Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    ઈન્વેસ્ટમેન્ટ પોઈન્ટ- શેરબજારમાં આગળ માટે પોઝિટિવ સંકેત:ઉછાળે વેચવાલીનો માહોલ યથાવત્, ગત સપ્તાહે બુલિશ ટ્રેન્ડ જોવા મળ્યો

    9 hours ago

    ઈરાનના માથે અમેરિકા અને ઈઝરાયેલે થોપેલા મહાયુદ્વમાં બન્ને તરફ મોટી ખુવારી બાદ 40માં દિવસે બન્ને પક્ષો બે અઠવાડિયા માટે યુદ્વ વિરામ માટે સંમત થતાં વૈશ્વિક અર્થતંત્ર પર કટોકટીનું મોટું જોખમ ટળતાં ક્રુડ ઓઈલના આંતરરાષ્ટ્રીય ભાવમાં 18% જેટલો કડાકો બોલાઈ જવા સાથે વૈશ્વિક શેર બજારોમાં ફરી તેજી થઈ હતી. રિઝર્વ બેંક ઓફ ઈન્ડિયાએ પણ રેપો રેટ યથાવત રાખતાં બજારને ટેકો મળ્યો હતો. ભારતીય શેર બજારોમાં આજે ચાર મહિનાની સૌથી મોટી તેજી આવ્યા સાથે રોકાણકારોના ચહેરા પરની 40 દિવસથી છીનવાયેલી ખુશી પરત ફરતી જોવાઈ હતી. શેરોમાં રોકાણકારોની સંપતિમાં એક દિવસનો વિક્રમી રૂ. 16.25 લાખ કરોડનો જંગી વધારો થયો હતો. વેસ્ટ એશિયામાં વકરતાં યુદ્વને વિરામ આપવા ઈરાન અને અમેરિકા વચ્ચે બે અઠવાડિયા માટે થયેલી યુદ્વ વિરામની સમજૂતી ક્ષણિક નીવડી આ વિરામનો ભાગ લેબનોન નહીં હોવાનું કહી ઈઝરાયેલ દ્વારા લેબનોન પર વિનાશક હુમલાઓ કરાતાં ઈરાન ગિન્નાઈને અમેરિકાને આ યુદ્વ વિરામને તોડવાની ચીમકી આપતાં યુદ્વ ફરી વકરવાના ટેન્શને વૈશ્વિક બજારોનું સેન્ટીમેન્ટ ફરી ડહોળાયું હતું. ઈરાને હોર્મુઝ માર્ગ ખોલ્યાના અહેવાલ છતાં દરિયાઈ સુરંગો બિછાવી હોઈ ઈરાને નવો જળમાર્ગ ખોલ્યાના અહેવાલ અને એ પણ ટેન્શન વચ્ચે બંધ કર્યાના રિપોર્ટ સાથે ક્રુડ ઓઈલના ભાવ ફરી ભડકતાં ફંડો ફરી તેજીનો વેપાર ખંખેરવા લાગી સાવચેત બની ગયા હતા. ભારતીય શેરબજારમાં કુલ મળીને મજબૂત બુલિશ ટ્રેન્ડ જોવા મળ્યો હતો, જોકે વચ્ચે થોડો વોલેટિલિટી અને પ્રોફિટ બુકિંગ પણ જોવા મળ્યું હતું. અઠવાડિયાની શરૂઆતમાં બજાર થોડી સાવચેતી સાથે ટ્રેડ થયું હતું, પરંતુ મધ્ય અને અંતિમ સેશનમાં ખરીદદારોનું પ્રભુત્વ વધતા સૂચકાંકો ઊંચા સ્તરે પહોંચ્યા હતા.લાર્જકેપ સ્ટોક્સ સાથે મિડકેપ અને સ્મોલકેપ સેગમેન્ટમાં પણ વ્યાપક તેજી જોવા મળી હતી, જે દર્શાવે છે કે બજારની અંદરની મજબૂતી મજબૂત છે. અંતે બજાર અઠવાડિયાના હાઇ નજીક બંધ થયું હતું, જે આગળ માટે પોઝિટિવ સંકેત આપે છે. આ અઠવાડિયાની તેજી ના મુખ્ય કારણો: આ અઠવાડિયાની તેજી પાછળના મુખ્ય પરિબળોમાં ગ્લોબલ માર્કેટમાં સુધારો સૌથી મહત્વપૂર્ણ રહ્યો હતો. અમેરિકન સૂચકાંકો જેમ કે Dow Jones Industrial Average અને Nasdaq Composite માં થયેલી તેજીનો સકારાત્મક પ્રભાવ ભારતીય બજાર પર પડ્યો હતો.બીજું મહત્વપૂર્ણ પરિબળ એફઆઈઆઈ દ્વારા ખરીદીમાં વધારો છે, જેના કારણે બજારમાં લિક્વિડિટી અને વિશ્વાસ વધ્યો છે.ત્રીજું પરિબળ શોર્ટ કવરિંગ અને વેલ્યુ બાયિંગ છે, જે ખાસ કરીને મધ્ય અને અંતિમ સેશનમાં તેજી લાવવામાં મદદરૂપ બન્યા હતા. સ્થાનિક પરિબળો :- ભારતમાં મજબૂત આર્થિક વૃદ્ધિ અને ઈન્ફ્રાસ્ટ્રક્ચર વિકાસ બજાર માટે લાંબા ગાળે પોઝિટિવ પરિબળ છે.સ્થાનિક સંસ્થાગત રોકાણકારો અને એસઆઈપી ઇનફ્લો બજારને મજબૂત સપોર્ટ આપે છે.બેન્કિંગ સેક્ટરમાં ક્રેડિટ ગ્રોથ અને એસેટ ક્વોલિટી સુધારો રોકાણકારોના વિશ્વાસમાં વધારો કરે છે. રિઝર્વ બેંક ઓફ ઈન્ડિયાએ પણ રેપો રેટ યથાવત રાખતાં બજારને ટેકો મળ્યો હતો. વિશ્વ સમાચાર અને વૈશ્વિક પરિબળો: વૈશ્વિક સ્તરે જીઓ-પોલિટિકલ તણાવમાં થોડો ઘટાડો અને ડિપ્લોમેટિક પ્રયત્નો બજાર માટે પોઝિટિવ રહ્યા હતા.ડોનાલ્ડ ટ્રમ્પ સંબંધિત નિવેદનો અને વૈશ્વિક સ્તરે શાંતિપૂર્ણ ઉકેલની આશાએ રોકાણકારોમાં વિશ્વાસ વધ્યો હતો.ચીન અને અન્ય અર્થતંત્રો દ્વારા આર્થિક પ્રોત્સાહન પગલાં વૈશ્વિક માંગમાં સુધારો લાવે છે. ઈરાન અને ઈઝરાયલ વચ્ચે ચાલી રહેલા યુદ્ધ અને વૈશ્વિક અસ્થિરતાની વચ્ચે વર્લ્ડ બૅંકે ભારતના જીડીપી ગ્રોથનો અંદાજ વધારી દીધો છે. જેને જોતા કહી શકાય કે ભારત, દક્ષિણ એશિયાના અર્થતંત્રના એક મજબૂત સ્તંભ તરીકે અડીખમ ઊભું રહેશે. વર્લ્ડ બૅંકે નાણાકીય વર્ષ 2026-27 માટે ભારતના ગ્રોથ ફોરકાસ્ટને 6.3% થી વધારીને 6.6% કરી દીધો છે. સેક્ટર તરફી માહોલ :- બેન્કિંગ સેક્ટર અઠવાડિયાભર તેજીનું નેતૃત્વ કરતું રહ્યું હતું.આઈટી સેક્ટરમાં ગ્લોબલ માંગ સુધરતા ખરીદી જોવા મળી હતી.મેટલ સેક્ટરમાં કોમોડિટી ભાવમાં સુધારાના કારણે ઉછાળો આવ્યો હતો.ઓટો અને ઈન્ફ્રાસ્ટ્રક્ચર સેક્ટરમાં મજબૂત ખરીદી જોવા મળી હતી.એફએમસીજી અને ફાર્મા સેક્ટર સ્થિર અને પોઝિટિવ રહ્યા હતા.શોર્ટ કવરિંગ અને વેલ્યુ બાયિંગ તેજીને ગતિ આપે છે.ક્રૂડ ઓઈલના ભાવમાં સ્થિરતા મોંઘવારી અંગેની ચિંતા ઘટાડે છે. મંદી તરફી કારણો :- વૈશ્વિક અનિશ્ચિતતા હજુ પણ સંપૂર્ણપણે દૂર થઈ નથી.મોંઘવારી અને વ્યાજદર અંગેની ચિંતા યથાવત છે.ઉંચા સ્તરે પ્રોફિટ બુકિંગ શક્ય છે, જે વોલેટિલિટી વધારી શકે છે. એફઆઈઆઈ / ડીઆઈઆઈ :- એફઆઈઆઈ આ અઠવાડિયામાં નેટ બાયર્સ રહ્યા હતા, જે બજાર માટે સૌથી મોટો પોઝિટિવ પરિબળ રહ્યો હતો.ડીઆઈઆઈ દ્વારા પણ સક્રિય ખરીદી જોવા મળી હતી, જેના કારણે બજારમાં મજબૂતી યથાવત રહી હતી. કોમોડિટી મૂવમેન્ટ :- કોમોડિટી બજારમાં મિશ્ર પરંતુ સ્થિર ટ્રેન્ડ જોવા મળ્યો હતો.ક્રૂડ ઓઈલના ભાવમાં મર્યાદિત સ્થિરતા બજાર માટે સકારાત્મક રહી હતી.બેઝ મેટલ્સમાં તેજી જોવા મળી હતી, જે ઈન્ડસ્ટ્રીયલ માંગ સુધારાનું પ્રતિબિંબ છે. ગોલ્ડ :- ગોલ્ડમાં સલામત રોકાણની માંગ ઘટતા મર્યાદિત નબળાઈ જોવા મળી હતી.મલ્ટી કોમોડિટી એક્સચેન્જ ઓફ ઇન્ડિયા પર ગોલ્ડના ભાવમાં વોલેટિલિટી નોંધાઈ હતી. સિલ્વર :- સિલ્વરમાં ઇન્ડસ્ટ્રીયલ માંગના કારણે સપોર્ટ જોવા મળ્યો હતો, પરંતુ વોલેટિલિટી યથાવત રહી હતી. ભાવિ દિશા: આગામી અઠવાડિયામાં બજાર પોઝિટિવ ટ્રેન્ડ સાથે આગળ વધી શકે છે, પરંતુ વોલેટિલિટી યથાવત રહી શકે છે.એફઆઈઆઈની ગતિવિધિ,ગ્લોબલ સંકેતો અને ક્રૂડ ઓઈલના ભાવ બજાર માટે મુખ્ય ટ્રિગર રહેશે.જો વૈશ્વિક પરિસ્થિતિ સ્થિર રહેશે તો બજાર નવા ઉચ્ચ સ્તરો તરફ આગળ વધી શકે છે.કુલ મળીને આ અઠવાડિયામાં ભારતીય શેરબજારમાં મજબૂત બુલિશ ટ્રેન્ડ સાથે વ્યાપક ભાગીદારી જોવા મળી છે. બજારની અંદરની મજબૂતી અને સકારાત્મક સેન્ટિમેન્ટ દર્શાવે છે કે લાંબા ગાળે ટ્રેન્ડ પોઝિટિવ રહી શકે છે. નિફ્ટી ફ્યુચર ટેકનિકલ લેવલ... નિફ્ટી ફ્યુચર બંધ :- ( 24110 ) :- આગામી વધઘટે સંભવિત નિફ્ટી ફ્યુચર 24373 પોઇન્ટના પ્રથમ અને 24404 પોઇન્ટના અતિ મહત્વના સ્ટ્રોંગ સ્ટોપલોસે ટ્રેડિંગ સંદર્ભે 24008 પોઇન્ટથી 23939 પોઇન્ટ, 23808 પોઇન્ટની અતિ મહત્વની સપાટીને સ્પર્શી શકે તેવી સંભાવના ધરાવે છે. 24404 પોઇન્ટ આસપાસ સાવધાનીપૂર્વક પોઝિશન બનાવવી...!! ફ્યુચર સ્ટોક સંદર્ભે સ્પેસિફિક ટેકનિકલ લેવલ ગ્લેનમાર્ક ફાર્મા ( 2174 ) :- ફાર્માસ્યુટિકલ સેક્ટરની આ કંપનીના શેરનો ભાવ હાલમાં રૂ. 2130 આસપાસ પ્રવર્તી રહ્યો છે. રૂ. 2108 ના સ્ટ્રોંગ સપોર્ટથી આ સ્ટોક ટૂંકા સમયગાળે રૂ. 2203 થી રૂ. 2213 આસપાસ ભાવ સપાટી નોંધાવે તેવી શક્યતા છે...!! રૂ. 2220 ઉપર તેજી તરફી ધ્યાન...!! ભારતી ઐરટેલ ( 1876 ) :- A /T+1 ગ્રુપનો આ સ્ટોક રૂ. 1833 આસપાસ પોઝીટીવ બ્રેકઆઉટ…!! રૂ. 1818 ના સપોર્ટથી આ સ્ટોક રૂ. 1893 થી રૂ. 1903 આસપાસ ભાવ સપાટી નોંધાવે તેવી સંભાવના છે. ટેક મહિન્દ્રા ( 1444 ) :- રૂ. 1424 નો પ્રથમ તેમજ રૂ. 1409 બીજા સપોર્ટથી કમ્પ્યુટર્સ - સોફ્ટવેર અને કન્સલ્ટિંગ સેક્ટરનો રોકાણલક્ષી આ સ્ટોક રૂ. 1464 થી રૂ. 1470 આસપાસ ભાવ સપાટી નોંધાવે તેવી શક્યતા છે. ઈન્ડસ ટાવર્સ ( 437 ) :- A/T+1 ગ્રુપની અગ્રણી આ કંપનીના શેરનો ભાવ હાલમાં રૂ. 424 આસપાસ પ્રવર્તી રહ્યો છે. રૂ. 416 ના સપોર્ટથી આ સ્ટોક ટૂંકા સમયગાળે રૂ. 448 થી રૂ. 460 નો ભાવ સપાટી નોંધાવે તેવી શક્યતા છે....!! રૂ. 467 ઉપર તેજી તરફી ધ્યાન. મોઈલ લિ. ( 304 ) :- ટેકનીકલ ચાર્ટ મુજબ રૂ. 288 આસપાસ પોઝીટીવ બ્રેકઆઉટ..!!! રૂ. 280 ના સપોર્ટથી આ સ્ટોક રૂ. 314 થી રૂ. 324 નો ભાવ સપાટી નોંધાવે તેવી સંભાવના છે.
    Click here to Read More
    Previous Article
    અમદાવાદ મનપાની ચૂંટણીમાં ભાજપ-કોંગ્રેસ વચ્ચે જંગ:48 વોર્ડની 192 બેઠક પર ભાજપ ઉમેદવારોની ફોટો સાથેની યાદી
    Next Article
    Why Everyone Is Obsessed With Matcha Lattes And Ube Cheesecakes In 2026

    Related બીઝનેસ Updates:

    Are you sure? You want to delete this comment..! Remove Cancel

    Comments (0)

      Leave a comment