Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    બાળકોને સ્કૂલમાં સિવિક સેન્સ શીખવાડવામાં આવશે:સોશિયલ મીડિયાના ઉપયોગથી સ્વચ્છતા-ટ્રાફિકના નિયમોના પાલન અંગે તાલીમ અપાશે, સપ્તાહ એક દિવસ તાલીમનું AMCનું આયોજન

    2 days ago

    લોકોમાં સામાન્ય બાબતોનું જ્ઞાન ન હોવાના કારણે ઘણી પરિસ્થિતિનો સામનો કરવો પડે છે ત્યારે નાનપણથી જ સ્કૂલમાં બાળકોને સિવિક સેન્સ શીખવાડવાનું આયોજન અમદાવાદ મ્યુનિસિપલ સ્કૂલ બોર્ડ દ્વારા કરવામાં આવ્યું છે. સ્વચ્છતા, ટ્રાફિક, પેડેસ્ટ્રીયન, પર્યાવરણ અંગેની જાગૃતિ, સામાજિક શિષ્ટાચાર અને વર્તન સહિતના અલગ અલગ મુદ્દાઓ પર બાળકોને જ્ઞાન આપી સિવિક સેન્સ અંગે અઠવાડિયામાં એક દિવસ તાલીમ આપવામાં આવશે. ખાસ સોશિયલ મીડિયાનો ઉપયોગ કેટલો અને કેવી રીતે કરવો તે બાબતેની જાણકારી બાળકોને આપવામાં આવશે. સરકારી ઉપરાંત ખાનગી સ્કૂલોમાં પણ આ તાલીમનું આયોજન કરાશે. કયા કયા મુદ્દા પર બાળકોને જાણકારી આપવામાં આવશે. 1. જાહેર સ્વચ્છતા (Cleanliness) 2. ટ્રાફિકના નિયમોનું પાલન (Traffic Discipline) 3. જાહેર સંપતિનું રક્ષણ (Protection of Public Property) 4. પર્યાવરણ પ્રત્યે જવાબદારી (Environmental Responsibility) 5. સામાજિક શિષ્ટાચાર અને વર્તન (Social Etiquette) 6. ડિજિટલ અને સોશિયલ મીડિયા સિવિક સેન્સ (Digital Civility) - અફવાઓ ન ફેલાવવી… સપ્તાહમાં એક દિવસ તાલીમ આપવા આયોજન અમદાવાદ મ્યુનિસિપલ સ્કૂલ બોર્ડના શાસનાધિકારી ડો.એલ.ડી દેસાઈએ જણાવ્યું હતું કે, મ્યુનિસિપલ કમિશનર બંછાનિધિ પાની સ્કૂલના બાળકોને સિવિક સેન્સની સમજ મળી રહે તેના માટે માર્ગદર્શન આપવામાં આવ્યું હતું. જેના આધારે સ્વચ્છતા, સફાઈ, ટ્રાફિકના નિયમોના પાલન, શિષ્ટાચાર, જાહેર સંપત્તિનું રક્ષણ જેવી બાબતોથી સિવિક સેન્સ અંગેની જાણકારીના અલગ અલગ 10 મુદ્દા તૈયાર કરી અને માતા પિતા સાથે બાળકોને સિવિક સેન્સની જાણકારી આપવામાં આવશે.દિવાળી વેકેશન બાદ સ્કૂલો ખુલતા સ્કૂલ બોર્ડની તમામ 460 જેટલી શાળાઓના 1.76 લાખ વિદ્યાર્થીઓને અઠવાડિયામાં એક વખત સિવિક સેન્સ અંગેની તાલીમ આપવા માટેનું આયોજન કરી દેવામાં આવ્યું છે. ખાનગી સ્કૂલમાં પણ જાણકારી આપવા પત્ર લખી જાણ કરાશે વધુમાં તેમણે જણાવ્યું હતું કે બાળકોનો જન્મદિવસ હોય ત્યારે ખાસ કરીને સિવિક સેન્સ બાબતે તેમના માતા પિતા સાથે સમજણ આપવાની પણ સૂચના આપવા જણાવવામાં આવ્યું છે. ખાસ કરીને સોશિયલ મીડિયાનો અત્યારે ઉપયોગ થઈ રહ્યો છે ત્યારે સોશિયલ મીડિયા (જેમ કે WhatsApp, Facebook) પર કોઈ પણ માહિતીની સત્યતા તપાસ્યા વગર તેને ફોરવર્ડ ન કરવી. ઇન્ટરનેટ કે સોશિયલ મીડિયા પર કોઈની પણ સાથે ચર્ચા કરતી વખતે અપશબ્દો કે ટ્રોલિંગનો ઉપયોગ ન કરવો. જાહેર જગ્યાએ અન્યોના ફોટા કે વીડિયો તેમની મંજૂરી વગર ન લેવા અને ફોટાનો દુરુપયોગ કરી પોસ્ટ ન કરવા એવી બાબતો પણ શીખવાડવામાં આવશે. માત્ર સ્કૂલ બોર્ડની સ્કૂલના નહીં ખાનગી સ્કૂલોના વિદ્યાર્થીઓને પણ આ સિવિક સેન્સ અંગેની જાણકારી આપવા માટે જિલ્લા શિક્ષણાધિકારીઓને પત્ર લખી જાણ કરવામાં આવશે.
    Click here to Read More
    Previous Article
    આગામી વિધાનસભા ચૂંટણી માટે કોંગ્રેસ રોડમેપ તૈયાર કરશે:પ્રભારી સૂરજેવાલાની નેતાઓ સાથે બેઠક, મોંઘવારી અને ખેડૂતોના મુદ્દે જનઆંદોલન કરવા ચર્ચા;કહ્યું-ખેડૂતો લોહીના આશુ રડે છે
    Next Article
    Ricky Ponting's Big Message As Hardik Pandya Joins PBKS Ahead Of IPL 2027

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment