Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    કતારગામમાં ચાલુ કારમાં ભીષણ આગ, પરિવારના 4 સભ્યનો આબાદ બચાવ:ઓટો-લોક છતાં સમયસર દરવાજા ખોલી બહાર નીકળતાં જાનહાની ટળી

    2 days ago

    સુરતના કતારગામ વિસ્તારમાં આવેલા પીપલ્સ ચાર રસ્તા નજીક આજે બપોરે એક ચાલુ કારમાં અચાનક ભીષણ આગ ફાટી નીકળતાં સમગ્ર વિસ્તારમાં અફરાતફરી મચી ગઈ હતી. અમરોલીથી ડુમ્મસ ફરવા જઈ રહેલા પરિવારના ચાર સભ્યો કારમાં સવાર હતા, પરંતુ સમયસૂચકતા વાપરીને ચારેય સભ્યો હેમખેમ બહાર નીકળી જતાં મોટી જાનહાની ટળી હતી. ફાયર વિભાગે માત્ર ત્રણ જ મિનિટમાં ઘટનાસ્થળે પહોંચી આગ પર કાબૂ મેળવ્યો હતો, જોકે કાર બળીને ખાખ થઈ ગઈ હતી અને બાજુની દુકાનોના બોર્ડને પણ નુકસાન પહોંચ્યું હતું. ઓટો-લોક છતાં સમયસર દરવાજા ખોલી ચારેય સભ્યો બહાર નીકળ્યા કારના માલિક મનીષકુમાર સોલંકીએ જણાવ્યું કે, તેમનો પરિવાર અમરોલીથી ડુમ્મસ ફરવા નીકળ્યો હતો. કારમાં તેમનો પુત્ર ડ્રાઇવિંગ કરી રહ્યો હતો, જ્યારે પત્ની મંજુલાબેન, પુત્રી માનસી અને નાનો દીકરો મિતાંશ સવાર હતા. પીપલ્સ ચાર રસ્તા પાસે ચાલુ કારમાં અચાનક આગ લાગતાં ગાડી ઓટો-લોક હોવા છતાં ચાલકે સૂઝબૂઝ વાપરી દરવાજા ખોલી નાખ્યા હતા, જેના કારણે ચારેય સભ્યો સુરક્ષિત બહાર નીકળી ગયા હતા. ફાયર વિભાગે 3 મિનિટમાં પહોંચી દુકાનોમાં પ્રસરતી આગ અટકાવી ફાયર ઓફિસર દીનુભાઈ પટેલના જણાવ્યા અનુસાર, બપોરે 2:35 કલાકે કોલ મળતાં જ માત્ર ત્રણ મિનિટમાં ફાયર કાફલો સ્થળ પર પહોંચી ગયો હતો. આગ એટલી વિકરાળ હતી કે કારની સાથે બાજુમાં આવેલી દુકાનોના બોર્ડ પણ લપેટમાં આવી ગયા હતા. ફાયર જવાનોએ પ્રથમ દુકાનોની આગ બુઝાવી હતી અને ગણતરીની મિનિટોમાં કારની આગ પર સંપૂર્ણ કાબૂ મેળવ્યો હતો. આગ શોર્ટ સર્કિટ કે અન્ય ટેક્નિકલ કારણસર લાગી તે અંગે તપાસ હાથ ધરાઈ છે.
    Click here to Read More
    Previous Article
    જલારામ બાપાની 227 મી જન્મ જયંતિની ઉજવણીની તડામાર તૈયારીઓ:જલારામ જયંતિના દિવસે ધજા પૂજન, 251 થી વધુ વાનગીઓનો અન્નકૂટ દર્શન,મહાઆરતી, રક્તદાન શિબિર સહિતના કાર્યક્રમો યોજાશે, મહાપ્રસાદનો 20 હજાર કરતા વધુ ભક્તો લાભ લેશે
    Next Article
    સોમનાથ મંદિરના જીર્ણોદ્ધાર માટે સરદાર પટેલના સંકલ્પને 79 વર્ષ પૂર્ણ:80મા સંકલ્પદિને મહાદેવની મહાપૂજા સહિતના કાર્યક્રમો, સાંજે દીપમાળાનું આયોજન, પ્રતિમાને પુષ્પાંજલિ

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment