Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    રબારી કોલોની કેનાલ ચાર રસ્તા પાસે હિટ એન્ડ રન:પૂરપાટ આવતી કારે એક્ટિવાને અડફેટે લીધું, 50 વર્ષીય આનંદ સક્સેનાનું ઘટનાસ્થળે જ મોત

    9 hours ago

    અમદાવાદના રબારી કોલોની વિસ્તારમાં હિટ એન્ડ રનની ગંભીર ઘટના સામે આવી છે. આજે (15 નવેમ્બર) સવારે ઘરેથી એક્ટિવા પર ધંધા પર જઈ રહેલા 50 વર્ષીય કાપડના વેપારીને રીટાનગર કેનાલ ચાર રસ્તા પાસે પૂરઝડપે આવતી કારે અડફેટે લેતા સારવાર દરમિયાન તેમનું કરૂણ મોત નીપજ્યું છે. અકસ્માત સર્જ્યા બાદ કારચાલક વાહન લઈને ફરાર થઈ ગયો હતો, જે મામલે આઇ ડિવિઝન ટ્રાફિક પોલીસે ગુનો નોંધી તપાસ હાથ ધરી છે. ધંધા પર જતી વખતે પૂરઝડપે આવતી કારે એક્ટિવાને ટક્કર મારી વસ્ત્રાલના મહેમદપુરામાં રહેતા 50 વર્ષીય આનંદભાઈ સુદામા સક્સેના રબારી કોલોનીમાં કપડાંનો વેપાર કરે છે. રવિવારે સવારે 7 વાગ્યાના સુમારે તેઓ ઘરેથી એક્ટિવા લઈને પોતાના ધંધા પર જઈ રહ્યા હતા. આ દરમિયાન રબારી કોલોની રીટાનગર કેનાલ ચાર રસ્તા પાસે પહોંચતા પૂરઝડપે અને બેદરકારીપૂર્વક આવી રહેલા એક કારચાલકે તેમના એક્ટિવાને જોરદાર ટક્કર મારી હતી, જેના કારણે આનંદભાઈ રોડ પર પટકાતા તેમને માથા અને શરીરના ભાગે ગંભીર ઈજાઓ પહોંચી હતી. સારવારમાં મોત, કાર રામોલની મહિલાના નામે હોવાનું ખુલ્યું અકસ્માત સર્જાતા જ આસપાસના સ્થાનિક લોકો એકઠા થઈ ગયા હતા અને ગંભીર રીતે ઘાયલ આનંદભાઈને તાત્કાલિક સારવાર અર્થે હોસ્પિટલ ખસેડ્યા હતા, જ્યાં સારવાર દરમિયાન તેમનું મોત નીપજ્યું હતું. બીજી તરફ, અકસ્માત બાદ કારચાલક ઘટનાસ્થળેથી નાસી છૂટ્યો હતો. આ અંગે I ડિવિઝન ટ્રાફિક પોલીસે ગુનો નોંધી તપાસ તેજ કરી છે, જેમાં પ્રાથમિક તપાસ દરમિયાન અકસ્માત સર્જનાર કાર રામોલ વિસ્તારમાં રહેતા બીનાબેન ગાંધીના નામે રજિસ્ટર્ડ હોવાનું સામે આવ્યું છે. નરોડા એસ.પી. રિંગ રોડ પર ટ્રક ચાલકે યુવકને અડફેટે લેતા મોત સૈજપુર-બોઘામાં રહેતો 24 વર્ષીય વિશાલ ચૌહાણ મેમકો પાસે ખાનગી એસ્ટેટમાં નોકરી કરતો હતો. ગત 15 નવેમ્બરે સવારે નરોડા એસ.પી. રિંગ રોડ પર આવેલા સ્ટાર એમ્પાયર સામેના રોડ પર વિશાલ ચાલતા રોડ ક્રોસ કરી રહ્યો હતો. તે દરમિયાન દાસ્તાન સર્કલ તરફથી પૂરઝડપે આવી રહેલી ટ્રક ચાલકે વિશાલને અડફેટે લેતા ગંભીર ઇજાઓને કારણે વિશાલનું ઘટનાસ્થળે જ મોત નીપજ્યું હતું. અકસ્માત સર્જ્યા બાદ ટ્રક ચાલક વહાન સાથે ઘટનાસ્થળેથી નાસી છૂટ્યો હતો. આ અંગે મૃતકના પિતા ધનપાલસિંહ ચૌહાણે જી ડિવિઝન ટ્રાફિક પોલીસ સ્ટેશનમાં ફરાર ટ્રક ચાલક સામે ગુનો નોંધાવ્યો છે.
    Click here to Read More
    Previous Article
    ઇસનપુરના બિરસા મુંડા ગાર્ડનમાં જન્મ જયંતીની ઉજવણી:મેયર સહિતના નેતાઓ ઉપસ્થિત રહ્યાં, બારોટે કહ્યું-આદિવાસી સમાજના યોગદાનને યાદ કરવાનો અવસર
    Next Article
    Owaisi Rally in Uttar Pradesh's Meerut: Akhilesh Yadav पर जमकर बरसे ओवैसी | PDA | UP Election 2026

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment