Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    એક સમયના બાવળીયાના વિરોધી દેવજી ફતેપરા તરફેણમાં:કહ્યું- 40 વર્ષથી સમાજનું કામ કરતા કુંવરજીભાઈના રાજીનામાનો પ્રશ્ન જ ઊભો નથી થતો, દિવ્યેશને ઉપમુખ્યમંત્રી બનાવે તો પણ ખુશી થશે

    6 hours ago

    ગુજરાતના કેબિનેટ મંત્રી અને કોળી સમાજના અગ્રણી કુંવરજી બાવળિયાની નિવૃત્તિ અંગે ચાલી રહેલા વિવાદ વચ્ચે એક સમયના તેમના વિરોધી પૂર્વ સાંસદ દેવજી ફતેપરા હવે ખુલીને બાવળિયાની તરફેણમાં આવ્યા છે. ફતેપરાએ દિવ્ય ભાસ્કર સાથેની વાતચીતમાં સ્પષ્ટ કર્યું છે કે, જો સમાજ ઈચ્છતો હોય કે બાવળિયા પ્રતિનિધિત્વ કરે, તો તેમના રાજીનામાનો કોઈ પ્રશ્ન જ ઊભો થતો નથી. આ સાથે જ તેમણે પ્રવીણ કોળીના નિવેદન પર પ્રતિક્રિયા આપતા કહ્યું કે, દિવ્યેશ સોલંકીને ઉપમુખ્યમંત્રી બનાવવામાં આવે તો પણ તેમને કોઈ વાંધો નથી. રાજીનામાનો કોઈ પ્રશ્ન જ નથી: દેવજી ફતેપરા કુંવરજી બાવળિયાના સમર્થનમાં નિવેદન આપતા દેવજી ફતેપરાએ જણાવ્યું હતું કે, તેઓ છેલ્લા 40 વર્ષથી બાવળિયા સાથે જોડાયેલા છે. પરિવાર કે અંગત જીવનમાં નાના-મોટા મતભેદો થતા હોય છે, પરંતુ તે લાંબો સમય ટકતા નથી અને આપોઆપ ઉકેલાઈ જાય છે. બાવળિયા સાતમી વખત મંત્રી બન્યા છે અને જો ભારતનો કોળી સમાજ ઈચ્છતો હોય કે તેઓ સમાજનું પ્રતિનિધિત્વ ચાલુ રાખે, તો તેમના રાજીનામાનો કોઈ સવાલ જ નથી. પ્રવીણ કોળીના નિવેદન અંગે તેમણે કહ્યું કે, યુવાનોને આગળ લાવવાની વાત સારી છે, પરંતુ સૌરાષ્ટ્રમાં કોળી સમાજનું મોટું મતદાન હોવા છતાં ઘણી જગ્યાએ સંગઠન તરીકે કોઈ યુવાન દાવેદાર આગળ નથી. બક્ષીપંચ આશ્રમ શાળાઓના નિર્માણમાં બાવળિયાનું યોગદાન ભૂતકાળના સંસ્મરણો તાજા કરતા દેવજીભાઈએ જણાવ્યું કે, જ્યારે ચીમનભાઈ પટેલની સરકાર હતી અને શંકરજી ઓખાજી ઠાકોર સમાજ કલ્યાણ મંત્રી હતા, ત્યારે કુંવરજીભાઈના પ્રયાસોથી બક્ષીપંચ આશ્રમ શાળાઓ શરૂ કરવા દરખાસ્ત કરાઈ હતી. લીલાધરભાઈ અને કરમશીભાઈ સહિતના નેતાઓના સહયોગથી આ સંસ્થાઓ આકાર પામી હતી. હાલમાં સૌરાષ્ટ્રમાં કોળી સમાજના આશરે 2,200 જેટલા વિદ્યાર્થીઓ રહેવા, જમવા અને ઉત્તમ સુવિધાઓ સાથે અભ્યાસ કરી રહ્યા છે, જે સમાજ માટે મોટી સિદ્ધિ છે. આ પણ વાંચો… પ્રવીણ કોળીએ કહ્યું-'કુંવરજીનો નિવૃત્તિ સમય, તળાજાથી જીતી પરસોત્તમ સોલંકીનો પુત્ર મંત્રી બનશે દિવ્યેશ સોલંકી અને સંગઠન અંગે સ્પષ્ટતા બગદાણા કોળી સમાજના યુવા આગેવાન દિવ્યેશ સોલંકીને મંત્રી કે ઉપમુખ્યમંત્રી બનાવવાની ચર્ચા પર ફતેપરાએ કહ્યું કે, જો પ્રવીણ કોળી બોટાદમાં યુવા આગેવાનને લડાવવા માંગતા હોય તો લડાવી શકે છે. જો દિવ્યેશ સોલંકી ચૂંટણી લડે અને પાર્ટી તેમને ઉપમુખ્યમંત્રી કે કોઈ મહત્વની જવાબદારી સોંપે તો સમાજને ખુશી જ થશે, પરંતુ આખરી નિર્ણય પાર્ટી અને નેતૃત્વ પર આધારિત છે. આ દરમિયાન તેમણે 2007થી 2012 સુધી ધારાસભ્ય અને 2014થી 2019 સુધી સાંસદ તરીકેની પોતાની કામગીરી તેમજ ભાજપ સંગઠન સાથેના જૂના સંબંધો પણ યાદ કર્યા હતા.
    Click here to Read More
    Previous Article
    સ્વિફ્ટ કાર 8 વખત પલટી ખાઈ ટ્રાન્સફોર્મર સાથે અથડાઈ:ટંકારા પાસે 2ના મોત, એકને ઈજા; મંડપ ડેકોરેશનનું કામ કરતા યુવકો રાજકોટથી મોરબી જતા હતા
    Next Article
    ‘Sole earning member’: The families left behind as FIRs pile up against Sijimali mine protesters

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment