Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    અમેરિકામાં એર ઈમરજન્સી, સમગ્ર દેશમાં ફ્લાઈટ્સ પર રોક:કમ્યુનિકેશન સિસ્ટમ ફેલ, 7,000 ફ્લાઈટ્સ પ્રભાવિત; 9/11 બાદ બીજી વખત આવું બન્યું

    3 days ago

    અમેરિકામાં શુક્રવારે બપોરે ફેડરલ એવિએશન એડમિનિસ્ટ્રેશન (FAA)એ દેશભરની તમામ ફ્લાઇટ્સ પર રોક લગાવી દીધી છે. FAAએ તેને અસાધારણ પરિસ્થિતિઓ અને સુરક્ષાના કારણોસર લેવાયેલો નિર્ણય ગણાવ્યો છે. જોકે અમેરિકાના ટ્રાન્સપોર્ટ સેક્રેટરી સીન ડફીએ X પર જણાવ્યું કે, "તમામ 22 એરરૂટ પરના ટ્રાફિક કંટ્રોલ સેન્ટર્સમાં એક કમ્યુનિકેશન સમસ્યા આવી છે. ટેક્નિશિયનો તેની તપાસ કરી રહ્યા છે." CNN અને પીપલ ડોટ કોમના અહેવાલો અનુસાર, આ "રોલિંગ ફ્રીક્વન્સી આઉટેજ" છે—એટલે કે કંટ્રોલર અને પાઇલટ વચ્ચે વાતચીત માટેની ફ્રીક્વન્સી વારંવાર ખોરવાઈ રહી છે. જાન્યુઆરી 2023 બાદ આ પહેલી વાર છે જ્યારે સમગ્ર દેશમાં ફ્લાઇટ્સ રોકવામાં આવી છે. તે સમયે FAAની મુખ્ય કમ્પ્યુટર સિસ્ટમમાં ખામી સર્જાઈ હતી. તે પહેલાં 11 સપ્ટેમ્બર 2001ના આતંકવાદી હુમલા બાદ આવું થયું હતું. ફ્લાઇટ્સ રોકાયા બાદની સ્થિતિ… શિકાગોથી થતી ઉડાનો રોકવાની શરૂઆત રિપોર્ટ્સ મુજબ ગ્રાઉન્ડ સ્ટોપ અચાનક સમગ્ર દેશમાં લાગુ કરવામાં આવ્યો નહોતો. પહેલા શિકાગોના ઓ'હેર અને મિડવે એરપોર્ટ પર લાગુ કરવામાં આવ્યો હતો, કારણ કે ત્યાં કમ્યુનિકેશનમાં મુશ્કેલી આવી રહી હતી. જ્યારે મુશ્કેલી સમગ્ર દેશના સેન્ટરોમાં ફેલાઈ ગઈ, ત્યારે સાંજે લગભગ 3:54 વાગ્યે (ભારતીય સમય મુજબ રાત્રે 1:24 વાગ્યે) સમગ્ર દેશમાં ગ્રાઉન્ડ સ્ટોપ લાગુ કરવામાં આવ્યો. FAAની એડવાઇઝરીમાં લખ્યું છે- ગ્રાઉન્ડ સ્ટોપ રાત્રે 11:30 વાગ્યા સુધી રહેશે. પરંતુ સાથે એ પણ લખ્યું છે- આગામી આદેશ સુધી. એટલે કે 11:30 વાગ્યે જ ઉડાનો શરૂ થઈ જશે, તેની કોઈ ગેરંટી નથી. હાલની સ્થિતિમાં જે ફ્લાઇટ્સ હવામાં છે, તે લેન્ડ કરી શકે છે, તેમને પરત બોલાવવામાં આવી નથી. જે ફ્લાઇટ્સ જમીન પર છે, તે ટેકઓફ કરી શકશે નહીં. આ ઉપરાંત, અમેરિકા આવી રહેલી આંતરરાષ્ટ્રીય ફ્લાઇટ્સને કેસ-બાય-કેસ આધારે જોવામાં આવશે. નવી આર્ટિફિશિયલ ઇન્ટેલિજન્સ સિસ્ટમ સાથેના જોડાણની તપાસ કરી રહ્યા છે ફ્લાઇટ્સ ફરી ક્યારે શરૂ થશે, તે અંગે હાલમાં કોઈ સમયમર્યાદા આપવામાં આવી નથી. મુલિને કહ્યું કે તેઓ તપાસ કરી રહ્યા છે કે શું તેનો સંબંધ સમગ્ર દેશમાં લાગુ કરવામાં આવી રહેલી નવી આર્ટિફિશિયલ ઇન્ટેલિજન્સ (AI) સિસ્ટમ સાથે છે, જેને સમસ્યાઓ ઓળખવા અને વિમાનોનો રૂટ બદલવામાં મદદ કરવા માટે લાવવામાં આવી છે. જોકે, આ સિસ્ટમ વોશિંગ્ટન ડીસી નજીક આવેલી એક જ જગ્યાથી કામ કરે છે અને એર ટ્રાફિક કંટ્રોલ સેન્ટરોને માત્ર સૂચનો મોકલે છે. ગયા વર્ષે કોંગ્રેસ દ્વારા આ પ્રોજેક્ટ માટે 12.5 અબજ અમેરિકી ડૉલરની મંજૂરી આપવામાં આવ્યા બાદથી સરકાર એર ટ્રાફિક કંટ્રોલરો દ્વારા ઉપયોગમાં લેવાતી જૂની ટેક્નોલોજીને બદલવાનું કામ કરી રહી છે. અમેરિકાના એરપોર્ટ્સ પર માઈલો લાંબી જૂની કૉપર વાયરિંગની જગ્યાએ ફાઈબર ઑપ્ટિક લાઈનો લગાવવામાં આવી છે અને જૂની રેડિયો સિસ્ટમને ધીમે-ધીમે બદલવામાં આવી રહી છે. પરંતુ હજુ પણ ઘણું કામ બાકી છે. નિષ્ણાતોએ કહ્યું- સપ્ટેમ્બરમાં પણ આવું થયું હતું એવિએશન સેફ્ટી નિષ્ણાત સ્ટીવ અરોયો, જેઓ અગાઉ યુનાઇટેડ એરલાઇન્સના પાઇલટ હતા, તેમણે કહ્યું, "આ સમસ્યા સપ્ટેમ્બરમાં નોર્થઈસ્ટમાં થયેલા પ્રાદેશિક સંચારના વિક્ષેપ જેવી જ લાગી રહી છે, જેના કારણે સેંકડો ફ્લાઇટ્સ અટવાઈ ગઈ હતી. ફક્ત આ વખતે તે સમગ્ર દેશમાં થઈ છે. આ જૂની ટેક્નોલોજી સાથે જોડાયેલું હોઈ શકે છે. જો તમે પાઇલટ સાથે વાત કરી શકતા ન હો, તો તમારે વિમાનને જમીન પર જ રોકવું પડશે. તમે તેને હવામાં મોકલી ન શકો, જ્યાં તમે તેની સાથે વાત જ ન કરી શકો."
    Click here to Read More
    Previous Article
    ઈન્વેસ્ટમેન્ટ પોઈન્ટ- રોકાણકારોએ નફારૂપી વેચવાલી તરફ વલણ અપનાવ્યું:આ સ્થિતિ બજારમાં સ્પષ્ટ દિશાના અભાવ અને વધતી અસ્થિરતા દર્શાવે છે
    Next Article
    અમેરિકાની મિસિસિપી નદીમાં ક્રૂઝ સાથે ટેન્કર અથડાયું:129 મુસાફરો સવાર હતા, ડૂબતા ક્રૂઝની રેલિંગ પકડીને જીવ બચાવવા બૂમો પાડતા દેખાયા લોકો; બચાવ કામગીરી ચાલુ

    Related International Updates:

    Are you sure? You want to delete this comment..! Remove Cancel

    Comments (0)

      Leave a comment