Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    ઉન પાટિયામાં વેસ્ટેજ કપડાંના ગોડાઉનમાં ભીષણ આગ:ફાયર વિભાગની 9 ગાડીઓ ઘટનાસ્થળે, આગ પર કાબૂ મેળવવાના પ્રયાસો ચાલુ

    एक दिन पहले

    સુરતના સચિન વિસ્તારમાં આજે એક મોટી દુર્ઘટના ટળી હતી, પરંતુ ભયનો માહોલ છવાઈ ગયો હતો. સચિન ઉન પાટિયા વિસ્તારમાં આવેલા એક વેસ્ટેજ ગોડાઉનમાં અચાનક કોઈ અગમ્ય કારણોસર ભીષણ આગ ફાટી નીકળી હતી. આ ગોડાઉનમાં મોટા પ્રમાણમાં વેસ્ટેજ કપડાંનો જથ્થો રાખવામાં આવ્યો હતો, જેના કારણે આગે ક્ષણભરમાં જ વિકરાળ સ્વરૂપ ધારણ કરી લીધું હતું. કાપડના કારણે આગની જ્વાળાઓ અને ધુમાડાના ગોટેગોટા આગ લાગવાની ઓચિંતી ઘટનાને પગલે આસપાસના વિસ્તારમાં ભારે ભાગદોડ મચી ગઈ હતી. ગોડાઉનમાં રાખેલા જ્વલનશીલ વેસ્ટેજ કાપડના કારણે આગની જ્વાળાઓ અને ધુમાડાના ગોટેગોટા દૂર-દૂર સુધી આકાશમાં જોવા મળ્યા હતા. આજુબાજુના વિસ્તારોમાં પણ ભારે ધુમાડો ફેલાઈ જવાથી સ્થાનિક રહેવાસીઓ અને શ્રમિકોમાં ડરનો માહોલ ઊભો થયો હતો. ઘટનાની ગંભીરતાને ધ્યાનમાં રાખીને તાત્કાલિક ધોરણે ફાયર વિભાગને જાણ કરવામાં આવી હતી. ફાયરની 9 જેટલી ગાડીઓ કાફલા સાથે ઘટનાસ્થળે ઘટનાની જાણ થતાં જ સુરત ફાયર વિભાગની ટીમ હરકતમાં આવી હતી અને તાત્કાલિક ધોરણે ઘટનાસ્થળે દોડી ગઈ હતી. આગની ભયાનકતાને જોતા કુલ 6 જુદા-જુદા ફાયર સ્ટેશનોમાંથી ફાયરની 9 જેટલી ગાડીઓ કાફલા સાથે ઘટનાસ્થળે પહોંચી હતી. ફાયર જવાનોએ યુદ્ધના ધોરણે પાણીનો મારો ચલાવીને આગ પર કાબૂ મેળવવાની કામગીરી હાથ ધરી હતી. ફાયર વિભાગની સમયસૂચકતા અને ભારે જહેમતથી આગને આસપાસના અન્ય વિસ્તારોમાં ફેલાતી અટકાવવામાં મોટી સફળતા મળી છે. માલસામાન બળીને ખાખ, આગનું કારણ અકબંધ આ ઘટનામાં સદભાગ્યે કોઈ મોટી જાનહાની થયાના સમાચાર નથી, પરંતુ ગોડાઉનમાં રહેલો માલસામાન બળીને ખાખ થઈ ગયો હોવાનું મનાય છે. આગ ફાટી નીકળવા પાછળનું ચોક્કસ કારણ હજુ સુધી જાણી શકાયું નથી. સ્થાનિક પોલીસ અને ફાયર વિભાગ દ્વારા આગ લાગવા પાછળના અસલી કારણોની તપાસ શરૂ કરવામાં આવી છે.
    Click here to Read More
    Previous Article
    લાભ પાંચમે પારેવિયા વીર મંદિરે ભક્તોની ભીડ:પાટણ નજીક મહેમદપુરમાં 400 વર્ષ જૂના મંદિરે દર વર્ષની પરંપરા મુજબ લોકમેળો ભરાયો
    Next Article
    હિંમતનગરમાં ત્રણ મહાનુભાવોની પ્રતિમાઓ સાફ કરી પૂજન કરાયું:બિરસા મુંડાની 151મી જન્મજયંતિએ સ્વચ્છતા અભિયાન, સાધુ-સંતોનું સન્માન કરાયું

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment