Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    દર્શન કરીને પરત ફરતા ગુજરાત-મહારાષ્ટ્રના પરિવારોને કાળ નડ્યો:રામદેવરાથી આવતા બનાસકાંઠાના 3નાં મોત; કોટામાં ડ્રાઈવરને ઝોકું આવતાં 9 જિંદગી ખતમ

    7 hours ago

    રાજસ્થાનના માર્ગો પર રવિવારનો દિવસ લોહિયાળ સાબિત થયો છે. રાજ્યમાં અલગ-અલગ બે સ્થળોએ સર્જાયેલા ભયાનક માર્ગ અકસ્માતોમાં બાળકો સહિત કુલ 12 લોકોના કમકમાટીભર્યા મોત નીપજ્યાં છે, જ્યારે 22થી વધુ લોકો ગંભીર રીતે ઘાયલ થયા છે. એક તરફ કોટા-ઉદયપુર હાઈવે પર એક જ પરિવારના 9 સભ્યો કાળનો કોળિયો બની ગયા, તો બીજી તરફ જોધપુરમાં દર્શન કરીને પરત ફરી રહેલા ગુજરાતી પરિવારને કાળમુખો અકસ્માત નડ્યો છે. પહેલો અકસ્માતઃ ગુજરાતી પરિવારના 3 લોકોનાં મોત પ્રાથમિક માહિતી મુજબ, અકસ્માતનો ભોગ બનેલા લોકો ગુજરાતના બનાસકાંઠાના રહેવાસી એક જ પરિવારના સભ્યો હતા. તેઓ રામદેવરામાં દર્શન કર્યા બાદ ગુજરાત પરત ફરી રહ્યા હતા. જણાવવામાં આવી રહ્યું છે કે મુસાફરી શરૂ કર્યાના થોડા જ સમયમાં તેમની ગાડીની ટેમ્પો સાથે ટક્કર થઈ ગઈ હતી. ન્યૂઝ એજન્સી ANI અનુસાર, અકસ્માતમાં ઘાયલ થયેલા એક મુસાફર અનિલે જણાવ્યું કે પરિવારના અંદાજે 15થી 20 લોકો રામદેવરા દર્શન માટે આવ્યા હતા. તેઓ સવારે દર્શન કર્યા બાદ ગુજરાત પરત ફરી રહ્યા હતા. આ દરમિયાન રસ્તામાં તેમની ગાડીને અકસ્માત નડ્યો હતો. ઘાયલોમાંથી અનેકને ફ્રેક્ચર અને કરોડરજ્જુમાં ઈજા મથુરાદાસ માથુર હોસ્પિટલના અધિક્ષક વિકાસ રાજપુરોહિતે જણાવ્યું હતું કે હોસ્પિટલને સાંજે અંદાજે 7 વાગ્યે અકસ્માતની જાણ થઈ હતી. ત્યારબાદ ઘાયલોની સારવાર માટે જરૂરી વ્યવસ્થા કરવામાં આવી હતી. ચાર એમ્બ્યુલન્સની મદદથી અંદાજે 14થી 15 લોકોને હોસ્પિટલ લાવવામાં આવ્યા હતા. જેમાં ત્રણ મહિલાઓ અને ચાર બાળકોનો સમાવેશ થાય છે. રાજપુરોહિતના જણાવ્યા મુજબ, ઘણા ઘાયલોને ફ્રેક્ચર અને કરોડરજ્જુના હાડકામાં ઈજાઓ પહોંચી છે. એક વ્યક્તિને હોસ્પિટલ પહોંચતા જ મૃત જાહેર કરવામાં આવ્યો હતો. અન્ય ઘાયલોની સારવાર ચાલુ છે અને હોસ્પિટલની મેડિકલ ટીમો ઘાયલોને સારવાર પૂરી પાડી રહી છે. બીજો અકસ્માતઃ મહારાષ્ટ્રના એક જ પરિવારના 9 લોકોનાં મોત કોટા-ઉદયપુર નેશનલ હાઈવે પર પૂરઝડપે આવતી ક્રૂઝર રસ્તાની બાજુમાં ઊભેલા ટ્રકમાં પાછળથી ઘૂસી ગઈ. અકસ્માતમાં ક્રૂઝરમાં સવાર એક પરિવારના 9 લોકોનાં મોત થયા, જેમાં બાળકો પણ સામેલ હતા. ટ્રક ડ્રાઈવર સહિત 7 લોકો ઘાયલ થયા છે, જેમની હોસ્પિટલમાં સારવાર ચાલી રહી છે. અકસ્માત નાતા પોલીસ સ્ટેશન વિસ્તારના શંભુપુરા ગામ નજીક રાત્રે 1 વાગ્યે થયો હતો. અકસ્માતની જાણ થતાં સિટી એસપી તેજસ્વની ગૌતમ ઘટનાસ્થળે પહોંચ્યાં. તેમણે વાહનમાં ફસાયેલા લોકોને બહાર કઢાવ્યા. ઘાયલોને એમ્બ્યુલન્સ દ્વારા ન્યૂ મેડિકલ કોલેજ હોસ્પિટલમાં લાવવામાં આવ્યા. એસપી તેજસ્વની ગૌતમે જણાવ્યું કે ક્રૂઝરમાં સવાર તમામ લોકો ધુલે (મહારાષ્ટ્ર)ના રહેવાસી છે, જેઓ ખાટુશ્યામજીનાં દર્શન કરીને પરત ફરી રહ્યા હતા. પ્રાથમિક માહિતી મુજબ સંભવતઃ ક્રૂઝર ડ્રાઈવરને ઝોકું આવી જતાં અકસ્માત થયો હતો. ક્રૂઝરમાં એક જ પરિવારના 16 લોકો સવાર હતા. તેમાં બાળકો પણ સામેલ હતા. અકસ્માતમાં સજ્જન (62) અને તેમની પત્ની ઉષા બાઈ (60), સુશીલા (62), કૈલાશ (35) અને તેમની પત્ની અનિતા (34), સાનવી (3), બાબુલાલ (75), જાહ્નવી (7) અને માધવી (32)નાં મોત થયાં છે. વાહનમાં મૃતદેહો ફસાઈ ગયા હતા ઝડપભેર દોડતી ક્રૂઝર ઊભેલા ટ્રકમાં ઘૂસી ગઈ. સ્થળ પર જ ક્રૂઝરમાં સવાર 8 લોકોનાં મોત થઈ ગયાં, જ્યારે એકનું હોસ્પિટલમાં મોત થયું. ક્રૂઝરમાં મૃતદેહો અને ઘાયલો ફસાઈ ગયા હતા, જેમને ભારે મુશ્કેલીથી બહાર કાઢવામાં આવ્યા. ઘાયલોને કોટાની ન્યૂ મેડિકલ કોલેજ હોસ્પિટલમાં મોકલવામાં આવ્યા. ડ્રાઇવરને ઝોકું આવી જવાથી અકસ્માત અકસમાતની જાણ થતાં સિટી એસપી તેજસ્વની ગૌતમ ઘટનાસ્થળે પહોંચ્યાં. ગાડીમાં ફસાયેલા લોકોને બહાર કઢાવ્યા. ઘાયલોને એમ્બ્યુલન્સ મારફતે ન્યૂ મેડિકલ કોલેજ હોસ્પિટલ લાવવામાં આવ્યા. એસપી તેજસ્વની ગૌતમે જણાવ્યું- ક્રૂઝરમાં સવાર તમામ લોકો ધુળે (મહારાષ્ટ્ર)ના રહેવાસી છે, જેઓ ખાટુશ્યામજીનાં દર્શન કરીને પરત ફરી રહ્યા હતા. પ્રાથમિક માહિતીમાં સામે આવ્યું છે કે સંભવતઃ ક્રૂઝર ડ્રાઇવરને ઝોકું આવી જવાથી અકસ્માત થયો છે.
    Click here to Read More
    Previous Article
    MPPSC Exam Calendar 2027 Out: Check State Service, Forest Service And Other Exam Dates
    Next Article
    હિંમતનગર-અમદાવાદ નેશનલ હાઇવે પર બસમાં આગ લાગી:ડ્રાઇવર તરફનું પાછળનું ટાયર ફાટ્યા બાદ દુર્ઘટના; ઉદેપુરથી અમદાવાદ જતાં સાબરદાણ સામે ઘટના

    Related National Updates:

    Are you sure? You want to delete this comment..! Remove Cancel

    Comments (0)

      Leave a comment