Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    42 વર્ષથી પુરુષો કરે છે ઘરની મહિલાઓનું પૂજન:જૂનાગઢનો કોટેચા પરિવાર પત્ની-પુત્રવધૂ સહિતને સાક્ષાત લક્ષ્મી માની પૂજા કરી વર્ષમાં થયેલી ભૂલો બદલ માગે છે માફી

    1 day ago

    1

    0

    👍 ❤️ 😂 😮 😢 😡 😘 🤐 🥰

    ​દિવાળી એટલે કે અજ્ઞાન પર પ્રકાશનું અને ધનની દેવી માતા લક્ષ્મીના પૂજનનું પર્વ. સામાન્ય રીતે સમગ્ર દેશમાં દિવાળીના દિવસે મૂર્તિ પૂજન અને ચોપડા પૂજન કરવામાં આવે છે, પરંતુ જૂનાગઢના ચર્ચાસ્પદ અને સંસ્કારી એવા કોટેચા પરિવારની પરંપરા આખી દુનિયાથી તદ્દન અલગ અને પ્રેરણાદાયી છે. આ પરિવારમાં છેલ્લા 42 વર્ષથી દિવાળીના પાવને અવસરે ઘરમાં વસતી સ્ત્રીઓ - એટલે કે માતા, પત્ની, પુત્રવધૂ અને દીકરીઓને જ સાક્ષાત લક્ષ્મી માનીને તેમના પુરુષો દ્વારા વિશેષ પૂજન કરવામાં આવે છે. આ અદ્ભુત અને પારિવારિક સૌહાર્દ વધારતી પરંપરા અંગે પરિવારના મોભીઓ અને સભ્યોએ પોતાના હૃદયસ્પર્શી વિચારો રજૂ કર્યા છે. પૂજા સાથે વર્ષમાં થયેલી ભૂલની ક્ષમા પણ માગે છેઃ ગિરીશ કોટેચા ​પૂર્વ ડેપ્યુટી મેયર ગિરીશ કોટેચાએ જણાવ્યું કે, અમારા સ્વર્ગસ્થ મધરે 42 વર્ષ પહેલાં આ સુંદર પરંપરાની શરૂઆત કરાવી હતી. અમને એવું શીખવ્યું હતું કે, જે ઘરની અંદર વહુ કે સ્ત્રીઓ રાજી અને ખુશ રહે, તે ઘરમાં ક્યારેય કોઈ જ તકલીફ પડતી નથી. આજે અમારું કુટુંબ ઘણું મોટું થઈ ગયું છે, તેમ છતાં પરિવારના હરેક દીકરા પોતાની પત્ની અને વહુનું પૂજન કરે છે, તેમને પગે લાગે છે, આરતી ઉતારે છે અને જો વર્ષ દરમિયાન કોઈ નાની-મોટી ભૂલ થઈ હોય તો તેની ક્ષમા માગે છે. ઘરની શાંતિ એ જ આપણી સૌથી મોટી મૂડી છે અને જે ઘરની દીકરી કે વહુ પ્રસન્ન રહે, તેને હંમેશાં દીકરી સમાન જ માનવી જોઈએ. બધા સાથે મળીને ભરપૂર આનંદથી દિવાળી ઉજવીએ છીએઃ ગીતા કોટેચા ગિરીશભાઈના પત્ની ગીતા કોટેચાએ જણાવ્યું કે, અમારા કુટુંબમાં છેલ્લા 42 વર્ષોથી માત્ર મૂર્તિ પૂજા જ નહીં, પરંતુ ઘરની અસલી લક્ષ્મી સમાન સાસુ, વહુ અને દીકરીઓ બધા સાથે બેસીને પરિવારના પુરુષો દ્વારા અમારું સન્માન અને પૂજન કરાવે છે. તેઓ અમારી આરતી ઉતારે છે, વર્ષ દરમિયાન થયેલી ભૂલો બદલ ક્ષમા માગે છે અને ત્યારબાદ અમે બધા સાથે મળીને સ્વાદિષ્ટ ભોજન કરીએ છીએ, ફટાકડા ફોડીએ છીએ અને દીવડા પ્રગટાવીને ભરપૂર આનંદ અને ઉત્સાહથી દિવાળી પર્વ ઉજવીએ છીએ. અમારા દાદીમાએ શરૂ કરેલી પરંપરા સુખ-શાંતિનું રહસ્યઃ પાર્થ કોટેચા ​ગિરીશ કોટેચાના પુત્ર પાર્થ કોટેચાએ જણાવતા કહ્યું કે, અમારા કોટેચા પરિવારમાં છેલ્લા 42 વર્ષથી આ પરંપરા અવિરત ચાલી આવે છે કે અમે ઘરની મહિલાઓને જ લક્ષ્મી સ્વરૂપ માનીને તેમનું પૂજન કરીએ છીએ. હું ખુદ મારી પત્ની અને મારી વ્હાલી દીકરીનું પૂજન કરું છું. અમારું દ્રઢ માનવું છે કે ઘરની સ્ત્રીઓના ચહેરા પર સ્મિત અને ખુશી રહે તો જ તે સાચા અર્થમાં 'ઘર' બને છે, નહીં તો તે માત્ર એક નિર્જીવ મકાન બનીને રહી જાય છે. અમારા દાદીમાએ શરૂ કરેલી આ પરંપરા જ અમારા પરિવારની સુખ-શાંતિ અને આવનારા વર્ષોની ઉન્નતિનું મુખ્ય રહસ્ય છે. દરેક ઘરની અંદર વહુ-દીકરીઓનું આ જ પ્રકારે સન્માન થવુ જોઈએઃ ચાંદની કોટેચા કોટેચા પરિવારની પુત્રવધૂ ચાંદની કોટેચાએ ગર્વની લાગણી વ્યક્ત કરતા જણાવ્યું કે, હિન્દુ ધર્મના આ મહાપર્વ દિવાળીએ સૌકોઈ પોતાના ધંધા-રોજગારમાં ચોપડા પૂજન અને લક્ષ્મી પૂજન કરતા હોય છે, પરંતુ અમારા ઘરમાં દાદીજીના સમયથી ચાલતી આવતી પરંપરા મુજબ વહુ-દીકરીઓ હસતી-રમતી રહે તો જ ઘરમાં સાચી લક્ષ્મીનો વાસ થાય છે તે માન્યતાને અનુસરીને દિવાળીની સવારે અમારું ભવ્ય પૂજન થાય છે, આરતી ઉતારવામાં આવે છે. આ પ્રકારના સન્માનથી અમને ખૂબ જ ગર્વ અને ગૌરવ અનુભવાય છે. હું એક સ્ત્રી અને પુત્રવધૂ તરીકે સમાજની તમામ મહિલાઓ વતી અપીલ કરું છું કે દરેક ઘરની અંદર વહુ-દીકરીઓનું આ જ પ્રકારે સન્માન અને પૂજન થવું જોઈએ.
    Click here to Read More
    • Share:
    અમદાવાદના વેપારીએ જમીનના વિવાદમાં કેનાલમાં ઝંપલાવી દીધું:નરોડાના વેપારીને ગાંધીનગરના ડભોડામાં વેચેલી જમીનને પરત આપવા માટે સતત માનસિક ત્રાસ આપીને હેરાન કરતા
    Previous Article
    અમદાવાદના વેપારીએ જમીનના વિવાદમાં કેનાલમાં ઝંપલાવી દીધું:નરોડાના વેપારીને ગાંધીનગરના ડભોડામાં વેચેલી જમીનને પરત આપવા માટે સતત માનસિક ત્રાસ આપીને હેરાન કરતા
    Next Article
    New Ramayana In Theatres, OG Ram-Sita Duo Reunite For OTT Film
    New Ramayana In Theatres, OG Ram-Sita Duo Reunite For OTT Film

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment

      Send