મોર્નિંગ ન્યૂઝ બ્રીફ:4 વરસાદી સિસ્ટમ સક્રિય, 13 જિલ્લામાં ‘યલો એલર્ટ ’ સાંસદ પપ્પુ યાદવ પર જીવલેણ હુમલાનો પ્રયાસ, 5 લૂંટેરી દુલ્હને રાજ્યમાં 11 યુવકોને છેતર્યા

નમસ્તે, અપક્ષ સાંસદ પપ્પુ યાદવ પર હુમલો થયો. તેમના દિલ્હી સ્થિત આવાસમાં ઘૂસીને યુવકે ચંપલ ફેંક્યું. કોકરોચ જનતા પાર્ટીના સ્થાપક અભિજીત દીપકેના પરિવારની સંપત્તિની તપાસની માંગ કરવામાં આવી છે. મોર્નિંગ ન્યૂઝ બ્રીફમાં આગળ જણાવીશું કે 5 લૂંટેરી દુલ્હનોએ કેવી રીતે યુવકોને છેતર્યા. ⏰ આજની ઈવેન્ટ્સ, જેના પર રહેશે નજર 1. મધ્યપ્રદેશ, ગુજરાત અને બિહારની 3 વિધાનસભા બેઠકો પર યોજાયેલી પેટાચૂંટણીના પરિણામો આવશે. 2. સુપ્રીમ કોર્ટમાં સંસદ માર્ચ દરમિયાન પોલીસ કાર્યવાહી સંબંધિત 3 અરજીઓ પર સુનાવણી થશે. 📰 કાલના મોટા સમાચારો 1. ચાલુ પ્રેસ કોન્ફરન્સમાં પપ્પુ યાદવ પર જીવલેણ હુમલાનો પ્રયાસ:ચાકુ લઈને ઘુસ્યો વ્યક્તિ, જૂતા ફેંક્યા; સમર્થકોએ ધીબેડી નાખ્યો; સાંસદે સંસદ પરિસરમાં દાન ચોરીનું નાટક કર્યું હતું બિહારના પૂર્ણિયાથી અપક્ષ સાંસદ પપ્પુ યાદવ પર તેમના દિલ્હી સ્થિત નિવાસસ્થાને એક વ્યક્તિએ હુમલો કર્યો. પપ્પુ યાદવ પ્રેસ કોન્ફરન્સ કરી રહ્યા હતા, તે દરમિયાન એક વ્યક્તિએ તેમના પર જૂતું ફેંક્યું. આ પછી પપ્પુના સમર્થકોએ તેની સાથે મારપીટ કરી. પપ્પુએ આરોપ લગાવ્યો કે એક યુવકે ચાકુ લઈને તેમની હત્યા કરવાનો પ્રયાસ કર્યો. તેમણે કહ્યું કે કેટલાક બાબા રોજ કહે છે - મને મારી નાખો, બાળી નાખો, અમે ₹51 લાખ આપીશું. અમે એક વ્યક્તિને પકડીને પોલીસને હવાલે કર્યો. પોલીસ આરોપીને પકડીને લઈ ગઈ છે. તેની વિરુદ્ધ FIR નોંધવામાં આવી છે. આ પહેલાં વારાણસીમાં કોંગ્રેસ નેતા રાહુલ ગાંધી અને બે સાંસદો પપ્પુ યાદવ અને અવધેશ પ્રસાદ વિરુદ્ધ FIR નોંધાઈ છે. વાંચો સંપૂર્ણ સમાચાર 2. RTI કાર્યકર્તાએ CJP ફંડ પર સવાલો ઉઠાવ્યા:અભિજીત દીપકેના પિતાની સંપત્તિની તપાસની માગ; ચૂંટણી પંચ-ટેક્સ અધિકારીઓને પત્ર લખ્યો સુરતના RTI કાર્યકર્તા અમિત તિવારીએ સિનિયર એડવોકેટ કપિલ સિબ્બલ દ્વારા CJP ના પ્રદર્શનકારીઓ માટે જાહેર કરાયેલા એક કરોડ રૂપિયાના લીગલ ડિફેન્સ ફંડની તપાસ કરાવવાની માગ કરી છે. કાર્યકર્તા તિવારીએ કોકરોચ જનતા પાર્ટી (CJP) ના સ્થાપક અભિજીત દીપકેના પિતા ભગવાનરાવ દીપકેની સંપત્તિની પણ તપાસની માગ કરી છે. તેમણે સવાલ ઉઠાવ્યો છે કે મહારાષ્ટ્ર સરકારના એક નિવૃત્ત કર્મચારીએ પોતાના પુત્રના વિદેશમાં અભ્યાસનો ખર્ચ કેવી રીતે ઉઠાવ્યો. તિવારીએ આ સંબંધમાં ચૂંટણી પંચ અને ટેક્સ અધિકારીઓને પત્ર લખીને મામલાની તપાસ કરાવવાની માગ કરી છે. તિવારીએ કહ્યું કે CJP રજિસ્ટર્ડ સંસ્થા નથી, પરંતુ તે રાજકીય પક્ષ તરીકે કામ કરી રહી છે. વાંચો સંપૂર્ણ સમાચાર 3. ઈરાન પર હુમલો હાલ પૂરતો ટાળ્યો:ટ્રમ્પે કહ્યું- હોર્મુઝ ખોલવા અને પરમાણુ જોખમ સમાપ્ત કરવા પર સહમતિ બની; સાઉદીએ કાર્યવાહી રોકવા કહ્યું હતું અમેરિકી રાષ્ટ્રપતિ ડોનાલ્ડ ટ્રમ્પે કહ્યું છે કે ઈરાન પર પ્રસ્તાવિત સૈન્ય હુમલો હાલ પૂરતો ટાળી દેવામાં આવ્યો છે. તેમના મતે, ઈરાન અને કેટલાક મિડલ ઈસ્ટ દેશો તરફથી સમજૂતીનો પ્રસ્તાવ આવ્યા બાદ આ નિર્ણય લેવામાં આવ્યો. ટ્રમ્પે સોશિયલ મીડિયા પર પોસ્ટ કરીને દાવો કર્યો કે અમેરિકા ઈરાન પર મોટા સૈન્ય હુમલા માટે સંપૂર્ણપણે તૈયાર હતું. તેમણે દાવો કર્યો કે સમજૂતીની રૂપરેખા પર સહમતિ બની છે, જેમાં હોર્મુઝ સ્ટ્રેટને તરત ખોલવું અને ઈરાનના પરમાણુ ખતરાને ખતમ કરવું સામેલ છે. ટ્રમ્પે એ પણ કહ્યું કે ઈઝરાયલ પણ આ નિર્ણયમાં અમેરિકાની સાથે છે. આ પહેલાં એક્સિયોસના રિપોર્ટમાં દાવો કરવામાં આવ્યો હતો કે સાઉદી અરબના ક્રાઉન પ્રિન્સ મોહમ્મદ બિન સલમાને ટ્રમ્પ સાથે ફોન પર વાત કરીને ઈરાન પર સંભવિત મોટા હુમલાને ટાળવા અને સંયમ રાખવાની અપીલ કરી હતી. વાંચો સંપૂર્ણ સમાચાર 4. મુંડન, માહિકા ને મન્નત...!:હાર્દિકે ગર્લફ્રેન્ડ સાથે તિરુપતિ બાલાજીના આશીર્વાદ લીધા, લાડુ ખાતાં-ખાતાં બહાર આવ્યો ક્રિકેટર; જુઓ VIDEO ભારતીય ક્રિકેટ ટીમના સ્ટાર ઓલરાઉન્ડર હાર્દિક પંડ્યા હાલમાં ક્રિકેટથી દૂર છે અને પોતાની ઈજામાંથી ઉભરવાનો પ્રયાસ કરી રહ્યો છે. આ દરમિયાન તેનો એક નવો વીડિયો સોશિયલ મીડિયા પર વાઈરલ થઈ રહ્યો છે, જેમાં તે પોતાની ગર્લફ્રેન્ડ માહિકા શર્મા સાથે આંધ્રપ્રદેશના તિરુમાલા સ્થિત પ્રસિદ્ધ શ્રીવેંકટેશ્વર સ્વામી મંદિર (તિરુપતિ બાલાજી) ખાતે પૂજા-અર્ચના કરતો જોવા મળ્યો છે. આ દર્શન દરમિયાન હાર્દિક પંડ્યા તિરુપતિમાં માથું મુંડાવેલા લુકમાં નજરે પડ્યો હતો. જેના પછી બંનેના વીડિયો અને ફોટા સોશિયલ મીડિયા પર જોરદાર વાઈરલ થઈ રહ્યા છે. PTI દ્વારા શેર કરવામાં આવેલા વીડિયો અનુસાર, હાર્દિક પંડ્યા સવારે મંદિરમાં પૂજા કરવા પહોંચ્યો હતો. આ પ્રસંગે હાર્દિક સફેદ ધોતી અને કુર્તામાં જોવા મળ્યો હતો, જ્યારે મહીકા શર્મા સફેદ સલવાર-સૂટમાં નજરે પડી હતી. વાંચો સંપૂર્ણ સમાચાર 5. કેરળ અને કર્ણાટકમાં ભારે વરસાદ-ભૂસ્ખલનથી 11ના મોત:8 ગુમ; કિશ્તવાડમાં વાદળ ફાટવાથી અનેક ઘરોમાં પાણી ઘૂસ્યું, બદ્રીનાથ હાઈવે 20 મીટર સુધી ધસી ગયો દેશના ઘણા રાજ્યોમાં સતત વરસાદને કારણે જનજીવનને અસર થઈ છે. કેરળમાં ભારે વરસાદને કારણે ભૂસ્ખલન અને પૂરથી 8 લોકોના મોત થયા છે, જ્યારે 8 લોકો ગુમ છે. સરકારે 209 રાહત શિબિરો બનાવ્યા છે, જ્યાં 5,792 લોકોને સુરક્ષિત રીતે પહોંચાડવામાં આવ્યા છે. કર્ણાટકના શિવમોગ્ગા જિલ્લામાં રવિવારે સવારે ભૂસ્ખલનમાં એક જ પરિવારના ત્રણ લોકોના મોત થયા. જમ્મુ-કાશ્મીરના કિશ્તવાડ જિલ્લાના છતરુ વિસ્તારમાં શનિવારે વાદળ ફાટવાને કારણે અચાનક પૂર આવ્યું. ઘણા મકાનો અને દુકાનોને નુકસાન થયું, બે કાર તણાઈ ગઈ અને રસ્તાઓ પર કાટમાળ ભરાઈ ગયો. સાવચેતીના ભાગરૂપે કિશ્તવાડ, ડોડા અને રામબાનની તમામ સ્કૂલો બંધ કરી દેવામાં આવી છે. વાંચો સંપૂર્ણ સમાચાર 6. ગુજરાતમાં 4 હવામાન સિસ્ટમ સક્રિય હોવાથી 7 દિવસ વરસાદ રહેશે, માઉન્ટ આબુનું સૌંદર્ય સોળે કળાએ ખીલ્યું, જામનગર-માળિયાને જોડતો રસ્તો બંધ; જૂનાગઢમાં વરસાદ ગુજરાતમાં 4 હવામાન સિસ્ટમ સક્રિય હોવાથી 7 દિવસ વરસાદ રહેશે. આજે કચ્છ, સૌરાષ્ટ્ર અને ઉત્તર ગુજરાતના 13 જિલ્લામાં ભારે વરસાદનું 'યલો એલર્ટ' જાહેર કરાયું છે. દરિયાકાંઠે ભારે પવનની સંભાવનાથી બંદરો પર 3 નંબરનું સિગ્નલ લગાવીને માછીમારોને દરિયો ન ખેડવા આદેશ કરાયો છે. છેલ્લા 24 કલાકમાં મોરબીમાં પડેલા ભારે વરસાદને કારણે ડેમી નદીના પૂરથી આમરણ નજીકનો ડાયવર્ઝન તૂટી જતા જામનગર અને માળિયાને જોડતો મુખ્ય માર્ગ બંધ કરી દેવાયો છે. બીજી તરફ, સુરતમાં મીઠી ખાડી 8.55 મીટર ભયજનક સપાટી નજીક વહેતા સારોલી અને લિંબાયતના વિસ્તારોમાં 3થી 4 ફૂટ પાણી ભરાઈ ગયા છે. માઉન્ટ આબુ હાલ વરસાદી માહોલમાં સોળે કળાએ ખીલી ઉઠ્યું છે. વાંચો સંપૂર્ણ સમાચાર 7. રૂપસુંદરી સાથે લગ્નના નામે 3.50 લાખ પડાવ્યા, LIVE વીડિયો:5 લૂંટેરી દુલ્હને અમદાવાદ, રાજકોટ, સુરત સહિતના 11 યુવકોને છેતર્યા, કોન્સ્ટેબલે વરરાજા બની મુખ્ય સૂત્રધારને દબોચ્યો ગુજરાતમાં રૂપસુંદરી સાથે લગ્નના નામે ઠગાઈ આચરતી લૂંટેરી દુલ્હન ગેંગનો પર્દાફાશ થયો છે, જેણે સુરતમાં કાપોદ્રા, ઉત્રાણ, અડાજણ, અમરોલી, રાજકોટ અને અમદાવાદ સહિતના 11 યુવકો સાથે છેતરપિંડી આચરી હતી. આ સાથે ગોંડલમાં એક યુવક પાસેથી રૂપના અંબાર ધરાવતી યુવતી સાથે લગ્ન કરાવવાના નામે 3.50 લાખ રૂપિયા લેતો હોવાનો વીડિયો પણ સામે આવ્યો છે. આ હાઈ-પ્રોફાઈલ ઠગાઈનો પર્દાફાશ કરવા માટે એક પોલીસ કોન્સ્ટેબલ વરરાજા બનીને માસ્ટરમાઇન્ડ વલસાડના હિતેશ કાપડીયા સાથે સંપર્ક કર્યો હતો અને પ્લાન મુજબ હિતેશને રંગેહાથ દબોચી લીધો હતો. આ સમગ્ર રેડ ઓપરેશનનો લાઈવ વીડિયો પણ સામે આવ્યો છે, જેનાથી લગ્નના નામે ઠગતી આ શાતિર ગેંગના કાળા કારનામા ખુલ્લા પડ્યા છે. વાંચો સંપૂર્ણ સમાચાર 🎭 આજનું કાર્ટૂન ⚡ કેટલાક મહત્વના સમાચારો હેડલાઈનમાં 1.નેશનલ : 'PM મોદી મારી દીકરીને દત્તક લઈ લે':વડાપ્રધાનને ગાળો આપનાર છોકરીની મમ્મીએ ભાવુક અપીલ કરી, કહ્યું- માફ કરવા બદલ આભાર વાંચો સંપૂર્ણ સમાચાર 2.ઈન્ટરનેશનલ : મધદરિયે સળગી બોટ, જીવ બચાવવા લોકો તરફડિયાં મારીને કૂદ્યા:5નાં મોત, 41 લોકો હજુ પણ ગુમ; 271 પેસેન્જર-ક્રૂ સવાર હતા; ઇન્ડોનેશિયામાં માદુરા ટાપુ નજીક ભયંકર દુર્ઘટના વાંચો સંપૂર્ણ સમાચાર 3.નેશનલ : જંતર-મંતર પર CJPના પ્રદર્શનમાં જૈશ-એ-મોહમ્મદના કાવતરાનો પર્દાફાશ:આતંકી પોલીસની વર્દી પહેરીને ઘૂસવાનો હતો, STFએ તેની ગર્લફ્રેન્ડની પણ ધરપકડ કરી વાંચો સંપૂર્ણ સમાચાર 4.ઈન્ટરનેશનલ : પાકિસ્તાનમાં આત્મઘાતી હુમલો, 7નાં મોત:ખૈબર પખ્તુનખ્વામાં યુવકે પોલીસ સ્ટેશનમાં જઈને બ્લાસ્ટ કર્યો, 18 લોકો ગંભીર રીતે ઘાયલ વાંચો સંપૂર્ણ સમાચાર 5.બિઝનેસ : સેવિંગ ખાતા પર મળવા લાગશે 3 ગણું વ્યાજ!:બસ બેંકમાં જઈને કહી દો આ વાત, દરેક ગ્રાહકને મળે છે એક ખાસ સર્વિસ; 99% લોકો નથી જાણતા વાંચો સંપૂર્ણ સમાચાર 6.સ્પોર્ટ્સ : 25 છગ્ગા ને 15 ચોગ્ગા, 91 બોલમાં 233 રન:પંજાબની ધરતી પર ગર્જ્યું અભિષેક શર્માનું બેટ; 202 રન માત્ર ચોગ્ગા-છગ્ગાથી ફટકાર્યા, ખતરનાક કમબેકથી બોલરોમાં ફફડાટ! વાંચો સંપૂર્ણ સમાચાર 7.ધર્મ તહેવાર જ્યોતિષ : આ સપ્તાહ કેવું રહેશે?:વૃષભ રાશિ સમસ્યાઓ પર વિજય મેળવશે, કર્ક જાતકોનું અઠવાડિયું સફળતા અને સિદ્ધિઓથી ભરેલું રહેશે વાંચો સંપૂર્ણ સમાચાર 🗣️ ચર્ચિત નિવેદન 😲 અજબ ગજબ હવામાં ઉડતા ઉડતા ટેટૂ બનાવ્યું એક વ્યક્તિએ 15,000 ફૂટની ઊંચાઈ પર સ્કાયડાઇવિંગ દરમિયાન પોતાના હાથ પર ટેટૂ બનાવ્યું. અમેરિકાના ટેટૂ આર્ટિસ્ટ ફંકી માટસે ફ્લોરિડામાં આ પરાક્રમ કર્યું. તેને ગિનિસ વર્લ્ડ રેકોર્ડ્સમાં પણ નોંધવામાં આવ્યું. 📸 ફોટો, જે પોતે સમાચાર છે 🌟 ભાસ્કરની એક્સક્લૂસિવ સ્ટોરીઝ, જે સૌથી વધારે વંચાઈ 1. ખાખી કવર : CMના હત્યારા જેલમાંથી સુરંગ ખોદીને ભાગી ગયા: ચમચીથી 104 ફૂટની સુરંગ ખોદી, ચાર કેદી ભાગ્યા, એક થાઇલેન્ડથી પકડાયો, બીજો પાકિસ્તાનમાં સેટલ થઈ ગયો! 2. સન્ડે બિગ સ્ટોરી : જાપાનની 'જડીબુટ્ટી'ની કમાલ, પીરિયડ્સમાં દુખાવાથી રાહત મળશે: ગુજરાતની કંપનીએ એવી ટેબ્લેટ બનાવી કે દુનિયા દંગ રહી જશે, હેવી બ્લીડિંગ અને મૂડ સ્વિંગ નહીં થાય 3. આજનું એક્સપ્લેનર: ગાળો આપવી ક્યારે ગુનો બને છે, દોષીને કેટલી સજા; આખરે GEN-Z માટે ગાળો આપવી ન્યૂ-નોર્મલ કેવી રીતે બની ગયું 4. સ્પાય ફાઈલ્સ : સેના પ્રમુખે ઇન્દિરાને કહ્યું- હું તૈયાર છું સ્વીટી: અસલી ડોક્ટર, નકલી દર્દી, માત્ર 13 દિવસમાં પાકિસ્તાનના 2 ટુકડા થઈ ગયા; પાર્ટ-2 5. સાઈકલ પર 'મોરે મોરો'!: દીપક તિજોરીને ગુજરાતી સિનેમાનો ખરાબ અનુભવ, 20 વર્ષ ગાયબ રહ્યા; 'ગેટ સેટ ગો'ના કલાકારો સાથે ગપાટા 🌍 કરંટ અફેર્સ ⏳ આજના દિવસનો ઈતિહાસ 🌦️ મોસમનો મિજાજ સોમવારનું રાશિફળ:કન્યા, તુલા અને ધન રાશિના જાતકોને મળશે ભાગ્યનો સાથ, વૃષભ-મકર રાશિના લોકોએ સાવધાની રાખવી વાંચો સંપૂર્ણ રાશિફળ