મોર્નિંગ ન્યૂઝ બ્રીફ:દીપકે કહ્યું- જંતર-મંતર પર ટૂંક સમયમાં પાછા ફરીશું; શાહે કહ્યું- સ્ટુડન્ટ પ્રોટેસ્ટ પર તમામ જવાબો આપીશ; ઈમરાન ખાનના મોતનો દાવો ખોટો

નમસ્તે, કોકરોચ જનતા પાર્ટીના ફાઉન્ડર અભિજીત દીપકેએ કહ્યું કે ટૂંક સમયમાં જંતર-મંતર સીઝન 2 લાવશે. તેમણે ભાજપ પર આરોપો પણ લગાવ્યા. કેન્દ્રીય ગૃહ મંત્રી અમિત શાહે કહ્યું કે વિપક્ષ ગૃહ ચાલવા નથી દઈ રહ્યો, એવામાં ચર્ચા કેવી રીતે થશે. મોર્નિંગ ન્યૂઝ બ્રીફમાં આગળ બતાવીશું કે પાકિસ્તાનના પૂર્વ પીએમ ઈમરાન ખાનના મોતનો દાવો કરવામાં આવ્યો. ⏰ આજની ઈવેન્ટ્સ, જેના પર રહેશે નજર 1. PM મોદીની અધ્યક્ષતામાં બપોરે 1 વાગ્યે કેબિનેટની બેઠક. 2. સુપ્રીમ કોર્ટમાં કર્ણાટક પાસેથી કાવેરી નદીનું પાણી છોડવાની માંગણી સંબંધિત તમિલનાડુ સરકારની અરજી પર સુનાવણી. 📰 કાલના મોટા સમાચારો 1. 'જંતરમંતર સીઝન-2 જલ્દી આવશે':અભિજીત દીપકેએ નવા પ્રોટેસ્ટની આપી હિન્ટ, કહ્યું- 'અમને દિલ્હીમાં બેઠક માટે હોલ ન મળ્યો'; ભાજપ પર ધમકી આપવાનો આરોપ કોકરોચ જનતા પાર્ટીના સ્થાપક અભિજીત દીપકેએ બુધવારે વિદ્યાર્થી આંદોલનની જેમ જ વધુ એક પ્રદર્શન ટૂંક સમયમાં શરૂ કરવાની જાહેરાત કરી. તેમણે તેને 'જંતર-મંતર સીઝન 2' ગણાવ્યું. દીપકેએ આરોપ લગાવ્યો, અમે આજે દિલ્હીમાં અમારા સ્વયંસેવકોની બેઠક રાખી હતી. અમે એક હોલ શોધી રહ્યા હતા, પરંતુ કોઈ પણ અમને હોલ ભાડે આપવા તૈયાર નહોતું. બધા લોકો કહેતા રહ્યા કે ઉપરથી દબાણ છે. તેમણે આરોપ લગાવ્યો, આ બધા પાછળ BJPનો હાથ છે. આ પ્રકારની કાર્યવાહીથી અમે પીછેહઠ નહીં કરીએ.' NEET પેપર લીકના મામલે CJPએ જંતર-મંતર પર 37 દિવસ ધરણા પ્રદર્શન કર્યું હતું. વાંચો સંપૂર્ણ સમાચાર 2. શાહે કહ્યું- સ્પીકર ચર્ચા માટે સમય નક્કી કરે:હું સદનમાં રહીશ, ઓમ બિરલાને પત્ર લખ્યો; રાહુલ બોલ્યા- અમારે લેક્ચર નથી સાંભળવું ગૃહમંત્રી અમિત શાહે બુધવારે લોકસભા સ્પીકર ઓમ બિરલાને પત્ર લખ્યો. તેમણે NEET પેપર લીક પર વિદ્યાર્થીઓના પ્રદર્શનના મુદ્દા પર ચર્ચા કરવા માટે સમય નક્કી કરવાની માગ કરી. શાહે પત્રમાં લખ્યું, 'મારી વિનંતી છે કે સ્પીકર વિપક્ષ સાથે ચર્ચા કરે અને પરસ્પર સહમતિના આધારે આજથી આ મુદ્દા પર ચર્ચા કરવા માટે જેટલો સમય, દિવસ કે કલાકો યોગ્ય લાગે તે નક્કી કરે. હું નિર્ધારિત સમય દરમિયાન ગૃહમાં હાજર રહીશ અને આ મુદ્દા પર ચર્ચામાં ભાગ લેવા તૈયાર છું. વિપક્ષ દ્વારા ઉઠાવવામાં આવેલા તમામ પ્રશ્નોના જવાબ આપવા માટે પણ હું તૈયાર છું.” આ પહેલાં ગૃહની બહાર શાહે મીડિયા સાથે વાતચીતમાં કહ્યું હતું કે સરકાર દરેક મુદ્દા પર ચર્ચા કરવા તૈયાર છે, પરંતુ વિપક્ષ ગૃહને ચાલવા દે. વાંચો સંપૂર્ણ સમાચાર 3. ઈમરાન ખાનનાં મોતનો દાવો ખોટો:પાકિસ્તાની પત્રકાર એક દિવસ પછી જ ફરી ગયો, PTIએ કહ્યું- તેમને મળવા દો, નહીં તો રસ્તા પર ઉતરશું પાકિસ્તાનના પૂર્વ વડાપ્રધાન ઇમરાન ખાનના મોતનો દાવો ખોટો સાબિત થયો છે. મંગળવારે પાકિસ્તાની પત્રકાર વજાહત સઈદ ખાને તેમના મૃત્યુનો દાવો કર્યો હતો, જોકે એક દિવસ પછી જ તેઓ પોતાની વાત પરથી ફરી ગયા. તેમણે મંગળવારે વીડિયો જાહેર કરીને દાવો કર્યો હતો કે રાવલપિંડી સ્થિત સેના મુખ્યાલયના ઓછામાં ઓછા ત્રણ વરિષ્ઠ અધિકારીઓને ડર છે કે ઇમરાન ખાન હવે જીવતા નથી. પત્રકારના દાવા પછી ઇમરાનની પાર્ટી પાકિસ્તાન તહરીક-એ-ઇન્સાફ (PTI) એ કહ્યું છે કે જો તેમને મળવાની પરવાનગી આપવામાં નહીં આવે, તો 20 લાખથી વધુ લોકો રસ્તાઓ પર ઉતરવા માટે તૈયાર છે. પાર્ટીએ 27 સપ્ટેમ્બરે ઇસ્લામાબાદ સુધી લોંગ માર્ચની જાહેરાત કરી છે. વાંચો સંપૂર્ણ સમાચાર 4. AGM પહેલાં જ એન ચંદ્રશેખરનનું ટાટા સન્સના ચેરમેન પદેથી રાજીનામું:નોએલ ટાટા સાથે મતભેદ અને ટ્રસ્ટમાં ખેંચતાણ કારણભૂત બની; ફેબ્રુઆરી 2027 સુધી પદ પર રહેશે ટાટા ગ્રુપની હોલ્ડિંગ કંપની ટાટા સન્સના ચેરમેન એન ચંદ્રશેખરને પોતાના પદ પરથી રાજીનામું આપી દીધું છે. જોકે, તેઓ ફેબ્રુઆરી 2027 સુધી આ પદ પર રહેશે. ચંદ્રશેખરનનો આ નિર્ણય 18 ઑગસ્ટે યોજાનારી ટાટા સન્સની AGM પહેલા આવ્યો છે. ચંદ્રશેખરન 2017માં ટાટા સન્સના ચેરમેન બન્યા હતા. તેઓ ટાટા પરિવારની બહારના પહેલા એવા વ્યાવસાયિક મેનેજર હતા, જેમણે આ સમૂહની કમાન સંભાળી. તેમના કાર્યકાળમાં ટાટા ગ્રુપનો રેવન્યુ બમણાથી વધુ વધ્યો, પરંતુ તાજેતરના દિવસોમાં નવા બિઝનેસમાં ભારે રોકાણ અને તેમના પરફોર્મન્સને લઈને ટાટા ટ્રસ્ટ્સ સાથે મતભેદ ઊંડા થયા હતા. વાંચો સંપૂર્ણ સમાચાર 5. કેશકાંડમાં હાઈકોર્ટ જસ્ટિસ વર્મા પર લાગેલા આરોપો સાબિત થયા:તપાસ સમિતિએ કહ્યું- પુરાવાઓ સાથે ચેડા થયા; નોટોના બંડલો ક્યાંથી આવ્યા, તે જણાવી શક્યા નહીં સંસદની તપાસ સમિતિએ જસ્ટિસ યશવંત વર્મા પર લાગેલા ત્રણેય આરોપોને સાચા ઠેરવ્યા છે. આ મામલો 2025માં જસ્ટિસ વર્માના સરકારી આવાસના સ્ટોરરૂમમાંથી રોકડ મળવા સાથે સંબંધિત છે. પેનલનો રિપોર્ટ બુધવાર, 12 ઓગસ્ટના રોજ લોકસભા અને રાજ્યસભામાં રજૂ કરવામાં આવ્યો હતો. રિપોર્ટ અનુસાર, સ્ટોરરૂમમાં 500 રૂપિયાની નોટોનો મોટો જથ્થો મળ્યો હતો. પરંતુ જસ્ટિસ વર્મા રોકડના સોર્સ, માલિકી હક કે ત્યાં તે ક્યાંથી આવ્યા તે કારણ આપી શક્યા ન હતા. જસ્ટિસ વર્મા આ વર્ષે એપ્રિલમાં હાઈકોર્ટના જજ પદેથી રાજીનામું આપી ચૂક્યા છે. તપાસ સમિતિએ શોધી કાઢ્યું કે જસ્ટિસ વર્માના સરકારી આવાસના સ્ટોર રૂમમાં ₹500ની નોટોના બંડલ અને અડધી સળગેલી નોટો મળી હતી. વાંચો સંપૂર્ણ સમાચાર 6. ઉત્તર ગુજરાતમાં મેઘરાજાની તોફાની બેટિંગ, પાટણ-પાલનપુરમાં ઘૂંટણસમા પાણી:ગુજરાત માથે એકસાથે પાંચ સિસ્ટમ સક્રિય, 13 ઑગસ્ટે 5 જિલ્લામાં યલો એલર્ટ રાજ્યના કેટલાક જિલ્લામાં હવામાન વિભાગે આજે અને આવતીકાલે(13 ઓગસ્ટ) કેટલાક જિલ્લાઓમાં ભારેથી અતિભારે વરસાદની આગાહી કરી છે. ત્યારે આજે 12 ઓગસ્ટે બપોર બાદ પાટણ, સાબરકાંઠા, બનાસકાંઠા, અમદાવાદના પાલડી સહિતના વિસ્તારોમાં વરસાદ વરસ્યો છે. પાલનપુર-અંબાજી હાઈવે પર કેટલીક જગ્યાએ ઘૂંટણસમા પાણી ભરાયા છે. તો આ તરફ પાટણમાં મેઘરજાએ તોફાની બેટિંગ કરી છે. શહેરના રેલવે ગરનાળા અને તેની પાસેના વિસ્તારમાં પાણી ભરાવાની શરૂઆત થઈ છે. ગાયત્રી મંદિર તેમજ ચિત્રકુટનગર સોસાયટી, યોગેશ્વર પાકૅ સોસાયટી, શ્રીનગર સોસાયટી તેમજ અન્ય સોસાયટીઓમાં વરસાદથી પાણી ભરાઈ ગયા હતા. રાજ્ય પર એકસાથે પાંચ સિસ્ટમ સક્રિય હોવાથી તેની અસરથી વરસાદી માહોલ રહેશે. વાંચો સંપૂર્ણ સમાચાર 7. યુવક જે ક્રેન ચલાવતો તેના પર 32મા માળે ફાંસો ખાધો:અમદાવાદમાં 352 ફૂટ ઊંચી નિર્માણાધીન બિલ્ડિંગમાં સવાર સુધી મૃતદેહ લટક્યો અમદાવાદના એસજી હાઇવે પર નિરમા યુનિવર્સિટીની સામે નિર્માણાધીન ટ્રેમોન્ટ એડલીપ બિલ્ડિંગમાં 32મા માળે ક્રેનમાં લટકીને યુવકે ફાંસો ખાધો હતો. ગઇકાલે(11 ઓગસ્ટ) મોડી રાતથી સવાર સુધી મૃતદેહ લટકેલી હાલતમાં હતો. આસપાસના લોકોએ જણાવ્યું કે અમે સવારે આઠ વાગ્યે અહીં પહોંચ્યા ત્યારે આ યુવક લટકેલો જોવા મળ્યો હતો. 352 ફૂટ ઊંચી નિર્માણાધીન બિલ્ડિંગમાં સવારના સાડા નવ વાગ્યા સુધી મૃતદેહ લટક્યો હતો. બાદમાં સાઇટ પર ક્રેનના સેફ્ટી ડિપાર્ટમેન્ટના લોકોએ મૃતદેહને નીચે ઉતાર્યો હતો. મૃતકનું નામ પ્રીતમસિંહ છે જેની ઉંમર 22 વર્ષ છે અને તે મૂળ ઝારખંડનો છે. યુવક છેલ્લા કેટલાય સમયથી સાઇટ પર ક્રેન ચલાવવાનું કામ કરતો હતો. વાંચો સંપૂર્ણ સમાચાર 🎭 આજનું કાર્ટૂન ⚡ કેટલાક મહત્વના સમાચારો હેડલાઈનમાં 1.નેશનલ : PM-પ્રિયંકા વચ્ચે થઈ, 'કેમ છો-સારુ છે'ની વાતચીત:વડાપ્રધાનના જવાબ પર ખડગે બોલ્યા- 'સાહેબ તમે બદલાઈ ગયા' તો મોદી સહિત બધા હસી પડ્યા વાંચો સંપૂર્ણ સમાચાર 2.ઈન્ટરનેશનલ : ઈરાનથી ડરીને જ મારે પ્લેન બદલવું પડ્યું હતું:ટ્રમ્પે જ સ્વીકાર્યું, કહ્યું- એ પ્લેનને જ ટાર્ગેટ કરીને જ મારી ઉપર હુમલો કરાયો હોત, મને સતત ધમકીઓ મળતી રહે છે વાંચો સંપૂર્ણ સમાચાર 3.નેશનલ : ડિવાઈડર સાથે અથડાઈ 10 ફૂટ હવામાં ઉછળી ક્રેટા:ઓવરટેક દરમિયાન બેલેન્સ બગડ્યું, 2 મિનિટ સુધી તડપતો રહ્યો અતીક અહેમદનો દીકરો; અકસ્માતનો Live VIDEO વાંચો સંપૂર્ણ સમાચાર 4.ઈન્ટરનેશનલ : કોલંબિયા ભૂકંપના 48 કલાક પછી નવજાત બાળકનું રેસ્ક્યુ:પાંચ માળની ઇમારત નીચે દટાયેલો મળ્યો; અત્યાર સુધીમાં 224 લોકોનાં મોત વાંચો સંપૂર્ણ સમાચાર 5.બિઝનેસ : પહેલાં 8000 કર્મચારીઓને નોકરીમાંથી કાઢી મૂક્યા:હવે માર્ક ઝકરબર્ગે કહ્યું કે AIથી હજારો નવી નોકરીઓનું સર્જન થશે, આ દાવામાં કેટલી સચ્ચાઈ છે? વાંચો સંપૂર્ણ સમાચાર 6.સ્પોર્ટ્સ : હાર્દિકના કમબેક પર ગુજરાતે ચોખ્ખી ના પાડી!:શુભમન હા પાડી ચૂક્યો હતો પણ પંડ્યાએ કેપ્ટનશીપ માંગતા ફ્રેન્ચાઇઝીએ દરવાજા બંધ કર્યા; એક શરતે ટ્રાન્સફરની રમત બગાડી વાંચો સંપૂર્ણ સમાચાર 7.ધર્મ તહેવાર જ્યોતિષ : આજથી શ્રાવણ મહિનાનો શુભારંભ:જાણો સીતા-રામે કેવી રીતે કરી હતી ભોળાનાથની પૂજા, પવિત્ર માસનો મહિમા અને તહેવારોનું કેલેન્ડર વાંચો સંપૂર્ણ સમાચાર 🗣️ ચર્ચિત નિવેદન 😲 અજબ ગજબ ટ્રેનને બનાવ્યું મંદિર, દેવીને 56 ભોગ ધરાવ્યો મુંબઈની એક લોકલ ટ્રેનમાં 21 વર્ષ પૂરા થવા પર એવો ઉત્સવ થયો, જેને જોઈને ડબ્બો મંદિર જેવો લાગવા માંડ્યો. ભાયંદર-દાદરની સવારે 10:20 વાગ્યાની લોકલમાં ઓમકાર ભજન મંડળના સભ્યોએ દેવીને 56 ભોગ ધરાવ્યો. યાત્રીઓને ગુલાબના ફૂલ વહેંચ્યા. 📸 ફોટો, જે પોતે સમાચાર છે 🌟 ભાસ્કરની એક્સક્લૂસિવ સ્ટોરીઝ, જે સૌથી વધારે વંચાઈ 1. ગુજરાત એક્સપ્લેનર : ધડાધડ 19ને ગોળી ધરબી દીધી: ભાગ્યો એ મર્યો, ગુજરાતમાં નવું કલ્ચર, શું લોકોને ખુશ કરવા પોલીસ એન્કાઉન્ટર કરવા લાગી; યોગી જેવાં મોડલથી ફફડાટ 2. ભાસ્કર ઇન્વેસ્ટિગેશન : અમદાવાદની રથયાત્રામાં લાખો ભક્તોના જીવ સાથે ભયંકર રમત: 2 હાથી અંધ હોવા છતાં રસ્તા પર ફેરવ્યા, મેડિકલ કમિટિએ ના પાડી તો પણ બાબુ હાથીને લઇ જવાયાનો ઘટસ્ફોટ 3. અહિંસાનો પાઠ ભણાવતો શિક્ષક ચપ્પુ લઇ સાસુ-સસરા પર તૂટી પડ્યો: ચહેરો છૂપાવવા હૂડી પહેરી, 1.5 કિલોમીટર દૂર કાર પાર્ક કરીને પગપાળા આવ્યો 4. Editor's View : અમેરિકાને પાડી દેવા મોહસીન રઝાઈ મેદાને: ખામેનીનો ખતરનાક પ્લાન, 20 જાન્યુઆરી 2029 સુધી હોર્મુઝ બંધ; ગેસના બાટલાની લાઈન માટે તૈયાર રહેજો 5. પારકી પંચાત : 'કમિશનરને પૂછી આવજો કેટલી તકલીફ પડે છે': મુખ્યમંત્રીએ સ્ટેજ પરથી સંભળાવી દીધું, પ્રિયંકા ગાંધી કાનમાં બોલવા જતાં ગુજરાતના સાંસદ તપી ગયા 6. આજનું એક્સપ્લેનર: 8મું પગાર પંચ લાગુ થવામાં હજુ એક વર્ષથી વધુ સમય લાગશે? તમારો પગાર-પેન્શન કેટલું વધશે; છેવટે ક્યાં અટકી છે ગૂંચ? 🌍 કરંટ અફેર્સ ⏳ આજના દિવસનો ઈતિહાસ 📊​​​​​​​ માર્કેટની સ્થિતિ 🌦️ મોસમનો મિજાજ રાશિફળ ગુરુવારનું રાશિફળ:શ્રાવણના પહેલાં દિવસે તુલા અને ધન રાશિના જમીન-સંપત્તિના મુદ્દાઓ ઉકેલાશે, કન્યા રાશિએ નાણાકીય બાબતોમાં સાવચેતી રાખવી વાંચો સંપૂર્ણ રાશિફળ