મોર્નિંગ ન્યૂઝ બ્રીફ:અમેરિકાએ ઈરાન પર મિસાઈલો છોડી, વિશ્વના સૌથી વૃદ્ધ કાચબાને મોદીએ પાંદડાં ખવડાવ્યાં; 4 માનવભક્ષી સિંહો કાયમ કેદ રહેશે

નમસ્તે, અમેરિકાએ ઈરાન પર ફરી હુમલો કર્યો. મિસાઈલ અને ડ્રોન ઠેકાણાઓને નિશાન બનાવ્યા. બીજી તરફ, પુણે મર્ડર કેસમાં નવો ખુલાસો થયો છે. દાવો કરવામાં આવી રહ્યો છે કે કેતનનું માથું છુંદાયેલું હતું. મોર્નિંગ ન્યૂઝ બ્રીફમાં PM મોદીના સેશેલ્સ પ્રવાસના સમાચાર જણાવીશું... ⏰ આજની ઈવેન્ટ્સ, જેના પર રહેશે નજર 📰 કાલના મોટા સમાચારો 1. અમેરિકાએ ઈરાનના મિસાઈલ-ડ્રોન ઠેકાણાઓ પર હુમલાનો VIDEO જાહેર કર્યો:ઈરાને અમેરિકી સૈન્ય ઠેકાણાઓને ટાર્ગેટ કર્યા, ઈરાને કહ્યું- હવે અમેરિકા પસ્તાશે અમેરિકાએ શુક્રવારે ઈરાન પર લગભગ એક કલાક સુધી હુમલા કર્યા. અમેરિકી સેનાએ મિસાઈલ-ડ્રોન ઠેકાણાઓ અને દરિયાકાંઠાની રડાર સાઈટ્સને નિશાન બનાવ્યા. રાષ્ટ્રપતિ ડોનાલ્ડ ટ્રમ્પે કહ્યું કે ઈરાને યુદ્ધવિરામ તોડ્યો, તેથી જવાબી કાર્યવાહી કરવામાં આવી. અમેરિકી સેન્ટ્રલ કમાન્ડ (CENTCOM) અનુસાર, 25 જૂને ઈરાને હોર્મુઝ સ્ટ્રેટમાં સિંગાપોરના કાર્ગો શિપ ‘એમવી એવર લવલી’ પર ડ્રોન હુમલો કર્યો હતો. બીજી તરફ, ઈરાનની સરકારી ન્યૂઝ એજન્સી IRNA અનુસાર, રિવોલ્યુશનરી ગાર્ડ્સ (IRGC)ની નૌકાદળે દાવો કર્યો છે કે તેણે જવાબમાં ક્ષેત્રમાં હાજર અમેરિકી સૈન્ય ઠેકાણાઓને નિશાન બનાવ્યા છે. વાંચો સંપૂર્ણ સમાચાર 2. પુણે મર્ડરમાં દાવો- કેતનનું માથું છુંદાયેલું હતું: રેસક્યૂ કરનારાએ કહ્યું- લોકો રડતા હતા, સિયા શાંત હતી; માતા-પિતાની પૂછપરછ ચાલુ પુણેના કેતન અગ્રવાલ મર્ડર કેસમાં નવો દાવો સામે આવ્યો છે. કેતનનો મૃતદેહ રેસ્ક્યુ કરનાર સુનીલ ગાયકવાડે કહ્યું કે, 'કેતનના માથા પર ગંભીર ઈજાઓ હતી, માથું છુંદાયેલું હતું અને હાથ-પગ પર પણ ઘણી ઈજાઓ હતી. પરંતુ સિયા ગોયલ શાંત ઊભી હતી. અન્ય લોકો રડી રહ્યા હતા અને મદદ માટે બૂમો પાડી રહ્યા હતા.' સુનીલે કહ્યું કે મૃતદેહને જંગલના રસ્તેથી બહાર લાવવામાં આવ્યો હતો. પોલીસને 18 જૂનની સવારે લગભગ 10:30 વાગ્યે ઘટનાની જાણ થઈ હતી. બચાવ અભિયાન બપોરે 12:30 વાગ્યા સુધી ચાલ્યું અને લગભગ 1:30 વાગ્યે મૃતદેહને એમ્બ્યુલન્સમાં પહોંચાડવામાં આવ્યો હતો. વાંચો સંપૂર્ણ સમાચાર 3. PM મોદીએ સેશેલ્સમાં કાચબાઓને પાંદડાં ખવડાવ્યા, VIDEO:256 વર્ષ પહેલાં 5 ભારતીયો રહેવા પહોંચ્યા હતા; હવે દર 8મો નાગરિક ભારતીય મૂળનો છે PM નરેન્દ્ર મોદી શનિવારે ત્રણ દિવસીય પ્રવાસે સેશેલ્સ પહોંચ્યા. રાજધાની વિક્ટોરિયામાં રાષ્ટ્રપતિ પેટ્રિક હર્મિનીએ તેમનું સ્વાગત કર્યું. બંને નેતાઓએ નેશનલ બોટનિકલ ગાર્ડનમાં એલ્ડાબ્રા જાયન્ટ કાચબાઓને પાંદડા ખવડાવ્યા. મોદી 29 જૂને સેશેલ્સના 50મા રાષ્ટ્રીય દિવસ સમારોહમાં મુખ્ય અતિથિ પણ હશે. હિંદ મહાસાગરમાં આવેલા આ નાના ટાપુ દેશનો ભારત સાથેનો સંબંધ માત્ર વ્યૂહાત્મક જ નહીં, પરંતુ 256 વર્ષ જૂનો પણ છે. વર્ષ 1770માં જ્યારે અહીં પ્રથમ કાયમી વસાહત સ્થાપવામાં આવી, ત્યારે ત્યાં પહોંચેલા 27 લોકોમાં 5 ભારતીયો પણ સામેલ હતા. બાદમાં બિહાર, તમિલનાડુ અને ગુજરાતમાંથી પણ મોટી સંખ્યામાં ભારતીયો અહીં આવીને વસી ગયા. વાંચો સંપૂર્ણ સમાચાર 4. મુંબઈ-મોહરમ જુલૂસમાં દર્દની દવા કહીને ઝેરી કેપ્સ્યુલ વહેંચી: પોલીસે 14,900 કેપ્સ્યુલ સાથે યુવકને પકડ્યો; ઉંદર મારવાનું ઝેર ભરેલું હતું મુંબઈના બાયખલામાં મોહરમ જુલુસમાં પોલીસે એક વ્યક્તિને ઉંદર મારવાના ઝેરથી ભરેલી 14,900 કેપ્સ્યુલ સાથે ધરપકડ કરી છે. પોલીસે જણાવ્યું કે મોહરમ જુલુસમાં એક શંકાસ્પદ વ્યક્તિ લોકોને કેપ્સ્યુલ વહેંચવાની ફિરાકમાં ફરી રહ્યો હતો, તે લોકોને કહી રહ્યો હતો કે આ દરેક પ્રકારના દુખાવાને જડમૂળથી ખતમ કરવાની દવા છે. આ જ જુલુસમાં એક વ્યક્તિને પેટમાં દુખાવો અને ઉલટી થવા લાગી. વ્યક્તિએ જણાવ્યું કે તેણે એક વ્યક્તિ પાસેથી કેપ્સ્યુલ લઈને ખાધી હતી. આ પછી પોલીસે કેપ્સ્યુલ વહેંચી રહેલા શંકાસ્પદ વ્યક્તિને પકડીને પૂછપરછ કરી. વાંચો સંપૂર્ણ સમાચાર 5. કાટમાળમાં દટાયેલા 18 દિવસના બાળકનું રેસ્ક્યુ:ધ્વસ્ત ઇમારતોમાં હજુ અનેક ફસાયેલા લોકો; રસ્તા પર રાહત શિબિર વેનેઝુએલાના લા ગુઆઇરામાં રેસ્ક્યુ ટીમે શુક્રવારે 18 દિવસના બાળકને તેની માતા સાથે બિલ્ડિંગના કાટમાળમાંથી સુરક્ષિત બહાર કાઢ્યું. ઘણા લોકો હજુ પણ ધરાશાયી થયેલી ઇમારતો નીચે દટાયેલા છે. વેનેઝુએલામાં ગુરુવારે 7.2 અને 7.5 તીવ્રતાના બે ભૂકંપથી તબાહી મચી ગઈ. સમગ્ર દેશમાં 39 હજારથી વધુ લોકો ગુમ છે. 40 સેકન્ડની અંદર રાજધાની કારાકાસની ઊંચી ઇમારતો કાટમાળના ઢગલામાં ફેરવાઈ ગઈ. ભૂકંપ પછીના ઘણા વીડિયો વાયરલ થઈ રહ્યા છે. જ્યાં લોકો રેસ્ક્યુ ટીમો સાથે મળીને પોતાના સ્વજનોને શોધવાનો પ્રયાસ કરી રહ્યા છે. રસ્તાઓ પરના રેસ્ક્યુ કેમ્પમાં લોકોની સારવાર ચાલી રહી છે અને કાટમાળ હટાવવાનો પ્રયાસ હજુ પણ ચાલુ છે. વાંચો સંપૂર્ણ સમાચાર 6. રાજુલાના કોવાયામાં યુવકને ફાડી ખાનારા 4 સિંહોને આજીવન કેદ:માનવભક્ષણ કર્યાની લેબોરેટરી રિપોર્ટમાં પુષ્ટિ, વન વિભાગનો જૂનાગઢના સક્કરબાગ ઝૂમાં કેદ રાખવાનો નિર્ણય અમરેલી જિલ્લાના રાજુલા તાલુકાના કોવાયા ગામ નજીક એક યુવક પર હુમલો કરી તેને મોતને ઘાટ ઉતારનાર 4 સિંહોને આજીવન જૂનાગઢના સક્કરબાગ ઝૂમાં કેદ રાખવાનો વન વિભાગે નિર્ણય કર્યો છે. વન વિભાગ દ્વારા લેવાયેલા સેમ્પલના લેબોરેટરી રિપોર્ટમાં આ સિંહોએ જ માનવ ભક્ષણ કર્યું હોવાની સત્તાવાર પુષ્ટિ થઈ છે. થોડા દિવસો અગાઉ કોવાયા ગામ નજીક ઉત્તરાખંડના પ્રકાશચંદ્ર નામના યુવક પર રાત્રિના સમયે સિંહોના ટોળાએ હુમલો કરીને તેનો શિકાર કર્યો હતો. આ ગંભીર ઘટનાને પગલે વન વિભાગ તાત્કાલિક એક્શન મોડમાં આવ્યું હતું. ઘટનાસ્થળની આસપાસના વિસ્તારમાંથી લોકેશન ટ્રેસ કરીને રાજુલા રેન્જ વન વિભાગે 2 પાઠડા (યુવાન સિંહ) અને 2 પુખ્ત સિંહો સહિત કુલ 4 સિંહોને પાંજરે પૂર્યા હતા. વાંચો સંપૂર્ણ સમાચાર 7. અમદાવાદમાં ભાજપના ખેસવાળી કારમાંથી ₹50 લાખની ઉઠાંતરી:ADC બેંક સામે એક બાઈક ચાલકે ધ્યાન ભટકાવ્યું ને બીજા બે ગઠિયા બેગ લઈ છૂમંતર, આંગડિયા પેઢીમાંથી નીકળ્યા હતા અમદાવાદના કૃષ્ણનગર વિસ્તારમાં મારુતિ પ્લાઝા એડીસી બેંકની સામે ગાડીમાંથી નજર ચૂકવી અને રૂપિયા 50 લાખની ઉઠાંતરીનો બનાવ સામે આવ્યો છે. બાઈક સવાર હેલમેટ પહેલા બે શખસ રૂપિયાની બેગ લઈ છૂમંતર થઈ ગયા હતા. ઘટનાની જાણ કૃષ્ણનગર પોલીસને થતા કાફલો ઘટના સ્થળ ઉપર પહોંચ્યો હતો. જે કારમાંથી ₹50 લાખ રુપિયાની ઉઠાંતરી કરવામાં આવી તેમાંથી ભાજપનો ખેસ અને ખોડલધામ અમદાવાદ લખેલો ખેસ મળી આવ્યો હતો. ફરિયાદી છે એમણે બાપુનગરમાં આંગડિયા પેઢીમાંથી ₹50 લાખ લીધેલા હતા અને આ રુપિયા લઈને એ લોકો કોઠિયા હોસ્પિટલ તરફ જઈ રહ્યા હતા, એ દરમિયાન રસ્તામાં બનાવ બન્યો હતો. વાંચો સંપૂર્ણ સમાચાર ⚡ કેટલાક મહત્વના સમાચારો હેડલાઈનમાં 1.નેશનલ : દિલ્હી-NCR અને જમ્મુ-કાશ્મીરમાં ભૂકંપના જોરદાર આંચકા:લોકો ઘરો-ઓફિસોમાંથી બહાર નીકળ્યા, અફઘાનિસ્તાનમાં આવેલા 6.2 તીવ્રતાના ભૂકંપની અસર વાંચો સંપૂર્ણ સમાચાર 2.ઈન્ટરનેશનલ : ટ્રમ્પ ભારત આવશે, અમેરિકી વિદેશ મંત્રી રૂબિયોનું નિવેદન:કહ્યું- અમે મોદીના પ્રશંસક; હૈદરાબાદમાં ટ્રમ્પના નામે રસ્તો બન્યો, US રાષ્ટ્રપતિએ કહ્યું- ધન્યવાદ વાંચો સંપૂર્ણ સમાચાર 3.નેશનલ : કાર ઊભી'તી ને એરબેગ ખુલી ગઈ, યુવકનું મોત:15 વર્ષ જૂની કારમાં સેફ્ટી સિસ્ટમ અચાનક એક્ટિવ થઈ; મહારાષ્ટ્રના થાણેની ઘટના વાંચો સંપૂર્ણ સમાચાર 4.ઈન્ટરનેશનલ : PM મોદી સેશેલ્સ રવાના, 11 વર્ષમાં બીજી મુલાકાત:રાષ્ટ્રીય દિવસ સમારોહમાં મુખ્ય અતિથિ તરીકે હાજરી આપશે; અહીં દર 8મો વ્યક્તિ ભારતીય મૂળનો વાંચો સંપૂર્ણ સમાચાર 5.બિઝનેસ : EPFO-3.0 થી હવે UPI-ATM થી PF ના પૈસા ઉપાડી શકાશે:75% સુધીની રકમ ઉપાડવાની સુવિધા મળશે; આધાર OTP થી વેરિફિકેશન થશે વાંચો સંપૂર્ણ સમાચાર 6.સ્પોર્ટ્સ : ભારતીય હોકી ટીમે પાકિસ્તાનને 7-1થી હરાવ્યું:પાછળ રહ્યા પછી સતત 7 ગોલ કર્યા, બધા ગોલ અલગ-અલગ ખેલાડીઓએ કર્યા વાંચો સંપૂર્ણ સમાચાર 7.ધર્મ તહેવાર જ્યોતિષ : સોમવારે જેઠ પૂર્ણિમા અને સંત કબીર દાસ જયંતિ: વિષ્ણુ અને બાળ ગોપાલની પૂજાનું મહત્ત્વ, હનુમાન ચાલીસા અને સુંદરકાંડના પાઠથી કષ્ટો દૂર થશે વાંચો સંપૂર્ણ સમાચાર 🗣️ ચર્ચિત નિવેદન 😲 અજબ ગજબ રીલ માટે મરેલા સાપને મોઢામાં રાખ્યો યુપીના બિજનૌરમાં એક યુવકે ઘરમાં ઘૂસેલા સાપને માર્યા બાદ તેની સાથે સ્ટંટ કરતાં રીલ બનાવી. તેણે 10 વાર મરેલા સાપને મોઢામાં દબાવ્યો અને ગળામાં લપેટ્યો. થોડીવાર પછી તેની તબિયત બગડી ગઈ. જિલ્લા હોસ્પિટલમાં તેની સારવાર ચાલી રહી છે. 📸 ફોટો, જે પોતે સમાચાર છે 🌟 ભાસ્કરની એક્સક્લૂસિવ સ્ટોરીઝ, જે સૌથી વધારે વંચાઈ 1. આજનું એક્સપ્લેનર: 194 વર્ષના 'જોનાથન'ની વાર્તા, PM મોદીની મુલાકાતથી ચર્ચામાં; 39 અમેરિકી રાષ્ટ્રપતિ જોઈ ચૂક્યો છે, 140 વર્ષ નાની ગર્લફ્રેન્ડ 2. પોલીસે ખભે હાથ મૂકતા જ શાર્પ શૂટરે કહ્યું- આપ કૌન?:રાધિકા જીમખાના હત્યાકાંડની એ સાંજ, શરીફખાનની કારમાં તસ્લીમ ગોઠવાયો, લતીફ બહાર ઊભો હતો 3. સ્પાય ફાઈલ્સ : પાકિસ્તાની વહુ નીકળી ભારતીય જાસૂસ:બોયફ્રેન્ડને છોડીને ફૌજી ઓફિસર સાથે નિકાહ કર્યા, વોશરૂમમાંથી મેસેજ મોકલીને INS વિક્રાંતને બચાવ્યું; સહમત પાર્ટ-1 4. પારકી પંચાત : હાબુક હાબુક કરીને નેતાઓએ પાણીપુરી ઝાપટી:મંત્રી બોલ્યા, ‘મને ઓળખો છો? હું મિનિસ્ટર છું’; પહેલા ટણી કરી પછી પોલીસે ચરબી ઉતારી, જુઓ BEFORE-AFTER 5. '13 વર્ષનો દીકરો ક્યારેય પોતાની ભૂલ સ્વીકારતો નથી':'હંમેશા બીજા પર દોષારોપણ કરે છે, તેને ભૂલની જવાબદારી લેતા કેવી રીતે શીખવું?' જાણો ઉકેલ 6. હેલ્ધી ફણસના 12 ફાયદા!:ફાઇબર પેટ સાફ કરશે ને બ્લડ પ્રેશર કંટ્રોલમાં રાખશે; જેકફ્રૂટ સાથે ખોટું ફૂડ કોમ્બિનેશન પાછું એટલું જ ખતરનાક ⏳ આજના દિવસનો ઈતિહાસ 🌦️ મોસમનો મિજાજ રવિવારનું રાશિફળ: વૃષભ અને મીન રાશિના જાતકોનું દામ્પત્યજીવન મધુર રહેશે, કન્યા રાશિએ દેખાડાના ચક્કરમાં દેવું કરવાથી બચવું વાંચો સંપૂર્ણ રાશિફળ