મોર્નિંગ ન્યૂઝ બ્રીફ:ઇઝરાયેલના કેમિકલ પ્લાન્ટ પર હુમલો; ટ્રમ્પ વિરુદ્ધ 80 લાખ લોકો રસ્તાઓ પર; રાજ્યમાં ભર ઉનાળે બીજુ માવઠુ

નમસ્તે, ગઈકાલના મોટા સમાચાર કેન્દ્ર સરકારના એક મોટા નિર્ણયના રહ્યા. હવે પેટ્રોલ પંપ પર પણ કેરોસીન મળશે. બીજા મોટા સમાચાર ઈઝરાયેલના કેમિકલ પ્લાન્ટ પર હુમલો થવાના રહ્યા. ⏰ આજની ઈવેન્ટ્સ, જેના પર રહેશે નજર 1. PM મોદી આસામ અને પુડુચેરીના ભાજપ કાર્યકર્તાઓ સાથે સંવાદ કરશે. 2. લોકસભામાં નક્સલ મુક્ત ભારતને લઈને સરકારના પ્રયાસો પર ચર્ચા થશે. 📰 કાલના મોટા સમાચારો 1. ઇઝરાયલના કેમિકલ પ્લાન્ટ પર ઇરાનનો હુમલો:ઝેરી લીકેજની ચેતવણી; લોકોને આદેશ- ઘરમાં રહો, બારીઓ બંધ રાખો ઈરાને દક્ષિણ ઇઝરાયલમાં ADAMA કંપનીના એક કેમિકલ પ્લાન્ટ પર મિસાઈલ હુમલો કર્યો છે, જેના કારણે પ્લાન્ટમાં ભીષણ આગ લાગી ગઈ છે. આનાથી વિસ્તારમાં ઝેરી લીકેજનો ખતરો ઉભો થયો છે. એક વ્યક્તિ ઘાયલ પણ થયો છે. હુમલો નિયોત હોવાવ ઇન્ડસ્ટ્રિયલ ઝોનમાં થયો, જે બીયરશેવા શહેરથી લગભગ 9 કિલોમીટર દૂર આવેલો છે. હુમલા બાદ અધિકારીઓએ આસપાસના લોકોને ઘરોમાં રહેવા અને બારીઓ બંધ રાખવાની સલાહ આપી છે, કારણ કે પ્લાન્ટમાં ખતરનાક કેમિકલ હાજર છે. સંપૂર્ણ સમાચાર વાંચો 2. નાણા મંત્રાલયે સ્વીકાર્યું અર્થતંત્રની ગતિ ધીમી:મોંઘું ક્રૂડ ઓઈલ-લોજિસ્ટિક્સ અને સપ્લાય ચેઇન બગડવાની અસર, મોંઘવારી વધવાના સંકેત નાણા મંત્રાલયે માર્ચ 2026નો પોતાનો માસિક આર્થિક સમીક્ષા અહેવાલ બહાર પાડ્યો છે. આ અહેવાલ મુજબ, ભારતીય અર્થતંત્રની ગતિ હવે થોડી ધીમી પડી શકે છે. તેનું સૌથી મોટું કારણ પશ્ચિમ એશિયામાં ચાલી રહેલો તણાવ અને આંતરરાષ્ટ્રીય બજારમાં ક્રૂડ ઓઈલની વધતી કિંમતો છે. મંત્રાલયે સ્વીકાર્યું છે કે આ બાહ્ય આંચકાઓને કારણે દેશમાં ઇનપુટ કોસ્ટ એટલે કે ઉત્પાદન ખર્ચ વધી ગયો છે, જેનાથી આર્થિક ગતિવિધિઓ પર દબાણ જોવા મળી રહ્યું છે. સંપૂર્ણ સમાચાર વાંચો 3. PM મોદીએ કહ્યું- યુદ્ધના કારણે દુનિયામાં પેટ્રોલ-ડીઝલની કટોકટી:ભારત પડકારનો સામનો કરી રહ્યું છે, અફવાઓથી બચો; સરકારની માહિતી પર ભરોસો કરો પ્રધાનમંત્રી નરેન્દ્ર મોદીએ મન કી બાતના 132માં એપિસોડમાં અમેરિકા-ઇઝરાયલ અને ઇરાન યુદ્ધનો ઉલ્લેખ કર્યો. પીએમએ કહ્યું કે દુનિયામાં યુદ્ધ ચાલી રહ્યું છે. પેટ્રોલ-ડીઝલનું સંકટ ઊભું થયું છે પરંતુ ભારત આ પડકારનો સામનો કરી રહ્યું છે. સરકાર લોકોને અપીલ કરે છે કે કોઈપણ પ્રકારની અફવાઓમાં ન આવે. સરકાર તરફથી મળેલી માહિતી પર ભરોસો કરે. કેટલાક લોકો માહોલ બગાડવાનો પ્રયાસ કરી રહ્યા છે. તેનાથી તેઓ દેશને નુકસાન પહોંચાડી રહ્યા છે. સંપૂર્ણ સમાચાર વાંચો 4. ટ્રમ્પ ન ઘરના રહ્યા ન ઘાટના, પોતાના જ દેશમાં ઘેરાયા:ઈરાન યુદ્ધ વચ્ચે અમેરિકી રાષ્ટ્રપતિ વિરુદ્ધ 'No Kings Protest', લાખ લોકો રસ્તા પર ઊતર્યા ઈરાન સાથે ચાલી રહેલા યુદ્ધની વચ્ચે અમેરિકાના રાષ્ટ્રપતિ ડોનાલ્ડ ટ્રમ્પ વિરુદ્ધ ફરી એકવાર મોટા પાયે પ્રદર્શનો શરૂ થયા છે. અમેરિકાના અનેક શહેરોમાં ટ્રમ્પ વિરુદ્ધ આ પ્રદર્શનો થઈ રહ્યા છે. આ પ્રદર્શનોને 'નો કિંગ્સ પ્રોટેસ્ટ' (No Kings Protest) નામ આપવામાં આવ્યું છે. ટ્રમ્પ વિરુદ્ધ 'નો કિંગ્સ પ્રોટેસ્ટ'નો આ ત્રીજો તબક્કો છે. પ્રદર્શનકારીઓનું કહેવું છે કે તેઓ ટ્રમ્પની નીતિઓનો વિરોધ કરી રહ્યા છે. આ નીતિઓમાં ઈરાન સાથેનું યુદ્ધ, ઇમિગ્રન્ટ્સ વિરુદ્ધના કાયદા અને વધતી જતી મોંઘવારી સામેલ છે. સંપૂર્ણ સમાચાર વાંચો 5. નેપાળ સરકારે વિદ્યાર્થી રાજકારણ પર પ્રતિબંધ મૂક્યો:5માં ધોરણ સુધી પરીક્ષાઓ નાબૂદ કરવામાં આવી, સ્કૂલ-કોલેજોએ તેના વિદેશી નામ બદલવા પડશે નેપાળમાં વડાપ્રધાન બાલેન શાહની સરકારે વિદ્યાર્થી રાજકારણ પર સંપૂર્ણ પ્રતિબંધ મૂક્યો છે. આ સાથે જ ધોરણ 5 સુધીના બાળકો માટે પરંપરાગત પરીક્ષાઓ પણ રદ કરવામાં આવી છે અને શાળાઓ-કોલેજોને તેમના વિદેશી નામો બદલીને નેપાળીમાં રાખવાનો આદેશ આપવામાં આવ્યો છે. સરકારે શનિવારે રાત્રે જાહેર કરેલા આદેશમાં જણાવ્યું હતું કે આ તમામ નિર્ણયો તેના 100 દિવસના એક્શન પ્લાન હેઠળ લેવામાં આવ્યા છે, જેનો ઉદ્દેશ્ય શિક્ષણને રાજકારણથી દૂર રાખવાનો અને તેને સુધારવાનો છે. સંપૂર્ણ સમાચાર વાંચો 6. ભર ઉનાળે બીજુ માવઠુ, અમરેલીમાં રોડ પલળી ગયાં:આજે 11 જિલ્લામાં વરસાદની આગાહીથી ખેડૂતોની ચિંતા વધી, 30થી 40 કિમીની ઝડપે પવન ફૂંકાશે ઉનાળામાં આકરી ગરમીની શરૂઆત થયા બાદ રાજ્યમાં ફરી એકવાર માવઠાની આગાહી કરવામાં આવી છે. આજે અને આવતીકાલે સૌરાષ્ટ્ર અને ઉત્તર ગુજરાતના જિલ્લાઓમાં કમોસમી વરસાદની શક્યતા છે. હવામાન વિભાગે માવઠાની સાથે 30થી 40 કિમીની ઝડપે પવન ફૂંકાવાની પણ આગાહી કરી છે. ભરઉનાળે વાતાવરણમાં પલટો આવતા ગરમીમાં રાહત મળી છે, પરંતુ ખેડૂતોની ચિંતા વધી છે. ખાંભા ગીરના ગામડાઓમાં બપોર બાદ વાતાવરણમાં પલટો આવ્યો છે. ખાંભાના જીક્યાળી, ધજડી, વાંકિયા સહિત ગામડાઓમાં કમોસમી વરસાદી ઝાપટા વરસ્યા હતાં. ભર ઉનાળે કમોસમી વરસાદથી કેરી તલ, બાજરી સહિત પાકને નુકસાનની ભીતિથી ધરતી પુત્રોમાં ફરીવાર ચિંતા ફેલાય છે. સંપૂર્ણ સમાચાર વાંચો 7. 'શ્રમિકો માટે 5 KGના સિલિન્ડરની વ્યવસ્થા કરાઈ':ગેસ સપ્લાય પર હર્ષ સંઘવીની સમીક્ષા બેઠક, કહ્યું- 'ભૂખ્યા કારીગરોને જમાડવા સુરતમાં 118 કોમ્યુનિટી કિચન કાર્યરત' મિડલ ઈસ્ટમાં ચાલી રહેલા યુદ્ધ સંઘર્ષ અને વૈશ્વિક કટોકટીની પરિસ્થિતિને ધ્યાને લઈને નાયબ મુખ્યમંત્રી હર્ષ સંઘવીના અધ્યક્ષસ્થાને સુરતના ICCC સેન્ટર ખાતે સુરત તેમજ અંકલેશ્વર, વાપી, ભરૂચ સહિતની દક્ષિણ ગુજરાતના વિવિધ ઇન્ડસ્ટ્રીઝ એસોસિએશનના પ્રતિનિધિઓ સાથે કામદારો, ગેસ સપ્લાયને લગતા પ્રશ્નો બાબતે ઉચ્ચતરીય સમીક્ષા બેઠક યોજાઇ હતી. આ બેઠકમાં ઉદ્યોગ મંડળો અને રાજ્યના ઉચ્ચ અધિકારીઓ વચ્ચે ગેસ સપ્લાય અને કારીગરોની વ્યવસ્થાઓ જેવા મહત્વપૂર્ણ વિષયો પર ચર્ચા કરવામાં આવી હતી. સંપૂર્ણ સમાચાર વાંચો 🎭 આજનું કાર્ટૂન ⚡ કેટલાક મહત્વના સમાચારો હેડલાઈનમાં 1. નેશનલઃ હિમાચલ સહિત 7 રાજ્યોમાં કરા પડી શકે છે:રાજસ્થાનમાં 2 દિવસ વાવાઝોડા-વરસાદનું એલર્ટ; ઉત્તરાખંડમાં હિમવર્ષાની સંભાવના (સંપૂર્ણ સમાચાર વાંચો) 2. વિદેશઃ પાકિસ્તાનના પૂર્વ સેના પ્રમુખ કમર બાજવાનું મોત:બાથરૂમમાં લપસી પડવાથી માથામાં ગંભીર ઈજા થઈ હતી, 1 મહિનાથી હોસ્પિટલમાં હતા (સંપૂર્ણ સમાચાર વાંચો) 3. નેશનલઃ નાનાના ઘરે વેકેશન કરવા આવ્યા ને મોત મળ્યું:બેકાબૂ થારે બે બાળકો સહિત વૃદ્ધને કચડ્યા, 30 ફૂટ દૂર ફેંકાયા; પળવારમાં જ 3 જિંદગીઓ ખતમ (સંપૂર્ણ સમાચાર વાંચો) 4. વિદેશઃ પાકિસ્તાની ડેપ્યુટી PM લપસી પડ્યા:સાઉદી-ઈજિપ્તના મહેમાનોનું સ્વાગત કરવા ગયા ને બેલેન્સ બગડ્યું, વિદેશી મહેમાન સામે ભારે ફજેતી થઈ; VIDEO વાઇરલ (સંપૂર્ણ સમાચાર વાંચો) 5. સ્પોર્ટ્સઃ હરભજનનો પિત્તો છટક્યો:ટ્રોલર સામે બાકાઝીકી બોલાવી; IPLના પૈસા સામે PSL લાચાર, મોહસીન નકવી શરમમાં મુકાયા (સંપૂર્ણ સમાચાર વાંચો) 6. ધર્મઃ ઉત્તરાખંડામાં પહાડની ટોચ પર રહસ્યમયી 'ગુફા તળાવ':શિવલિંગ પર સતત ટપકતાં જળથી આપમેળે બને છે કંકુ-ચંદન! પુરાતત્વ વિભાગ તપાસ હાથ ધરશે (સંપૂર્ણ સમાચાર વાંચો) 7. બિઝનેસઃ એપ્રિલમાં 14 દિવસ બેંકોમાં કામ નહીં થાય:4 રવિવાર અને 2 શનિવાર ઉપરાંત જુદી જુદી જગ્યાએ 8 દિવસ બેંકો બંધ રહેશે (સંપૂર્ણ સમાચાર વાંચો) 🗣️ ચર્ચિત નિવેદન 😲 અજબ ગજબ પાકિસ્તાનીઓએ ‘ધુરંધર 2’ની કમાણીમાં હિસ્સો માંગ્યો ફિલ્મ ‘ધુરંધર 2’ એ 1,226 કરોડથી વધુની કમાણી કરી લીધી છે. આ દરમિયાન પાકિસ્તાનના લ્યારીમાં ફિલ્મને લઈને અનોખી માંગ ઉઠી છે. સ્થાનિક લોકોનું કહેવું છે કે ફિલ્મની કમાણીનો ઉપયોગ લ્યારીના વિકાસ અને રસ્તાઓના નિર્માણમાં કરવો જોઈએ. 📸 ફોટો, જે પોતે સમાચાર છે 🌟 ભાસ્કરની એક્સક્લૂસિવ સ્ટોરીઝ, જે સૌથી વધારે વંચાઈ 1. સંડે જઝબાત: તેમણે હેલિકોપ્ટરથી લાશ મોકલી, અમે ટ્રેનો ભરી દેશું: દિલ્હીવાળાઓએ દીકરાની મારમારીને હત્યા કરી, કારણ કે અમારા ચહેરા અલગ છે 2. 40 હજારમાં આખું હેલિકોપ્ટર પડાવી લીધું!: પ્રેમિકાની હત્યા કરાવી, પછી સ્મશાનમાં તેની લાશ સાથે લગ્ન કર્યાં; ડી-ગેંગના ઠગ-નેતા રોમેશ શર્માની ક્રાઇમ કથા 3. યુદ્ધના સમયે સ્ટોક માર્કેટમાં રોકાણ કરવું કે નહીં?: ઇન્વેસ્ટર્સની અસમંજસ-અત્યારે શેર વેચવા કે ખરીદવા, એક્સપર્ટની 3 નિયમોનું પાલન કરવાની સલાહ 4. આજનું એક્સપ્લેનર: યુદ્ધના 29મા દિવસે પહેલીવાર હુતીએ પણ ઇઝરાયલ પર મિસાઈલ છોડી; હવે યુદ્ધ કેવી રીતે ફેલાશે, શું વધુ એક શિપિંગ રૂટ બંધ થશે 5. ‘મેં જ આસારામને તાંત્રિક વિધિઓ શિખવાડી હતી’: તપાસ પંચ સમક્ષ એક અઘોરી બાબા જુબાની આપવા આવ્યા; જુઓ ‘આસારામ’ સિરીઝના 20 એપિસોડ એકસાથે 6. ઓછું પાણી પીવાની ટેવ કિડની ફેલ કરી નાખશે: ડિહાઇડ્રેશનના આ 16 સંકેતોને અવગણશો નહીં, ઉનાળામાં 10 બાબતોનું ખાસ ધ્યાન રાખો ⏳ આજના દિવસનો ઈતિહાસ 🌦️ મોસમનો મિજાજ સોમવારનું રાશિફળ: વૃષભ અને કુંભ રાશિના અટકેલા નાણાં પરત મળશે, સિંહ જાતકોને વેપારમાં મોટો ફાયદો થશે (સંપૂર્ણ સમાચાર વાંચો)