ્યું હતું કે, તેમને જાણ નહોતી કે સિંગરની તબિયત ખરાબ છે. આ મામલામાં 22 ઑક્ટોબરે સીએમ પુષ્કર સિંહ ધામીએ મીકા સિંહ સાથે ફોન પર વાત કરીને ખેદ વ્યક્ત કર્યો અને મધ્યસ્થી કરી. ત્યારબાદ નિવેદનમાં ધામીએ કહ્યું હતું- 'તે સમયે મંત્રી પર જનતાનું દબાણ રહ્યું હશે, ઉત્તરાખંડ કલાકારોની ધરતી છે અને અહીં દરેકનું સન્માન થાય છે.' આ આ પ્રકારનો એકમાત્ર મામલો નથી. આ પહેલાં પણ અનેક ભારતીય અને આંતરરાષ્ટ્રીય સેલેબ્સ સાથે મંચ પર ખરાબ વર્તન થયું છે. એક્ટ્રેસ ગૌહર ખાનને મંચ પર થપ્પડ મારવામાં આવી હતી, જ્યારે એક સિંગર ચહેરા પર એક માથા ફરેલા ફેને હુમલો કર્યો હતો. આવા જ કેટલાક મામલાઓ પર એક નજર- 1. કપડાં સામે વાંધો હોવાથી ગૌહર ખાનને મંચ પર થપ્પડ મારવામાં આવી 2014માં ગૌહર ખાન શો 'ઇન્ડિયાઝ રૉ સ્ટાર' હોસ્ટ કરી રહી હતી, ત્યારે એક વ્યક્તિ દોડતો દોડતો મંચ પર આવ્યો અને તેને જોરદાર લાફો ઝિંકી દીધો. ટીમે તરત જ તે વ્યક્તિને પકડી લીધો અને પોલીસને જાણ કરવામાં આવી. તે વ્યક્તિએ પોલીસના નિવેદનમાં કહ્યું કે, ગૌહરે ટૂંકાં કપડાં પહેર્યાં હતાં, તેથી તેણે તેમને થપ્પડ મારી. તે વ્યક્તિ વિરુદ્ધ કલમ 354, 323 અને 506 હેઠળ ફરિયાદ નોંધાવવામાં આવી હતી. 2. સુનીલ પાલને મંચ પરથી બેઇજ્જત કરીને ભગાડી મૂકવામાં આવ્યા 17 જાન્યુઆરી 2026ના રોજ કોમેડિયન સુનીલ પાલ ઇસ્કોન જુહૂના એક મુશાયરાનો ભાગ બન્યા હતા. તેમને પહેલાં ફૂલોનો ગુચ્છો આપવા માટે મંચ પર બોલાવવામાં આવ્યા, પરંતુ તેઓ મંચ પર કંઈક બોલવા માટે રોકાયા કે તરત જ તેમને વારંવાર નીચે જવા માટે કહેવામાં આવ્યું અને તેમના હાથમાંથી માઇક છીનવી લેવામાં આવ્યો. જ્યારે સુનીલે વિનંતી કરીને કહ્યું કે, “આભાર તો કહેવા દો,” ત્યારે નજીક ઊભેલા વ્યક્તિએ કડક શબ્દોમાં કહ્યું- “તમે જઈને બેસો,” અને માઇક છીનવીને તેમને બળજબરીથી મંચ પરથી ઉતારી મૂક્યા. 3. સિંગર કરણ ઔજલા પર ફેંકાયો જૂતો સિંગર કરણ ઔજલા લંડનમાં પરફોર્મ કરી રહ્યો હતો, ત્યારે ભીડમાંથી એક વ્યક્તિએ તેના પર જૂતો ફેંકીને માર્યો. કરણ ખૂબ જ ગુસ્સે થયો અને સ્ટેજ પરથી જ ગાળો આપવા લાગ્યો. 4. ગુરુ રંધાવાએ ફેનને રોક્યો તો મુક્કો પડ્યો સિંગર ગુરુ રંધાવા 2019માં વૅન્કૂવરના મંચ પર પરફોર્મ કરી રહ્યો હતો, ત્યારે એક વ્યક્તિ વારંવાર મંચ પર ચઢવાનો પ્રયાસ કરવા લાગ્યો. સુરક્ષાકર્મીઓએ તે વ્યક્તિને રોકી દીધો, પરંતુ સિંગર કોન્સર્ટ પૂરો કરીને મંચ પરથી નીચે ઉતર્યો કે તરત જ તે વ્યક્તિએ તેના ચહેરા પર મુક્કો માર્યો, જેના કારણે તે ઇજાગ્રસ્ત થઈ ગયો. 6. સિંગર સાથે મંચ પર વ્યક્તિએ ગેરવર્તન કર્યું ડિસેમ્બર 2025માં બંગાળી સિંગર લગ્નજિતા ચક્રવર્તીએ પશ્ચિમ બંગાળના એક શાળાકીય કાર્યક્રમમાં પરફોર્મન્સ આપ્યું હતું. તે દેવી પર આધારિત ગીત ગાઈ રહી હતી, ત્યારે એક વ્યક્તિ અચાનક મંચ પર ચઢી આવ્યો અને ગેરવર્તન કરવા લાગ્યો. આ ઘટનાથી સિંગર ખૂબ જ ડરી ગઈ. વિવાદ એટલો વધી ગયો કે સિંગરે ફરિયાદ નોંધાવી. જોન અબ્રાહમને મહિલા પ્રશંસકે પહોંચાડી ઈજા, એક્ટરે આપ્યો ધક્કો 12 ફેબ્રુઆરી 2012ના રોજ જોન અબ્રાહમ મંગલુરુ (તે સમયે મેંગલોર)માં એક જ્વેલરી શોરૂમના ઉદ્ઘાટન માટે પહોંચ્યો હતો. તેને જોવા માટે ભીડ ઉમટી પડી હતી. આ દરમિયાન સેલ્ફી લેવા આવેલી એક મહિલા પ્રશંસકે તેનો હાથ પકડીને કરડી લીધો. જોન ડરી ગયો અને ધક્કો મારીને તે મહિલાને પાછળ કરી દીધી. પરફોર્મન્સ દરમિયાન સેલિબ્રિટીઝ સાથે બનેલી આ ઘટનાઓ પણ વાંચો- કનિકા કપૂરનો પગ પકડી લીધો ડિસેમ્બર 2025માં મે'ગૉન્ગ ફેસ્ટિવલમાં ગાતી વખતે એક વ્યક્તિ અચાનક મંચ પર પહોંચી ગયો અને કનિકા કપૂરનો પગ પકડી લીધો. સિંગર ડરી ગઈ, ત્યારબાદ સિક્યુરિટી ટીમે તે વ્યક્તિને હટાવી દીધો. અરિજિત સિંહનો હાથ ખેંચ્યો 2023માં ઔરંગાબાદના લાઇવ કોન્સર્ટ દરમિયાન એક ચાહકે હાથ મિલાવવા માટે સિંગર અરિજિત સિંહનો હાથ જોરથી ખેંચ્યો હતો. આથી તેના હાથમાં ઈજા થઈ હતી. અરિજિતે મંચ પરથી જ ચાહકને સમજાવ્યું હતું કે, કલાકારો સાથે આ રીતે વર્તવું જોઈએ નહીં. કૈલાશ ખેર પર ફેંકવામાં આવી બોટલ કર્ણાટકમાં 2023માં પરફોર્મન્સ દરમિયાન સિંગર કૈલાશ ખેર પર બોટલ ફેંકવામાં આવી હતી. પોલીસે કાર્યવાહી કરીને આરોપીને પકડી લીધો હતો. અવા મેક્સને મંચ પર મારવામાં આવ્યો લાફો અમેરિકન સિંગર અવા મેક્સ જૂન 2023માં લોસ એન્જલસમાં પરફોર્મન્સ આપી રહી હતી, ત્યારે એક વ્યક્તિ અચાનક મંચ પર આવી ગયો. સિંગર કંઈ સમજી શકે તે પહેલાં જ તે વ્યક્તિએ તેને જોરદાર થપ્પડ મારી દીધી. તેના કારણે સિંગરની આંખમાં ગંભીર ઈજા થઈ હતી. લિલ નાસ એક્સ પર મંચ પર ફેંકવામાં આવ્યું સેક્સ ટોય અમેરિકન સિંગર લિલ નાસ એક્સ સ્વીડનમાં એક કોન્સર્ટ માટે પહોંચ્યો હતો, ત્યારે દર્શકોમાંથી એક વ્યક્તિએ તેના પર સેક્સ ટોય ફેંક્યું હતું. સિંગર પિંક પર ફેંકવામાં આવી હતી અસ્થિઓ અમેરિકન સિંગર પિંક 2023માં લંડનમાં એક કોન્સર્ટમાં પરફોર્મ કરી રહી હતી, ત્યારે તેના પર એક થેલી ફેંકવામાં આવી. જ્યારે તેમણે સ્ટેજ પર જ તે થેલી ખોલી, તો તેમાં અસ્થિઓ હતી. ડેવ ચેપલ પર પરફોર્મન્સ દરમિયાન થયો હુમલો સ્ટેન્ડ-અપ કોમેડી શો દરમિયાન એક વ્યક્તિ દોડીને મંચ પર આવ્યો અને ડેવ ચેપલને જમીન પર પાડી દીધા. હુમલાખોર પાસે બંદૂક જેવી દેખાતી વસ્તુ હતી, જેમાં છરીની ધાર લગાવવામાં આવી હતી. સુરક્ષાકર્મીઓએ તેને પકડી લીધો. બેબે રેક્સાના ચહેરા પર ફેંકવામાં આવ્યો મોબાઇલ જૂન 2023માં ન્યૂયોર્કના કોન્સર્ટ દરમિયાન દર્શકોમાંથી કોઈએ બેબે રેક્શાના ચહેરા પર મોબાઇલ ફોન ફેંક્યો હતો. તેમની આંખની ઉપર ઈજા થઈ હતી અને તેમને હોસ્પિટલ લઈ જવા પડ્યાં હતાં. આ મામલે એક વ્યક્તિની ધરપકડ કરવામાં આવી હતી.
    Click here to Read More
    • Share:
    'અમે હિંદુ છીએ, અમારી પાસે છૂટાછેડા શબ્દ નથી':લગ્નજીવનમાં ડ્રામા વચ્ચે ગોવિંદાએ મૌન તોડ્યું, અફેરની ચર્ચાઓ પર આપ્યો રમૂજી જવાબ
    Previous Article
    'અમે હિંદુ છીએ, અમારી પાસે છૂટાછેડા શબ્દ નથી':લગ્નજીવનમાં ડ્રામા વચ્ચે ગોવિંદાએ મૌન તોડ્યું, અફેરની ચર્ચાઓ પર આપ્યો રમૂજી જવાબ
    Next Article
    સોસાયટીના ખજાનચી અને અન્ય શખ્સો સાથે મારામારી, CCTV:ન્યૂ રાણીપની સોસાયટીમાં જમવાના પાસ ન આપતા શખસે માર માર્યો, સાબરમતી પોલીસે તપાસ હાથ ધરી
    સોસાયટીના ખજાનચી અને અન્ય શખ્સો સાથે મારામારી, CCTV:ન્યૂ રાણીપની સોસાયટીમાં જમવાના પાસ ન આપતા શખસે માર માર્યો, સાબરમતી પોલીસે તપાસ હાથ ધરી

    Related Entertainment Updates:

    Are you sure? You want to delete this comment..! Remove Cancel

    Comments (0)

      Leave a comment

      Send