મોર્નિંગ ન્યૂઝ બ્રીફ:સુવેન્દુ અધિકારીના પીએની ગોળી મારીને હત્યા, કોણ બનશે તમિલનાડુના CM?; રાજ્યમાં માવઠાની આગાહી

નમસ્તે, ગઈકાલના મોટા સમાચાર પશ્ચિમ બંગાળથી છે. મમતાને હરાવનારા સુવેન્દુ અધિકારીના પીએ (PA)ની હત્યા કરી દેવામાં આવી. બીજા સમાચાર પંજાબમાં થયેલા બ્લાસ્ટના છે જેમાં પાકિસ્તાનનો હાથ હોવાની શંકા છે. અમે તમને એ પણ જણાવીશું કે તમિલનાડુમાં સીએમ કોણ બનશે, તેના પર પેચ કેમ ફસાયેલો છે. ⏰ આજની ઈવેન્ટ્સ, જેના પર રહેશે નજર 1. રોયલ ચેલેન્જર્સ બેંગલુરુ અને લખનઉ સુપર જાયન્ટ્સ વચ્ચે સાંજે 7:30 વાગ્યાથી મુકાબલો થશે. 📰 કાલના મોટા સમાચારો 1. તમિલનાડુમાં વિજયના શપથ ટળી શકે છે:સરકાર બનાવવા 118 ધારાસભ્યો જરૂરી, TVK પાસે 113; બંગાળમાં 9 મેના રોજ ભાજપ સરકારના શપથ તમિલનાડુમાં 7 મેના રોજ નવી સરકારનો શપથ ગ્રહણ સમારોહ ટળી શકે છે. TVK ચીફ વિજયે બુધવારે લોકભવનમાં રાજ્યપાલને મળીને સરકાર બનાવવાનો દાવો રજૂ કર્યો. સૂત્રો અનુસાર, વિજયે 113 ધારાસભ્યોનો સમર્થન પત્ર સોંપ્યો છે. સમર્થન પત્રમાં TVKના 107 અને કોંગ્રેસના 5 ધારાસભ્યોની સહીઓ છે. ANI સૂત્રો અનુસાર, રાજ્યપાલ રાજેન્દ્ર આર્લેકરે 118 ધારાસભ્યોના સમર્થન પત્રની માગ કરી. આના પર વિજયે સમર્થન માટે સમય માંગ્યો. 234 સભ્યોની વિધાનસભામાં TVKની 108 બેઠકો છે, પરંતુ વિજય બે બેઠકો પર જીત્યા છે, તેથી એક બેઠક છોડવા પર તે 107 રહી જશે. કુલ બેઠકો 233 હોવા છતાં બહુમતી 118 જ રહેશે, તેથી TVKને વધુ 11 ધારાસભ્યોની જરૂર છે. હાલમાં કોંગ્રેસના 5 ધારાસભ્યોનું સમર્થન મળ્યું છે. વાંચો સંપૂર્ણ સમાચાર 2. સુવેન્દુ અધિકારીના પીએની ગોળી મારીને હત્યા:કોલકાતાના મધ્યગ્રામમાં 4 ગોળીઓ મારી, TMC કાર્યકરો પર હત્યાનો આરોપ પશ્ચિમ બંગાળના કોલકાતામાં ભાજપના નેતા સુવેન્દુ અધિકારીના પીએ ચંદ્રનાથ રથની બુધવારે રાત્રે 11.30 વાગ્યાની આસપાસ ગોળી મારીને હત્યા કરવામાં આવી છે. આ ઘટના કોલકાતાના મધ્યગ્રામ વિસ્તારની છે. જાણકારી અનુસાર, ચંદ્રનાથ સફેદ રંગની સ્કોર્પિયોમાં સવાર હતા, ત્યારે બાઇક સવાર હુમલાખોરોએ તેમના વાહનને રોક્યું અને નજીકથી 4-5 રાઉન્ડ ફાયરિંગ કર્યું. ગોળી રથના છાતીમાં વાગી. ત્યારબાદ હુમલાખોરો ઘટનાસ્થળેથી ફરાર થઈ ગયા. રથને તાત્કાલિક નજીકના નર્સિંગ હોમ લઈ જવામાં આવ્યા, જ્યાં ડોકટરોએ તેમને મૃત જાહેર કર્યા. તેમની હત્યાનો આરોપ ટીએમસીના કાર્યકરો પર લગાવવામાં આવ્યો છે. બંગાળમાં 4 મેના રોજ પરિણામ પછી હિંસા શરૂ થઈ. છેલ્લા 24 કલાક દરમિયાન 4 લોકોની હત્યા થઈ. તેમાં ભાજપ અને TMCના 2-2 કાર્યકરો છે. વાંચો સંપૂર્ણ સમાચાર 3. રિપોર્ટ- ઈરાન યુદ્ધ 48 કલાકમાં સમાપ્ત થઈ શકે છે:14 શરતોનો કરાર તૈયાર, અમેરિકા ઈરાની સંપત્તિ પરત કરશે; ઈરાન હોર્મુઝ ખોલશે અને પરમાણુ કાર્યક્રમ રોકશે અમેરિકા અને ઈરાન યુદ્ધ સમાપ્ત કરવા અને પરમાણુ વાટાઘાટોનો માર્ગ નક્કી કરવાના ખૂબ નજીક પહોંચી ગયા છે. અમેરિકી વેબસાઈટ એક્સિયોસના રિપોર્ટ અનુસાર, ઈરાન 48 કલાકની અંદર યુદ્ધવિરામ અંગે સહમતિ આપી શકે છે. બંને દેશો વચ્ચે 14 મુદ્દાનો કરાર (MOU) તૈયાર છે. જોકે, હજુ સુધી તે અંતિમ નથી થયો, પરંતુ વાતચીત પહેલા કરતા ઘણી આગળ વધી ચૂકી છે. ડ્રાફ્ટ અનુસાર, ઈરાન ન્યુક્લિયર પ્રોગ્રામને થોડા સમય માટે રોકી શકે છે. બદલામાં અમેરિકા ધીમે ધીમે પ્રતિબંધો ઘટાડશે અને ઈરાનના જપ્ત કરાયેલા અબજો ડોલર જાહેર કરી શકે છે. સાથે જ, હોર્મુઝમાં બંને તરફથી લગાવવામાં આવેલી પ્રતિબંધોમાં પણ છૂટછાટ આપવામાં આવશે. જોકે, સૌથી મોટો વિવાદ ન્યુક્લિયર પ્રોગ્રામ રોકવાની અવધિને લઈને છે. વાંચો સંપૂર્ણ સમાચાર 4. આર્મી કેમ્પ-BSF હેડક્વાર્ટરની બહાર IED બ્લાસ્ટના VIDEO:પંજાબ DGP બોલ્યા, 'ટાઈમર-રીમોટથી કર્યા'; PAKનો હાથ; CM માન બોલ્યા- BJPએ કરાવ્યા જલંધરમાં BSF હેડક્વાર્ટરની બહાર મંગળવારે રાત્રે વિસ્ફોટ થયો. તેમાં ઇમ્પ્રુવાઇઝ્ડ એક્સપ્લોઝિવ ડિવાઇસ (IED)નો ઉપયોગ કરવામાં આવ્યો હોવાનું કહેવાય છે. સદનસીબે, વિસ્ફોટમાં કોઈને ઈજા થઈ નથી. આ બ્લાસ્ટનો વીડિયો પણ સામે આવ્યો છે. તે જ સમયે, અમૃતસરમાં આર્મી કેમ્પની અંદર પણ ગ્રેનેડ હુમલાનો પ્રયાસ કરવામાં આવ્યો હતો, પરંતુ તે દિવાલ સાથે અથડાઈને ફાટી ગયો. DGP ગૌરવ યાદવે અમૃતસર પહોંચીને સ્થળનું નિરીક્ષણ કર્યું. તેમણે સ્વીકાર્યું કે જલંધર અને અમૃતસરમાં IED બ્લાસ્ટ થયા હતા. તેમણે કહ્યું કે જલંધરમાં ટાઈમર કે રિમોટથી બ્લાસ્ટ કરવામાં આવ્યો હોવાની શક્યતા છે. તેમાં પાકિસ્તાની ગુપ્તચર એજન્સીઓનો હાથ છે. ઓપરેશન સિંદૂરની વર્ષગાંઠને કારણે વિસ્ફોટો કરવામાં આવ્યા હોઈ શકે છે. DGP હવે જલંધર પહોંચ્યા છે. વાંચો સંપૂર્ણ સમાચાર 5. વંદે માતરમ ગીતને 'જન ગણ મન' જેવો દરજ્જો મળશે:કેબિનેટ બેઠકમાં નિર્ણય; અપમાન કરવા કે ગીતમાં ખલેલ કરવા પર સજા-દંડ; જન-ગણ-મન પહેલાં ગવાશે કેન્દ્ર સરકારે વંદે માતરમને રાષ્ટ્રગાન ‘જન ગણ મન’ સમાન દરજ્જો આપવાનો નિર્ણય કર્યો છે. પશ્ચિમ બંગાળ વિધાનસભા ચૂંટણીમાં ભાજપને મળેલી જીત બાદ PM નરેન્દ્ર મોદીની અધ્યક્ષતામાં યોજાયેલી કેબિનેટની પ્રથમ બેઠકમાં આ નિર્ણય લેવાયો હતો. બેઠકમાં રાષ્ટ્રીય ગૌરવ અપમાન નિવારણ અધિનિયમમાં સુધારાના પ્રસ્તાવને પણ મંજૂરી આપવામાં આવી છે. કેબિનેટના નિર્ણય અનુસાર, બંકિમચંદ્ર ચેટર્જી રચિત વંદે માતરમ પર હવે તે જ નિયમો અને પ્રતિબંધો લાગુ પડશે, જે હાલમાં રાષ્ટ્રગાન પર લાગુ છે. એટલે કે, તેના અપમાન કે ગીતમાં અવરોધ ઊભો કરવાની સ્થિતિમાં સજા થશે. હાલમાં રાષ્ટ્રીય ધ્વજ, બંધારણ અને રાષ્ટ્રગાનના અપમાન પર જેલ, દંડ અથવા બંનેની જોગવાઈ છે, અને હવે વંદે માતરમ પણ તેમાં સામેલ કરવામાં આવશે. વાંચો સંપૂર્ણ સમાચાર 6. 1 જૂનથી ગુજરાતમાં વસતી ગણતરીનો પ્રારંભ થશે:પરિવારદીઠ આ 33 સવાલ પૂછવામાં આવશે, 17 મેથી તમે જાતે પણ માહિતી નોંધાવી શકશો ગુજરાતમાં વસતી ગણતરીને લઈ મહત્વપૂર્ણ પ્રક્રિયા હાથ ધરવામાં આવી છે. રાજ્ય સરકારના ગેઝેટ મુજબ રાજ્યમાં 1 જૂન 2026થી 30 જૂન 2026 દરમિયાન હાઉસ લિસ્ટિંગ ઓપરેશન હાથ ધરાશે. આ તબક્કામાં દરેક મકાન, રહેણાંક એકમ તેમજ ઘરેલુ માહિતી એકત્રિત કરવામાં આવશે અને પરિવારદીઠ આશરે 33 સવાલો પૂછવામાં આવશે. હાઉસ ટુ હાઉસ ગણતરી શરૂ થાય તે પહેલાં નાગરિકોને પોતાની માહિતી જાતે જ નોંધાવવાની તક આપવામાં આવશે. 17 મેથી 31 મે દરમિયાન “સેલ્ફ એન્યુમેરેશન” (Self Enumeration) પ્રક્રિયા હાથ ધરાશે, જેમાં લોકો પોતાની માહિતી સ્વયં નોંધાવી શકશે. વાંચો સંપૂર્ણ સમાચાર 7. ગીર પંથકમાં મિની વાવાઝોડા સાથે વરસાદ, વૃક્ષ પડતા રોડ બંધ:રાજકોટ, અમરેલી, કચ્છ સહિત 6 જિલ્લામાં ગાજવીજ સાથે માવઠાની આગાહી; તૈયાર ખેતી પાકો પર સંકટ હવામાન વિભાગ દ્વારા રાજ્યમાં આગામી 7 દિવસ માટે વરસાદની નવી આગાહી જાહેર કરવામાં આવી છે. ગઈકાલે એટલે કે, 5 મેના અમદાવાદ, કચ્છ, અમરેલી, ગીર સોમનાથ, મહિસાગર, દાહોદ સહિતના વિસ્તારોમાં ભારે પવન સાથે વરસાદો ખાબક્યો હતો. ખાસ કરીને અમદાવાદમાં સાંજ પછી ભારે પવન અને આંધી સાથે અનેક વિસ્તારોમાં વરસાદ પડ્યો હતો. તો વાવાઝોડાના કારણે વૃક્ષો પણ તૂટી પડ્યાં હતાં. વેસ્ટર્ન ડિસ્ટર્બન્સના પ્રભાવને કારણે રાજ્યના ઉત્તર ગુજરાતના પાંચ અને સૌરાષ્ટ્રના ચાર જિલ્લામાં ભારે પવન સાથે માવઠાની આગાહી છે. આજે ગરમીમાં ઘટાડો થશે, પરંતુ ઉકળાટનો અહેસાસ યથાવત્ રહેશે. સાથે જ પવનની ગતિ 40થી 45 કિલોમીટર પ્રતિ કલાક સુધી પહોંચી શકે છે, જેના કારણે હવામાનમાં અચાનક બદલાવ જોવા મળી શકે છે. વાંચો સંપૂર્ણ સમાચાર 🎭આજનું કાર્ટૂન ⚡ કેટલાક મહત્વના સમાચારો હેડલાઈનમાં 1.નેશનલ : બંગાળમાં SIRની કાતર! દરેક બેઠક પર 30 હજાર મતદારો કપાયા:176 બેઠકો પર એટલા જ માર્જિનથી જીત, ભાજપને TMC કરતાં 32 લાખ વધુ મત; મમતા પરિણામોને કોર્ટમાં પડકારી શકે છે વાંચો સંપૂર્ણ સમાચાર 2.ઈન્ટરનેશનલ : બંગાળમાં BJP જીતી તો બાંગ્લાદેશમાં સત્તાધારી પાર્ટી ખુશ:કહ્યું- સંબંધો મજબૂત થશે, મમતા બેનર્જીના કારણે તીસ્તા નદી કરાર થઈ શક્યો નથી વાંચો સંપૂર્ણ સમાચાર 3.નેશનલ : છત્તીસગઢમાં ભારે વરસાદથી હાઈવે, ઘર પાણીમાં ગરકાવ:યુપીના ગાઝિયાબાદમાં કરા પડ્યા, MP-બિહારમાં વરસાદ; રાજસ્થાનમાં તાપમાન 40°C થી નીચે વાંચો સંપૂર્ણ સમાચાર 4.ઈન્ટરનેશનલ : ઇટાલીના પીએમની અશ્લીલ ડીપફેક તસવીર વાયરલ:મેલોની બોલ્યા- આ કોઈની પણ સાથે થઈ શકે છે, ડીપફેક એક ખતરનાક વસ્તુ છે વાંચો સંપૂર્ણ સમાચાર 5.બિઝનેસ : સોનું ₹3 હજાર વધીને ₹1.51 લાખ પર પહોંચ્યું:આ વર્ષે ₹18 હજાર મોંઘુ થયું, ચાંદી આજે ₹6 હજાર વધીને ₹2.46 લાખ પ્રતિ કિલોએ પહોંચી વાંચો સંપૂર્ણ સમાચાર 6.સ્પોર્ટ્સ : IPLનું ગણિત: સતત બે જીત બાદ ચેન્નઈની પ્લેઓફની આશા જીવંત:સનરાઇઝર્સ પાસે આજે નંબર-1 બનવાની તક, ઓરેન્જ કેપ મેળવા અભિષેક શર્મા મેદાનમાં ઉતરશે વાંચો સંપૂર્ણ સમાચાર 7.ધર્મ તહેવાર જ્યોતિષ : કૈલાશ માનસરોવરની યાત્રા મોંઘી થઈ:કુલ ખર્ચમાં ₹35 હજારનો વધારો, હવે ₹2.09 લાખ ચૂકવવા પડશે; 4 જુલાઈથી યાત્રા શરૂ થશે વાંચો સંપૂર્ણ સમાચાર 🗣️ ચર્ચિત નિવેદન 😲 અજબ ગજબ લોકોને પેશાબ કરવાથી રોકવા માટે અરીસા લગાવવામાં આવ્યા કર્ણાટકના મૈસૂરમાં ખુલ્લામાં પેશાબ કરવાથી રોકવા માટે બસ સ્ટેન્ડ પાસેની દીવાલો પર અરીસા લગાવવામાં આવ્યા છે. અધિકારીઓનું માનવું છે કે લોકો પોતાને અરીસામાં જોઈને શરમ અનુભવશે. બસ સ્ટેન્ડથી 100 મીટરની અંદર 4 શૌચાલય છે, પરંતુ લોકો તેનો ઉપયોગ કરી રહ્યા નથી. 📸 ફોટો, જે પોતે સમાચાર છે 🌟 ભાસ્કરની એક્સક્લૂસિવ સ્ટોરીઝ, જે સૌથી વધારે વંચાઈ 1. Editor’s View: અમેરિકાનો ફુગ્ગો ફુટ્યો:ટ્રમ્પનો 'પ્રોજેક્ટ ફ્રીડમ' ફેલ, ચીન-રશિયાએ ગેમ પલટાવી, જાણો વિનાશક યુદ્ધની ડાર્ક રિયાલિટીની ઇનસાઇડ સ્ટોરી 2. MATCH મસાલા : મોદી સરકારે પાકિસ્તાની ક્રિકેટર્સ પર લીધો મોટો નિર્ણય: ‘રાજસ્થાનની ટીમ વૈભવ પાસે બાળ મજુરી કરાવે છે’; બેંગલોરનો વિવાદ અમદાવાદને કેવી રીતે ફળ્યો? 3. 'મને થયું કોઇ રૂપાળી સ્ત્રી મારી પાછળ બેઠી છે': નરાધમે વાસના સંતોષવા જે કર્યું તે જાણીને રૂંવાડા ઊભા થઇ જશે, કોર્ટે ફાંસીની સજા ફટકારી 4. ભાસ્કર એક્સપ્લેનર : મમતા બેનર્જીએ રાજીનામું ન આપીને દાવ નાખ્યો: દેશમાં પહેલીવાર આવી સ્થિતિ, જાણો સંવિધાન અને એક્સપર્ટ શું કહે છે 5. પારકી પંચાત : 'એય તારા બાપનું નથી હો': મહિલા નેતાએ આંખો કાઢી PSIને ધમકાવ્યા, ભાજપનાં પોસ્ટરમાં જબરો લોચો, જગદીશ પંચાલનું પૂતળું ખેંચી સાહેબ ભાગ્યા 6. થલાપતિ વિજયનું CM બનવાનું નક્કી, માત્ર 11 ડગલાં દૂર: કોંગ્રેસના 5 ધારાસભ્ય તૈયાર, 6 માટે લીડ તોડી શકે છે AIDMK 🌍 કરંટ અફેર્સ ⏳ આજના દિવસનો ઈતિહાસ 📊​​​​​​​ માર્કેટની સ્થિતિ 🌦️ મોસમનો મિજાજ ગુરુવારનું રાશિફળ:આજનો દિવસ કન્યા રાશિના જાતકો માટે નવી સફળતા લઈને આવશે, મીન રાશિના લોકોની સમસ્યાઓનો અંત આવશે વાંચો સંપૂર્ણ રાશિફળ