Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    જળશક્તિ મંત્રાલયની બેઠકમાં 4રાજ્યનો 30 વર્ષ જૂનો નાણાકીય વિવાદ ઉકેલાયો:ગુજરાતને દુષ્કાળમાં જરૂર પડે ત્યારે મધ્યપ્રદેશ અને મહારાષ્ટ્ર પાણી આપશે, ગુજરાતે વીજળી ખરીદીને બંને રાજ્યને આપવી પડશે

    5 hours ago

    નર્મદા જિલ્લાના એકતાનગર સ્થિત સર્કિટ હાઉસ ખાતે કેન્દ્રીય જળશક્તિ મંત્રાલયની સલાહકાર સમિતિની મહત્વપૂર્ણ બેઠક મળી હતી. જે કેન્દ્રીય જળશક્તિ મંત્રી સી.આર. પાટીલની અધ્યક્ષતામાં યોજાઈ હતી. સરદાર સરોવર અને એકતાનગરનું વિશેષ મહત્વ હોવાથી આ બેઠક અહીં યોજવામાં આવી હતી. બેઠકમાં ગુજરાત, મહારાષ્ટ્ર, રાજસ્થાન, ઉત્તરપ્રદેશ, બિહાર અને મધ્યપ્રદેશના જળશક્તિ મંત્રાલય સાથે સંકળાયેલા મંત્રીઓ તથા સાંસદો ઉપસ્થિત રહ્યા હતા. જેમાં સરદાર સરોવરના 30 વર્ષથી ચાલતા નાણાકીય વિવાદ ઉકેલાયો હતો. ઉપરાંત રાજ્યમાં હાલ દુષ્કાળની સ્થિતિ છે ત્યારે મહારાષ્ટ્ર અને મધ્યપ્રદેશ ગુજરાતને જરૂર પડશે ત્યારે પાણી આપશે. એના બદલામાં ગુજરાતે વીજળી આપવી પડશે અથવા તો એટલી રકમ ચૂકવવી પડશે. ‘ડેમ સેફ્ટી એક્ટ’ની ચર્ચા બેઠક દરમિયાન 'ડેમ સેફ્ટી એક્ટ'ના અમલીકરણ, ડેમની સુરક્ષા વધુ મજબૂત બનાવવા, નદીઓની સફાઈ અને જળસંરક્ષણને લગતા વિવિધ પ્રોજેક્ટ્સ અંગે વિસ્તૃત ચર્ચા કરવામાં આવી હતી. સાંસદો દ્વારા પોતાના વિસ્તારોને લગતા પ્રશ્નો અને સૂચનો રજૂ કરવામાં આવ્યા હતા, જેના જવાબમાં સંબંધિત અધિકારીઓએ જરૂરી સ્પષ્ટતા કરી હતી. 30 વર્ષ જૂનો નાણાકીય વિવાદ ઉકેલાયો બેઠકમાં સૌથી મહત્વપૂર્ણ બાબત ગુજરાત, મધ્યપ્રદેશ, મહારાષ્ટ્ર અને રાજસ્થાન વચ્ચે છેલ્લા 30 વર્ષથી ચાલી રહેલા ખર્ચ અને નાણાકીય લેણાંના વિવાદનો ઉકેલ આવ્યો હોવાની રહી હતી. વડાપ્રધાન નરેન્દ્ર મોદીના નિર્દેશ અને કેન્દ્રીય ગૃહમંત્રી અમિત શાહની અધ્યક્ષતામાં યોજાયેલી બેઠકમાં ચારેય રાજ્યો વચ્ચે આ મુદ્દે સમાધાન થયું છે. ચારેય રાજ્યોના ખર્ચની ગણતરી 6% વ્યાજ સાથે કરીને હિસાબ ક્લિયર કરવામાં આવ્યો છે અને તમામ રાજ્યોએ આ ફોર્મ્યુલા પર સંમતિ દર્શાવી છે. અલનીનોની અસર વચ્ચે પાણી સુરક્ષાનું આયોજન આગામી સમયમાં ઓછા વરસાદ અને અલનીનોની સંભવિત અસરને ધ્યાનમાં રાખીને ગુજરાતમાં પાણીની અછત ઊભી ન થાય તે માટે મહત્વપૂર્ણ નિર્ણય લેવાયો છે. ચારેય રાજ્યોના મુખ્યમંત્રીઓની બેઠકમાં નક્કી કરાયું છે કે જરૂરિયાત ઊભી થાય તો મધ્યપ્રદેશ અને મહારાષ્ટ્ર વીજ ઉત્પાદન માટે પાણીનો ઉપયોગ કરવાને બદલે તે પાણી સીધું ગુજરાતને આપશે. તેના બદલામાં આ બંને રાજ્યોને મળવાપાત્ર વીજળી ખરીદીને આપવામાં આવશે અથવા તેના નાણાં ચૂકવવામાં આવશે. ત્રણેય રાજ્યના સચિવ ફોર્મ્યુલા બનાવશે પાણીના બદલામાં વીજળી અથવા નાણાકીય વળતર ચૂકવવાની ચોક્કસ ફોર્મ્યુલા ત્રણેય રાજ્યોના મુખ્ય સચિવો દ્વારા તૈયાર કરવામાં આવશે. આ વ્યવસ્થાથી ચાલુ વર્ષે ગુજરાતમાં પાણીની સમસ્યા ઊભી ન થાય તે દિશામાં આયોજન કરવામાં આવ્યું છે. મેન્ટેનન્સના બાકી નાણાંની ચૂકવણી આ ઉપરાંત મધ્યપ્રદેશ દ્વારા છેલ્લા 10 વર્ષથી બાકી રહેલા મેન્ટેનન્સ અને અન્ય ખર્ચની રકમ ચૂકવી દેવામાં આવી છે. હવે દર વર્ષે ગુજરાતને મેન્ટેનન્સની રકમ સમયસર મળી રહે તેવી વ્યવસ્થા અંગે પણ સ્પષ્ટતા કરવામાં આવી છે. હાલ ચારેય રાજ્યો વચ્ચે પાણી અને વીજળીના મુદ્દે કોઈ વિવાદ બાકી રહ્યો નથી. પ્રતિનિધિઓની ઉપસ્થિતિ અને ચર્ચા આ બેઠકમાં ગુજરાતના સ્થાનિક સાંસદ મનસુખ વસાવા, મંત્રી ઈશ્વરસિંહ પટેલ, જસુભાઈ રાઠવા સહિતના મહાનુભાવો ઉપસ્થિત રહ્યા હતા. આ ઉપરાંત SSNNLના મુકેશ પુરી અને WRD સેક્રેટરી પી.સી. વ્યાસ સહિતના અધિકારીઓ પણ જોડાયા હતા. એકતાનગર ખાતે યોજાયેલી આ બેઠકથી આંતરરાજ્ય જળવ્યવસ્થાપન, ડેમની સુરક્ષા અને જળસંબંધિત પ્રશ્નોના નિરાકરણની દિશામાં મોટો વેગ મળ્યો છે. સરદાર સરોવર યોજનાને લગતા પ્રશ્નોના ઉકેલ સાથે ગુજરાતની આગામી પાણીની જરૂરિયાતને ધ્યાનમાં રાખીને લેવાયેલા નિર્ણયો સમગ્ર રાજ્ય માટે મહત્વપૂર્ણ સાબિત થશે.
    Click here to Read More
    Previous Article
    South Central 101: India’s air pollution crisis, CM VIjay’s six-month report card
    Next Article
    ભિલોડામાં બિરસા મુંડાની જન્મજયંતીએ પ્રબુદ્ધ નાગરિક સંમેલન યોજાયું:પ્રેરણા વિદ્યાલયના કાર્યક્રમમાં મંત્રી સ્વરૂપજી સરદારજી ઠાકોરે અધ્યક્ષતા કરી

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment