અમદાવાદ-સુરત મહાનગરપાલિકાની ભાજપની યાદી જાહેર:જામનગર મનપામાં 6 મુસ્લિમોને ટિકિટ, જુઓ જાહેર થયેલી તમામ પાલિકા-પંચાયતનું લિસ્ટ

પાલિકા-પંચાયતની ચૂંટણી માટે અંતે ભાજપ દ્વારા પણ ઉમેદવારોની જાહેરાત શરૂ કરી દેવામાં આવી છે. મહત્વનું છે કે, આવતીકાલે (11 એપ્રિલે) ઉમેદવારીપત્ર ભરવાનો અંતિમ દિવસ હોવા છતા ભાજપ-કોંગ્રેસના મોટી સંખ્યામાં ઉમેદવારો જાહેર થવાના બાકી છે. જો કે, કેટલીક મહાનગરપાલિકાઓમાં યાદી જાહેર થવાથી વિરોધનો ડર હોય ભાજપ અને કોંગ્રેસ દ્વારા ઉમેદવારોને ટેલિફોનિક જાણ કરવામાં આવી રહી છે. નીચે સ્ક્રોલ કરી રાજકોટ,સુરત, જામનગર, ભાવનગર, પોરબંદર, નવસારી, વડોદરા, વાપી, આણંદ, ગાંધીધામ, પોરબંદર મહાનગરપાલિકા સહિત પાલિકા પંચાયતની યાદી જુઓ… અમદાવાદ મહાનગરપાલિકાના ભાજપના 48 વોર્ડના 192 ઉમેદવાર જાહેર સુરતમાં પૂર્વ મેયરની ટિકિટ કપાઈ, AAPમાંથી આવેલાઓને પ્રથમ યાદીમાં ટિકિટ નહીં વર્ષ 2021ની સુરત મહાનગરપાલિકાની ચૂંટણીમાં આમ આદમી પાર્ટીના નિશાન પરથી જીત્યા બાદ કેસરીયો ધારણ કરનારા 12 પૂર્વ કોર્પોરેટરોને ભારતીય જનતા પાર્ટીએ આંચકો આપ્યો છે. ભાજપ દ્વારા જાહેર કરવામાં આવેલી 120 ઉમેદવારોની પ્રથમ યાદીમાં આ પક્ષપલટુ પૂર્વ કોર્પોરેટરો પૈકી એક પણ નામનો સમાવેશ કરવામાં આવ્યો નથી. પક્ષે જૂના અને વફાદાર કાર્યકરો પર પસંદગી ઉતારીને પક્ષ પલટો કરનારાઓને સ્પષ્ટ સંદેશ આપ્યો હોય તેમ જણાય છે. ભાજપની આ પ્રથમ યાદીમાં સૌથી મોટું આશ્ચર્ય પૂર્વ મેયર હેમાલી બોઘાવાલાની ટિકિટ કપાતા જોવા મળ્યું છે. શહેરના પ્રથમ નાગરિક રહી ચૂકેલા બોઘાવાલાને આ વખતે પડતા મૂકવામાં આવ્યા છે. આરોગ્ય સમિતિના પૂર્વ ચેરમેન નેન્સી શાહ અને સ્ટેન્ડિંગ કમિટીના પૂર્વ ચેરમેનને ફરીથી ઉમેદવાર બનાવવામાં આવ્યા છે. આ ઉપરાંત મનીષાબેન આહીર, દિનેશ રાજપુરોહિત, બ્રિજેશ ઉનડકટ, હિમાંશુ રાહુલજી, અમિત રાજપુત, નરેન્દ્ર પાટીલ, ભાઈદાસ પાટીલ અને સુધા પાંડે સહિતના અગ્રણીઓને પાર્ટીએ રિપીટ કર્યા છે. બીજી તરફ, એસ.આઈ.આર. (SIR) ની કામગીરીમાં વિવાદિત ચહેરો બનેલા પૂર્વ કોર્પોરેટર વિક્રમ પોપટ પાટીલના પુત્રવધૂ સુષ્મા પાટીલને પણ ઉમેદવાર બનાવવામાં આવ્યા છે. મોરબી મહાનગરપાલિકા ભાજપની યાદી રાજકોટ મનપામાં ભાજપે 72માંથી 50 કોર્પોરેટરોના પત્તા કાપ્યા ભાજપે રાજકોટ મનપાના 18 વોર્ડની 72 બેઠકોની યાદી જાહેર કરી છે. 2021માં ભાજપને બેઠકો જીતી હતી. જેમાંથી ફક્ત 22ને જ રિપિટ કરાયા છે. રાજકોટ મહાનગર પાલિકાના પૂર્વ મેયર નયનાબેન પેઢડિયા અને પૂર્વ સ્ટેન્ડિંગ કમિટી ચેરમેન જયમીન ઠાકર, દંડક મનીષ રાડિયા, શાસક પક્ષ નેતા લીલુબેન જાદવના પતા કપાયા. એક માત્ર ડેપ્યુટી મેયર નરેન્દ્રસિંહ જાડેજા રિપીટ કરવામાં આવ્યા છે. રાજકોટ મનપામાં 22 ઉમેદવારોને રિપીટ કરવામાં આવ્યા. વોર્ડ 2 મીનાબા જાડેજા વોર્ડ 3 અલ્પાબેન દવે નરેન્દ્રસિંહ જાડેજા વોર્ડ 4 કંકુ ઉધરેજા કાળુભાઈ કુગસિયા વોર્ડ 5 રસીલાબેન સાકરીયા દિલીપ લુણાગરિયા વોર્ડ 6 પરેશ પીપડીયા વોર્ડ 7 વર્ષાબેન પાંઘી વોર્ડ 9 દક્ષાબેન વસાણી વોર્ડ 10 જ્યોત્સના ટીલાડા વોર્ડ 11 ભારતીબેન પાડેલીયા મિતલબેન લાઠીયા વોર્ડ 12 પ્રદીપભાઈ ડવ વોર્ડ 13 સોનલબેન સેલારા વોર્ડ 14 કેતન ઠુંમર વોર્ડ 16 રુચિતા જોશી વોર્ડ 17 કીર્તિબા રાણા વોર્ડ 18 દક્ષાબેન વાઘેલા ભારતી પરસાણા સંજયસિંહ રાણા જામનગર મનપામાં ભાજપે 6 મુસ્લિમોને ટિકિટ આપી જામનગર મનપામાં ભાજપે દિગ્ગજ ગણાતા નેતાઓની ટિકિટ કાપી નવોદિતોને ચાન્સ આપ્યો છે. પૂર્વ મેયર, પૂર્વ સ્ટેન્ડિંગ ચેરમેન, પૂર્વ શાસક પક્ષના નેતા, પૂર્વ દંડકની ટિકિટ કાપી નાખવામાં આવી છે. ભાજપ દ્વારા જામનગર મનપામાં 6 મુસ્લિમોને ટિકિટ આપવામાં આવી છે. શહેરના ચોક્કસ વોર્ડમાં જ્ઞાતિના વર્ચસ્વને જોતા જે તે જ્ઞાતિના ઉમેદવારને ટિકિટ આપી છે પરંતુ, વર્ષોથી જે કોર્પોરેટરોનો દબદબો હતો તેઓની ટિકિટ કાપી નાખવામાં આવી છે. વડોદરા મનપામાં ગત ટર્મના પાંચેય પદાધિકારીઓની ટિકિટ કપાઈ વડોદરા મહાનગરપાલિકાની 76 ઉમેદવારોની યાદી જાહેર થઈ ગઈ છે ત્યારે આ યાદીમાં ગત ટર્મના 15 ઉમેદવારોને રિપિટ કરવામાં આવ્યા છે. મહાનગરપાલિકાના દિગ્ગજો અવારનવાર વિવાદમાં રહ્યા હતા જેના કારણે તેઓની ટિકિટ કપાય હોવાની ચર્ચા એ જોર પકડ્યું છે. વડોદરા મહાનગરપાલિકાના ગત ટર્મના પાંચેય પદાધિકારીઓની ટિકિટ કપાઈ છે. 2021માં ચૂંટણી જીતેલા 69માંથી માત્ર 15 ઉમેદવારોને જ પુનઃ મોકો આપવામાં આવ્યો છે. ખાસ કરીને એવી માહિતી મળી છે કે વોર્ડ 16ના મહિલા ઉમેદવાર જાગૃતિ ધવલભાઈ પટેલ મકવાણા હોવા છતાં પટેલ સરનેમ સાથે સામાન્ય બેઠક ઉપર ટિકિટ મેળવી હોવાની ચર્ચા છે. જો કે હજુ આવા અનેક વિવાદો સામે આવી શકે છે. હાલ તો જેઓના નામ આવ્યા છે તેઓના ચહેરા ઉપર સ્મિત જોવા મળી રહ્યું છે તો જેઓની ટિકિટ કપાઈ છે તેઓમાં ગમ જોવા મળી રહ્યો છે. ત્યારે વડોદરા મહાનગરપાલિકામાં બળવાના પણ એંધાણ જોવા મળી રહ્યા છે. વડોદરા મહાનગરપાલિકામાં ભાજપે રિપિટ કરેલા ઉમેદવાર ભાજપના પાલિકા પંચાયતના ઉમેદવારોની જિલ્લા વાઈઝ સંપૂર્ણ યાદી જોવા માટે નીચેની લીંક પર ક્લિક કરો રાજકોટ જિલ્લાની યાદી વડોદરા જિલ્લાની યાદી ગાંધીનગર જિલ્લાની યાદી પાટણ જિલ્લાની યાદી પંચમહાલ જિલ્લાની યાદી નર્મદા જિલ્લાની યાદી ખેડા જિલ્લાની યાદી દાહોદ જિલ્લાની યાદી સુરેન્દ્રનગર જિલ્લાની યાદી અરવલ્લી જિલ્લાની યાદી વાવ-થરાદ જિલ્લાની યાદી છોટા ઉદેપુર જિલ્લાની યાદી વલસાડ જિલ્લાની યાદી તાપી જિલ્લાની યાદી પાલિકા-પંચાયતની દિવસભરની પળેપળની LIVE અપડેટ જોવા માટે આ લિંંક પર ક્લિક કરો ગાંધીધામ મહાનગરપાલિકાની ભાજપની યાદી વાપી મહાનગરપાલિકાની ભાજપની યાદી જાહેર વાપી મહાનગરપાલિકાની આવનારી સામાન્ય ચૂંટણીને લઈને ભાજપે મોટો રાજકીય દાવ રમ્યો છે.13 વોર્ડની 52 બેઠકો માટે ઉમેદવારોની યાદી જાહેર કરવામાં આવી છે. આ યાદીમાં ‘નો-રિપીટ’ ફોર્મ્યુલા અપનાવતા ભાજપે નગરપાલિકા સમયના આશરે 80 ટકા નવા ચહેરાઓને તક આપી છે, જેના કારણે સ્થાનિક રાજકારણમાં ભારે ચકચાર મચી છે. દિગ્ગજોને ઝટકો: કાશ્મીરા શાહની ટિકિટ કપાઈ આ યાદીમાં સૌથી મોટો ચોંકાવનારો નિર્ણય પૂર્વ પ્રમુખ કાશ્મીરા શાહની ટિકિટ કપાવાનો રહ્યો છે. નોંધનીય છે કે, વાપીને નગરપાલિકાથી મહાનગરપાલિકા બનાવવા માટે રાજ્ય સરકારમાં દરખાસ્ત મુકનાર તેઓ જ હતા. તેમ છતાં, પાર્ટીએ આ વખતે તેમને તક ન આપતા રાજકીય વર્તુળોમાં ચર્ચાઓ તેજ બની છે. વોર્ડ-5 બન્યો હોટસ્પોટ: ‘કાકા-ભત્રીજા’ની જોડી વોર્ડ નંબર 5 આ વખતે ખાસ ધ્યાન ખેંચી રહ્યો છે. અહીં ભાજપે સતીષ પટેલ અને સની પટેલ એમ કાકા-ભત્રીજાની જોડીને એકસાથે ટિકિટ આપી ચૂંટણી મેદાનમાં ઉતારી છે, જે સ્થાનિક સ્તરે ચર્ચાનો વિષય બન્યો છે. ‘નો-રિપીટ’ પાછળના કારણો પાર્ટી સૂત્રોના જણાવ્યા મુજબ ‘નો રિપિટેશન’, ત્રણ ટર્મ સહિતના માપદંડો અને સ્થાનિક અસંતોષને ધ્યાનમાં રાખીને આ વખતે મોટા પાયે ફેરફાર કરવામાં આવ્યા છે. જેના કારણે આશરે 80 ટકા દાવેદારોના નામો કપાયા છે. સુરેન્દ્રનગર મહાનગરપાલિકાના 13 વોર્ડના 52 ઉમેદવારો જાહેર સુરેન્દ્રનગર મહાનગરપાલિકા બન્યા બાદ પ્રથમ ચૂંટણી યોજાઈ રહી છે. ત્યારે ભારતીય જનતા પાર્ટી દ્વારા 13 વોર્ડના 52 ઉમેદવારોના નામની જાહેરાત કરવામાં આવી છે. જેમાં 10 ઉમેદવારો એવા છે કે જેઓ નગરપાલિકામાં પણ હતા. જેઓ ત્રણ ટર્મ ચૂંટણી લડ્યા અને જેમની ઉંમર 60 વર્ષથી વધુ છે, એમના પત્તા કપાયા છે. એમાં સુરેન્દ્રનગર નગરપાલિકાના પૂર્વ પ્રમુખ જીજ્ઞાબેન પંડ્યાનો પણ સમાવેશ થાય છે. પૂર્વ નગરપાલિકા ઉપ પ્રમુખ અને કારોબારી ચેરમેનના પણ આ મહાનગરપાલિકા ચૂંટણીમાં પત્તા કપાયા છે. નડિયાદ મહાનગરપાલિકાના 13 વોર્ડના 52 ઉમેદવારોની યાદી જાહેર વડોદરા જિલ્લા પંચાયતની બેઠક માટે ભાજપની યાદી જાહેર, ધારાસભ્યોનું પલડું ભારે જોવા મળ્યું વડોદરા જિલ્લા પંચાયતની 34 બેઠક માટે ભાજપાએ પોતાની યાદી જાહેર કરી દીધી છે. જો કે આ વખતે મોટાભાગની બેઠકોનું રોટેશન બદલાતા જે નવા ચહેરાઓની અપેક્ષા હતી તેના કરતા જુના જોગીઓના જ પરિવારજનોને ટિકિટો મળી હોવાનું ધ્યાને આવ્યું છે. મોટાભાગની બેઠકો ઉપર ધારાસભ્યોના નિકટના વ્યક્તિઓને જ ટિકિટ અપાઈ હોવાનું સ્પષ્ટ જણાઈ રહ્યું છે. જિલ્લાના પાંચ ધારાસભ્યોની દબદબો જિલ્લા પંચાયતની ઉમેદવારીમાં રહ્યો હોય તેવું સ્પષ્ટ જણાઈ રહ્યું છે. એક દિવસ પહેલા કોંગ્રેસમાંથી ભાજપમાં આવેલા અને બાદમાં ભાજપમાંથી રાજીનામુ આપવાની જાહેરાત કરનાર કિરણ રાઠોડને પણ સાચવી લેવામાં આવ્યા છે. સોખડા બેઠક ઉપર તેઓના પત્ની હેમા કિરણ રાઠોડને ટિકિટ આપીને ઘીના ઠામમાં ઘીની ઉક્તિ સાર્થક કરવાની કોશિશ ભાજપ દ્વારા કરવામાં આવી છે. અને કદાચ આ કમિટમેન્ટ સાથે જ કિરણ ઠાકોરને 24 કલાકમાં જ બ્રહ્મજ્ઞાન થયું હશે પુનઃ ભાજપમાં જોડાઈ ગયા છે. જો કે કેટલાક એમ પણ માની રહ્યા છે કે તેઓએ નાક દબાવીને ટિકિટ કઢાવી લીધી છે. તો વડોદરા તાલુકા પંચાયતની કેટલીક બેઠકોમાં પણ વિવાદ સર્જાય તેમ લાગી રહ્યું છે. તાલુકા પંચાયતની સયાજીપુરા તાલુકા પંચાયત બેઠક સામાન્ય હતી એમાં ઓબીસી ઉમેદવર બ્રિજેશ વાસુદેવ ઠાકોરને ટિકિટ આપતા કેટલાકમાં કચવાટ જોવા મળી રહ્યો છે. ત્યારે હવે ગ્રામ્ય કક્ષાનું રાજકારણ કેવા રંગ બતાવે છે તે જોવું રહ્યું. કોંગ્રેસની પ્રથમ યાદીમાં 7 મહાનગરપાલિાકના 243 ઉમેદવારો જાહેર થયા હતા પાલિકા-પંચાયતની ચૂંટણીનો કાર્યક્રમ 2021 અને 2015ની ચૂંટણીમાં રાજ્યની જૂની 6 મહાનગરપાલિકાના પરિણામ