Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    એપ્સ્ટીન મામલે મેલાનિયા ટ્રમ્પનો બાટલો ફાટ્યો:કહ્યું- મને દોષિત જાતીય અપરાધી સાથે જોડતા જૂઠાણાંથી દૂર રાખો, પીડિતો માટે સુનાવણી યોજવા કોંગ્રેસને હાકલ કરી

    8 hours ago

    1

    0

    👍 ❤️ 😂 😮 😢 😡 😘 🤐 🥰

    USAના ફર્સ્ટ લેડી મેલાનિયા ટ્રમ્પે ગુરુવારે વ્હાઇટ હાઉસમાંથી આપેલા નિવેદનમાં “મને અપમાનિત જેફરી એપસ્ટીન સાથે જોડતા જૂઠાણાંથી દૂર રાખો” એમ કહીને આકરા પ્રહાર કર્યા હતા. તેમણે દોષિત ઠરેલા જાતીય અપરાધીથી પોતાને દૂર રાખવાનો પ્રયાસ કર્યો હતો. આ સાથે જ મેલાનિયા ટ્રમ્પે કોંગ્રેસને વિનંતી કરી હતી કે તેઓ એવી સુનાવણી યોજે જેમાં પીડિતો કેપિટલ હિલ (સંસદ) પર જુબાની આપી શકે. મેલાનિયાએ કહ્યું- હું ક્યારેય એપસ્ટીનની મિત્ર નહોતી મેલાનિયા ટ્રમ્પે પત્રકારોને જણાવ્યું, “હું ક્યારેય એપસ્ટીનની મિત્ર રહી નથી. ડોનાલ્ડ અને મને સમયાંતરે એપસ્ટીન જેવી જ પાર્ટીઓમાં આમંત્રણ આપવામાં આવતું હતું, કારણ કે ન્યૂયોર્ક સિટી અને પામ બીચમાં સામાજિક વર્તુળો એકબીજા સાથે જોડાયેલા હોવા સામાન્ય બાબત છે. સ્પષ્ટતા ખાતર કહી દઉં કે, મારે એપસ્ટીન અથવા તેની મહિલા મિત્ર ઘિસ્લેન મેક્સવેલ સાથે ક્યારેય કોઈ સંબંધ નહોતો.” પીડિતાઓ માટે અમેરિકી સંસદમાં મંચ પૂરો પાડવા હાકલ મેલાનિયા ટ્રમ્પે કોંગ્રેસને એપસ્ટીનના પીડિતો માટે કેપિટલ હિલ પર જુબાની આપવા માટે એક મંચ પૂરો પાડવા હાકલ કરી હતી. તેમણે કહ્યું, “હું કોંગ્રેસને વિનંતી કરું છું કે એપ્સટાઇનના પીડિતોને જાહેર સુનાવણી પૂરી પાડવામાં આવે અને આ પીડિતોને કોંગ્રેસ સમક્ષ શપથ હેઠળ જુબાની આપવાની મંજૂરી આપવામાં આવે, જેથી તેમની જુબાનીમાં શપથ લીધેલી જુબાનીની સંપૂર્ણ કાનૂની શક્તિ હોય.” “દરેક મહિલાને તેની ઈચ્છા હોય તો જાહેરમાં પોતાની વાર્તા કહેવાનો અધિકાર હોવો જોઈએ અને ત્યારબાદ તેની જુબાની કાયમી ધોરણે કોંગ્રેસના રેકોર્ડમાં નોંધવી જોઈએ.” ભૂતપૂર્વ એટર્ની જનરલ પામેલા બોન્ડી, જેમને આંશિક રીતે એપસ્ટીન ફાઇલોના તેમના સંચાલનને કારણે બરતરફ કરવામાં આવ્યા હતા, તેમને ફેબ્રુઆરીમાં કોંગ્રેસની સુનાવણી દરમિયાન એપસ્ટીનના પીડિતોની માફી માંગવા માટે કહેવામાં આવ્યું હતું, પરંતુ તેમણે તેમ કરવાનો ઇનકાર કર્યો હતો. મેલાનિયા ટ્રમ્પે મેક્સવેલ સાથેના તેમના સંબંધોને પણ ઓછા મહત્વના દર્શાવવાનો પ્રયાસ કર્યો હતો, જે એપસ્ટીનની સહયોગી હતી અને સેક્સ ટ્રાફિકિંગ માટે દોષિત ઠરી હતી. ફેબ્રુઆરીમાં CNN એ તેમના કાર્યાલયને 2002 માં બંને મહિલાઓ વચ્ચે થયેલા મૈત્રીપૂર્ણ ઇમેઇલ સંવાદ વિશે પૂછપરછ કરી હતી — જે એપસ્ટીન તપાસ સંબંધિત દસ્તાવેજોના ભાગ રૂપે જાહેર કરવામાં આવ્યો હતો — પરંતુ તેનો કોઈ પ્રતિસાદ મળ્યો ન હતો. ટ્રમ્પે તે ઇમેઇલ પર "Love, Melania" લખીને હસ્તાક્ષર કર્યા હતા અને મેક્સવેલે જવાબમાં તેમને "Sweet pea" કહીને સંબોધ્યા હતા. મેલાનિયાએ ગુરુવારે એ વાત પર પણ ભાર મૂક્યો હતો કે તેમના સામાજિક સંબંધો હોવા છતાં તેઓ એપસ્ટીનના ગુનાઓથી અજાણ હતા. “મને (એપસ્ટીન દ્વારા) તેના પીડિતો પર કરવામાં આવેલા અત્યાચાર વિશે ક્યારેય કોઈ જાણકારી નહોતી. હું કોઈપણ રીતે આમાં સામેલ નહોતી. હું તેમાં સહભાગી નહોતી. હું ક્યારેય એપસ્ટીનના પ્લેનમાં ગઈ નથી અને ક્યારેય તેના ખાનગી ટાપુની મુલાકાત લીધી નથી,” તેમણે તેના કૃત્યોને “ધૃણાસ્પદ” ગણાવતા કહ્યું હતું. એપસ્ટીન ફાઇલોમાં 38 હજાર વખત ટ્રમ્પનું નામ ઉલ્લેખનીય છે કે એપસ્ટીન ફાઇલોમાં અમેરિકી રાષ્ટ્રપતિ ડોનાલ્ડ ટ્રમ્પનું નામ 38 હજારથી વધુ વખત નોંધાયેલું છે. રેકોર્ડમાં 1990ના દાયકામાં એપસ્ટીનના ખાનગી વિમાનથી 7-8 યાત્રાઓનો ઉલ્લેખ છે. ટ્રમ્પના માર-એ-લાગો ક્લબની ગેસ્ટ લિસ્ટમાં પણ સામેલ છે. તપાસમાં સામે આવ્યું કે યૌન શોષણનું નેટવર્ક અમેરિકા સુધી સીમિત નહોતું. એપસ્ટીને સંગઠિત ટ્રાફિકિંગ નેટવર્ક બનાવ્યું. અત્યાર સુધીમાં 15 દેશોના ધનિકો, નેતાઓ અને આંતરરાષ્ટ્રીય હસ્તીઓના નામ સામે આવ્યા છે. ટ્રમ્પે આરોપોને ખોટા ગણાવ્યા છે ટ્રમ્પે એપસ્ટીન સાથે સંકળાયેલા તમામ આરોપોમાં કોઈપણ ખોટા કામનો ઇનકાર કર્યો છે. અગાઉ ન્યાય વિભાગે પણ કહ્યું હતું કે જારી કરાયેલા કેટલાક દસ્તાવેજોમાં ટ્રમ્પ વિરુદ્ધ "ખોટા અને સનસનાટીભર્યા દાવા" છે. જ્યારે વિપક્ષી ડેમોક્રેટિક નેતાઓએ ટ્રમ્પ સરકાર પર આરોપ લગાવ્યો છે કે તેણે એપસ્ટીન તપાસ સંબંધિત કેટલીક એવી માહિતી છુપાવવાનો પ્રયાસ કર્યો, જે ટ્રમ્પ માટે નુકસાનકારક હોઈ શકે છે. ટ્રમ્પ પર ફાઇલ દબાવવાનો આરોપ અમેરિકાના વિપક્ષી ડેમોક્રેટિક પાર્ટીના નેતાઓ આ વાત પર સવાલ ઉઠાવી રહ્યા છે કે ટ્રમ્પ સરકાર એપસ્ટીન સંબંધિત દસ્તાવેજોને કેવી રીતે હેન્ડલ કરી રહી છે. ડેમોક્રેટ્સનો આરોપ છે કે ટ્રમ્પ પ્રશાસને એપસ્ટીન તપાસ સંબંધિત એવી માહિતીઓ દબાવી, જે ટ્રમ્પને નુકસાન પહોંચાડી શકતી હતી. હાઉસની એક કમિટીએ એટર્ની જનરલ પામ બોન્ડીને નોટિસ જારી કરવાના પક્ષમાં વોટ કર્યો. તેમને કોર્ટમાં જવાબ આપવો પડશે. મહિલાનો એ પણ દાવો છે કે છેલ્લા ઘણા વર્ષોમાં તેને અને તેના નજીકના લોકોને ચૂપ રહેવા માટે ઘણા ધમકીભર્યા ફોન કોલ પણ આવ્યા હતા. મહિલાનું માનવું છે કે આ કોલ એપસ્ટીન સાથે સંકળાયેલા લોકો તરફથી હોઈ શકે છે. એપસ્ટીન કેસની સંપૂર્ણ કહાની શું છે? તેની શરુઆત 2005માં થઈ હતી, જ્યારે ફ્લોરિડામાં 14 વર્ષની છોકરીની માતાએ પોલીસ ફરિયાદ નોંધાવી. એમાં કહેવામાં આવ્યું છે કે એપસ્ટીનના વૈભવી ઘરમાં તેની પુત્રીને 'મસાજ' કરવાના બહાને બોલાવવામાં આવી હતી, પરંતુ ત્યાં પહોંચ્યા પછી સંબંધ બાંધવા તેના પર દબાણ કરવામાં આવ્યું હતું. જ્યારે છોકરી ઘરે પાછી આવી અને તેનાં માતાપિતાને કહ્યું, ત્યારે તેમણે તરત જ પોલીસ રિપોર્ટ નોંધાવ્યો. જેફરી એપસ્ટીન સામે આ પહેલી સત્તાવાર ફરિયાદ હતી. પોલીસ તપાસ દરમિયાન, એવું બહાર આવ્યું કે આ કોઈ અલગ ઘટના નથી. ધીમે ધીમે લગભગ 50 સગીર છોકરીની ઓળખ કરવામાં આવી, જેમણે એપસ્ટીન સામે સમાન આરોપો લગાવ્યા હતા. પામ બીચ પોલીસ વિભાગે આ બાબતને ગંભીરતાથી લીધી અને ઘણા મહિનાઓ સુધી તપાસ કરી. એપસ્ટીન સામે ગુનાહિત તપાસ શરૂ થઈ. એપસ્ટીન સગીર છોકરીઓને તેના ખાનગી જેટ, "લોલિતા એક્સપ્રેસ" માં પાર્ટીઓમાં લઈ જતો હતો. તે તેમને પૈસા અને ઘરેણાંની લાલચ આપીને તેમજ ધમકી આપીને દબાણ કરતો હતો. આ પ્રયાસમાં એપસ્ટીનની ગર્લફ્રેન્ડ અને પાર્ટનર, ગિસ્લીન મેક્સવેલે પણ મહત્ત્વની ભૂમિકા ભજવી હતી, જોકે શરૂઆતની તપાસ છતાં એપસ્ટીન જેલમાં લાંબા સમય સુધી રહ્યો નહીં. તેનો દબદબો એટલો હતો કે 2008માં તેને ફક્ત 13 મહિનાની સજા ફટકારવામાં આવી, જે દરમિયાન તે જેલની બહાર પણ કામ કરી શકતો હતો.
    Click here to Read More
    • Share:
    Manipur CM chairs high-level security meet after violence
    Previous Article
    Manipur CM chairs high-level security meet after violence
    Next Article
    Gleaming interiors, building with green features: Showcase Noida airport prepares to welcome flights
    Gleaming interiors, building with green features: Showcase Noida airport prepares to welcome flights

    Related International Updates:

    Are you sure? You want to delete this comment..! Remove Cancel

    Comments (0)

      Leave a comment

      Send