મોર્નિંગ ન્યૂઝ બ્રીફ:ચાર મુદ્દા પર ઇરાન અડગ, અમેરિકા સાથે આજે પણ વાટાઘાટો ચાલુ રહેશે, મોદીએ મમતાને ઘેર્યાં, સુરતમાં ચૂંટણી પહેલાં હાઇવોલ્ટેજ ડ્રામા

નમસ્તે, પાકિસ્તાનમાં અમેરિકા-ઈરાન વચ્ચે સીઝફાયર પર મહત્વની બેઠક યોજાઈ હતી. ઈરાને લેબનોન પર ઈઝરાયેલના હુમલા રોકવાની માંગ કરી છે. બીજી તરફ, વડાપ્રધાન નરેન્દ્ર મોદીએ મુખ્યમંત્રી મમતા બેનર્જી પાસે 15 વર્ષનો હિસાબ માંગ્યો છે. ⏰ આજની ઈવેન્ટ્સ, જેના પર રહેશે નજર 1. PM મોદી પશ્ચિમ બંગાળના સિલીગુડીમાં જનસભા કરશે. 2. અમિત શાહ પર ટિપ્પણીના મામલામાં રાહુલ ગાંધી પર નોંધાયેલા માનહાનિના કેસમાં યુપીની સુલતાનપુર કોર્ટમાં સુનાવણી થશે. 📰 કાલના મોટા સમાચારો 1. ઈરાન-અમેરિકા યુદ્ધવિરામ મિટિંગનો પહેલો રાઉન્ડ પૂરો:2 કલાક ચાલી વાટાઘાટો, ઈરાને લેબનોન પર તાત્કાલિક હુમલા રોકવાની માગ કરી; આવતીકાલે પણ મિટિંગ થઈ શકે છે પાકિસ્તાનની રાજધાની ઇસ્લામાબાદમાં ઈરાન અને અમેરિકા વચ્ચે યુદ્ધવિરામ વાટાઘાટોનો પ્રથમ રાઉન્ડ બે કલાક ચાલ્યો. મીડિયા રિપોર્ટ્સ અનુસાર, ઈરાને લેબનોન પર ઇઝરાયલી હુમલાઓને તાત્કાલિક રોકવાની માંગ કરી. નિષ્ણાતોએ બેઠકમાં સિક્ટોરિટી, પોલિટિક્સ, મિલિટરી, ફાયનાન્સ અને કાનૂની મુદ્દાઓ પર ચર્ચા કરી. ઉપરાષ્ટ્રપતિ જેડી વેન્સે યુએસ પક્ષનું નેતૃત્વ કર્યું, જ્યારે સંસદના સ્પીકર મોહમ્મદ બાઘર ગાલિબાફે ઈરાની પક્ષનું નેતૃત્વ કર્યું. આ બેઠક આવતીકાલે પણ ચાલુ રહેવાની અપેક્ષા છે. 47 વર્ષ પહેલાં 1979માં ઈરાનની ઇસ્લામિક ક્રાંતિ પછી આ પહેલી વાર હતું જ્યારે બંને દેશોના નેતાઓએ આટલા મોટા પાયે સામ-સામે વાતચીત કરી હતી. વાંચો સંપૂર્ણ સમાચાર 2. PMએ કહ્યું - બંગાળની જનતા TMCના ઘમંડને તોડી નાખશે:15 વર્ષનો પુરો હિસાબ લેવાશે; મમતાએ કહ્યું- ભાજપ બંગાળ વિરોધી, તેને ઘરમાં ઘુસવા ન દો PM નરેન્દ્ર મોદી આજે પશ્ચિમ બંગાળમાં છે. પૂર્વ બર્ધમાન જિલ્લાના કટવામાં એક ચૂંટણી રેલીમાં તેમણે કહ્યું કે બંગાળ પરિવર્તન માટે તૈયાર છે. અહીંના મહાન વારસા પર ટીએમસીએ પાપ કર્યું છે કે તેના પર પછાતપણાનો ડાઘ લગાડી દીધો છે. પીએમ મોદીએ કહ્યું કે મમતા બેનર્જી સરકારના 15 વર્ષનો સંપૂર્ણ હિસાબ લેવાશે. મોદીએ કહ્યું- ટીએમસી કહી રહી છે કે જો ભાજપ સત્તામાં આવશે, તો આ યોજના બંધ કરવામાં આવશે, વિશ્વાસ રાખજો, ભાજપ કંઈપણ બંધ કરશે નહીં. ભાજપ તેમની દુકાન બંધ કરશે. તે લૂંટ બંધ કરશે. વાંચો સંપૂર્ણ સમાચાર 3. નીતિશ કુમારે રાજીનામા પહેલાં CM હાઉસ ખાલી કર્યું:7 સર્ક્યુલર રોડ બંગલામાં શિફ્ટ થઈ રહ્યો છે સામાન, લાલુ યાદવના પાડોશી બનશે મુખ્યમંત્રી નીતિશ કુમાર રાજીનામા પહેલાં CM હાઉસ ખાલી કરી રહ્યા છે. 1 અણે માર્ગથી સામાન 7 સર્ક્યુલર રોડ બંગલામાં શિફ્ટ થઈ રહ્યો છે. મુખ્યમંત્રી આવાસમાંથી ટ્રેક્ટર ટ્રોલીમાં સામાન લઈ જવામાં આવી રહ્યો છે. નીતિશ કુમારે 10 એપ્રિલે રાજ્યસભા સાંસદ તરીકે શપથ લીધા. સૂત્રોનું માનીએ તો નીતિશ 14 એપ્રિલે CM પદ પરથી રાજીનામું આપી શકે છે. 15 એપ્રિલે બિહારમાં નવી સરકાર બની શકે છે. CM પદ પરથી હટ્યા પછી નીતિશ કુમાર લાલુ યાદવના પાડોશી બની જશે. 7 સર્ક્યુલર રોડ આવાસનો ઉપયોગ હજુ નીતિશ કુમાર જ કરી રહ્યા છે. તેનો CM ઓફિસ તરીકે ઉપયોગ કરવામાં આવી રહ્યો છે. વાંચો સંપૂર્ણ સમાચાર 4. મણિપુરમાં બંગાળના BSF જવાનની ગોળી મારીને હત્યા:ઉખરુલમાં પેટ્રોલિંગ ડ્યુટી પર તહેનાત હતા; અહીં ફેબ્રુઆરીથી હિંસા ચાલુ મણિપુરના ઉખરુલ જિલ્લામાં શુક્રવારે પેટ્રોલિંગ ડ્યુટી પર તહેનાત બોર્ડર સિક્યુરિટી ફોર્સ (BSF)ના એક કોન્સ્ટેબલની ગોળી મારીને હત્યા કરવામાં આવી. અધિકારીઓના જણાવ્યા અનુસાર, કોન્સ્ટેબલ મિથુન મંડલને સાંજે લગભગ 4:30 વાગ્યે ગોળી વાગી હતી. ગોળી વાગ્યા બાદ તેમને તરત જ ઇમ્ફાલની હોસ્પિટલમાં લઈ જવામાં આવ્યા, જ્યાં સાંજે લગભગ 6 વાગ્યે તેનું મોત થયું. અધિકારીઓએ જણાવ્યું કે મિથુન મંડલ પશ્ચિમ બંગાળના ભગજન ટોલા ગામના રહેવાસી હતા અને 170 બટાલિયન BSFમાં તહેનાત હતા. ફેબ્રુઆરીમાં બે સમુદાયો વચ્ચે થયેલી જાતીય અથડામણો બાદ કુકી ગામ મોંગકોટ ચેપુ અને પડોશી તાંગખુલ નાગા વિસ્તારમાં ગોળીબારની ઘટનાઓ બનતી રહી છે. અહીં ચાલી રહેલા તણાવ વચ્ચે પેટ્રોલિંગ કરી રહેલા BSF જવાન પર આ હુમલો થયો છે. વાંચો સંપૂર્ણ સમાચાર 5. આશા ભોંસલે મુંબઈની બ્રીચ કેન્ડી હોસ્પિટલમાં દાખલ:પૌત્રીએ કહ્યું- થાક અને છાતીમાં ઇન્ફેક્શન થયું; પહેલા હાર્ટ એટેકના સમાચાર હતા બોલિવૂડના દિગ્ગજ ગાયિકા આશા ભોંસલેને શનિવારે સાંજે મુંબઈની બ્રીચ કેન્ડી હોસ્પિટલમાં દાખલ કરવામાં આવ્યા. તેમને વધુ પડતો થાક અને છાતીમાં ઇન્ફેક્શનની ફરિયાદ છે. અગાઉ એવી માહિતી આવી હતી કે તેમને હાર્ટ એટેક આવ્યો હતો. તેમની પૌત્રી જનાઈ ભોંસલેએ ઇન્સ્ટાગ્રામ પર લખ્યું- મારા દાદી આશા ભોંસલે, ખૂબ જ થાક અને છાતીના ઇન્ફેક્શનને કારણે હોસ્પિટલમાં દાખલ છે. તેમની સારવાર ચાલી રહી છે અને આશા છે કે બધું બરાબર થઈ જશે. અમે તમને જલ્દી જ સારા સમાચાર આપીશું.. વાંચો સંપૂર્ણ સમાચાર 6. ચૂંટણી ફોર્મ ન ભરાતા AAPના મહિલા ઉમેદવારે ફિનાઈલ પીધું:સુરત કલેક્ટર કચેરી ‘રણમેદાન’ બની; ઇટાલિયા સામે મોદી-મોદીના નારા લાગ્યા; પોલીસે મામલો થાળે પાડ્યો સુરતના રાજકારણમાં આજે ત્યારે ગરમાવો આવી ગયો, જ્યારે વોર્ડ નંબર 14 (માતાવાડી-કરંજ)ના આમ આદમી પાર્ટીના મહિલા ઉમેદવાર ગૌશાલીબેન ગાંગડે કલેક્ટર કચેરી ખાતે આત્મહત્યાનો પ્રયાસ કર્યો હતો. અન્ય પક્ષોના ઉમેદવારો જ્યારે ઉત્સાહભેર ફોર્મ ભરી રહ્યા હતા, ત્યારે ગૌશાલીબેને અચાનક ફિનાઈલ ગટગટાવી લેતા કચેરીમાં દોડધામ મચી ગઈ હતી. ઘટનાને પગલે હાજર સુરક્ષાકર્મીઓ અને કાર્યકરોએ તાત્કાલિક 108 એમ્બ્યુલન્સ બોલાવી તેમને સારવાર અર્થે નજીકની હોસ્પિટલમાં ખસેડ્યા હતા. હાલ તેમને તબીબી નિરીક્ષણ હેઠળ રાખવામાં આવ્યા છે. ત્યાર બાદ ભાજપ અને આપના કાર્યકરો સામ સામે આવી ગયા હતા. સમગ્ર કલેક્ટર કચેરી જાણે સમરાંગણ બની ગઈ હોય એવો માહોલ ઉભો થઈ ગયો હતો. બન્ને પક્ષે સામ સામા સૂત્રોચ્ચાર કર્યા હતા. તેમજ ખેસ પણ ઝૂંટવવા લાગ્યા હતા. વાંચો સંપૂર્ણ સમાચાર 7. દ. ગુજરાતમાં ભાજપે ખેલ પાડ્યો:નવસારી જિલ્લા પંચાયતની 3 બેઠકો બિનહરીફ, છેલ્લે છેલ્લે 4 ઉમેદવાર બદલી રોષ ઠારવાનો પ્રયાસ, કોંગ્રેસમાં કકળાટ સ્થાનિક સ્વરાજ્યની ચૂંટણીમાં ઉમેદવારી નોંધાવવાનો આજે (11 એપ્રિલ) છેલ્લો દિવસ હતો. બપોરે ત્રણ વાગ્યા સુધીમાં ઉમેદવારોએ ફોર્મ ભરી દીધા છે. સવારે 10 વાગ્યાથી ઢોલ-નગારા સાથે રેલી કાઢી ઉમેદવારો ફોર્મ ભરવા પહોંચ્યા હતા. ચૂંટણીનું કાઉનડાઉન શરૂ થતાં જ ભાજપે દક્ષિણ ગુજરાતમાં મોટો ખેલ પાડી દીધો છે. નવસારી જિલ્લા પંચાયતની 3 બેઠકો બિનહરીફ થઈ ગઈ છે. અંતિમ ઘડી સુધી કોંગ્રેસે અમદાવાદ કોર્પોરેશનમાં પોતાના ઉમેદવાર જાહેર કર્યા હતા તો ભાજપે પણ પોતાના 4 ઉમેદવાર બદલવાની ફરજ પડી હતી. જેમાં રાજકોટ, વડોદરામાં એક-એક અને અમદાવાદમાં બે ઉમેદવાર બદલાયા હતા. વાંચો સંપૂર્ણ સમાચાર 🎭 આજનું કાર્ટૂન ⚡ કેટલાક મહત્વના સમાચારો હેડલાઈનમાં 1.નેશનલ : કદાવર નેતા સાથે મોટી દુર્ઘટના ઘટતા રહી ગઈ:હેલિપેડની જગ્યાએ કાર પાર્કિંગમાં ઉતર્યું છગન ભુજબળનું હેલિકોપ્ટર, અજિત પવાર જેવો અકસ્માત ટળ્યો વાંચો સંપૂર્ણ સમાચાર 2.ઈન્ટરનેશનલ : ચંદ્રની ઐતિહાસિક સફર કરીને પૃથ્વી પર પરત ફર્યા 4 અવકાશયાત્રી:11.17 લાખ કિમીની મુસાફરી કરી, સવારે પ્રશાંત મહાસાગરમાં ઉતર્યું NASAનું યાન વાંચો સંપૂર્ણ સમાચાર 3.નેશનલ : દુબઈથી આવી રહેલા વિમાનનું લખનઉમાં ઇમરજન્સી લેન્ડિંગ:154 મુસાફરો સવાર હતા, કાઠમંડુમાં ખરાબ હવામાનને કારણે મંજુરી મળી નહીં; દોઢ કલાક પછી રવાના થયું વાંચો સંપૂર્ણ સમાચાર 4.બિઝનેસ : ટ્રેન ટિકિટ રિફંડના નિયમો બદલાયા:ધુમાડો નહીં, હવે ટ્રેન વરાળ છોડશે; ટિકિટ કેન્સલેશનથી લઈને બોર્ડિગ સ્ટેશનને લઈને રેલવેમાં 8 મોટા ફેરફારો વાંચો સંપૂર્ણ સમાચાર 5.સ્પોર્ટ્સ : પંજાબે IPLની આ સીઝનની ત્રીજી મેચ જીતી:હૈદરાબાદ સામે 220 રનનો ટાર્ગેટ 18.5 ઓવરમાં ચેઝ કર્યો; પ્રિયાંશ, પ્રભસિમરન અને શ્રેયસની ફિફ્ટી વાંચો સંપૂર્ણ સમાચાર 6.ધર્મ તહેવાર જ્યોતિષ : મીન રાશિમાં ગ્રહોના 'રાજકુમાર' બુધની એન્ટ્રી!:વૃષભ રાશિના જાતકો માટે 'શુભ' સફરની શરૂઆત, મિથુન રાશિના લોકોએ નોકરી બદલવાનો વિચાર ટાળવો વાંચો સંપૂર્ણ સમાચાર 🗣️ ચર્ચિત નિવેદન 😲 અજબ ગજબ દીવાલ-શટરની વચ્ચે 6 કલાક ફસાયેલો રહ્યો ચોર યુપીના ગાઝિયાબાદમાં ચોરી કરવા ઘૂસેલો ચોર પોતે જ ફસાઈ ગયો. ક્લિનિકમાં ઘૂસતી વખતે તેની ગરદન શટર અને દીવાલની વચ્ચે ફસાઈ ગઈ અને તે 6 કલાક સુધી ત્યાં જ ફસાયેલો રહ્યો. ત્યારબાદ ફાયર બ્રિગેડની ટીમને બોલાવીને તેનું રેસ્ક્યૂ કરવામાં આવ્યું. 📸 ફોટો, જે પોતે સમાચાર છે 🌟 ભાસ્કરની એક્સક્લૂસિવ સ્ટોરીઝ, જે સૌથી વધારે વંચાઈ 1. ભાસ્કર સિરીઝ : ‘ભક્તો, રોકો ઇનકો, યે મુઝે પકડકે લે જા રહે હૈ’: આગળ આસારામને લઈ જતી પોલીસ, ને પાછળ સેંકડો ગુંડાઓનાં ટોળાં, જુઓ દિલધડક એપિસોડ-33 2. MATCH મસાલા : હાર્દિક-કૃણાલ વચ્ચે સંબંધો બગડ્યા?:ગિલનું નામ સાંભળતા જ સારા શરમાઈ ગઈ, તારક મેહતાએ કઈ IPL ટીમને સખત ટ્રોલ કરી? 3. પારકી પંચાત : પક્ષપલટુઓને લોલીપોપ, BJPમાં ડખા ચાલુ: EX મેયરને ધક્કા મારી કમલમમાંથી કાઢ્યા; પીઢ નેતાએ ચાવી ભરી ને કાર્યકરોએ ઉપાડો લીધો, જુઓ VIDEO 4. ટોલ પ્લાઝા પર કડક નિયમો લાગુ:FASTag નહીં હોય તો UPIથી આપવો પડશે 1.25 ગણો ચાર્જ, બ્લેકલિસ્ટ ટેગ પર ડબલ ટોલ ચૂકવવો પડશે 5. કેપ્ટન બાબા-એકનાથ શિંદે વચ્ચે 17 વાર કોલ કેમ થયા:CM બદલવા માટે પૂજાનો દાવો કેટલો સાચો, ખરાતનું પોલિટિકલ કનેક્શન 6. ઈલેક્શન એક્સપ્લેનર : સોનિયાએ 9 દિવસ રાહ જોવડાવી, મમતાએ બળવો કર્યો:બંગાળમાં ક્યારેક 39% વોટ મેળવનારી કોંગ્રેસ, 2.9% પર સમેટાઈ; શું જાણીજોઈને હારી રહ્યા છે રાહુલ ⏳ આજના દિવસનો ઈતિહાસ 🌦️ મોસમનો મિજાજ રવિવારનું રાશિફળ: ધન અને કુંભ રાશિ પર ભાગ્યની કૃપા વરસશે, તુલા જાતકોએ લાગણીમાં વહીને નિર્ણય લેવાનું ટાળવું (સંપૂર્ણ સમાચાર વાંચો)