મોર્નિંગ ન્યૂઝ બ્રીફ:ભારતે 3 ઇરાની જહાજ છોડવાની માગની ખબર ફગાવી, ગુજરાતમાં ગેસ કનેક્શન માટે 5 મોટા નિર્ણય, કાવ્યા મારન પર ગાવસ્કર બગડ્યા

નમસ્તે, ગઈકાલના મોટા સમાચાર ઈરાન સાથે જોડાયેલા છે, ઈરાને ભારતને 3 જહાજો છોડવાની વિનંતી કરી છે. બીજા સમાચાર સનરાઈઝર્સ ટીમમાં પાકિસ્તાની ખેલાડીને લઈને છે. ગાવસ્કરે કહ્યું- આ ભારતીયોના જીવ સાથેની રમત છે. ⏰ આજની ઈવેન્ટ્સ, જેના પર રહેશે નજર 1. સંસદમાં બજેટ સત્રની કાર્યવાહીના બીજા તબક્કાનો 7મો દિવસ છે. આઠ વિપક્ષી સાંસદોનું સસ્પેન્શન હટાવવામાં આવી શકે છે. 📰 કાલના મોટા સમાચારો 1. બંગાળમાં ભાજપે 144 ઉમેદવારોની પહેલી યાદી બહાર પાડી:સુવેન્દુ અધિકારીને મમતાની બંને બેઠકો ભવાનીપુર-નંદીગ્રામથી ટિકિટ, કેરળમાં 47 ઉમેદવારોની જાહેરાત ભારતીય જનતા પાર્ટી (BJP) એ બંગાળ વિધાનસભા ચૂંટણી માટે પોતાના ઉમેદવારોની પ્રથમ યાદી જાહેર કરી દીધી છે. પ્રથમ યાદીમાં 144 ઉમેદવારોના નામ છે. પાર્ટીએ સુવેન્દુ અધિકારીને નંદીગ્રામ અને ભવાનીપુરથી ટિકિટ આપી છે. આ બંને બેઠકો બંગાળના CM મમતા બેનર્જીની છે. સુવેન્દુ અધિકારીએ 2021 વિધાનસભા ચૂંટણીમાં મમતાને નંદીગ્રામ બેઠક પરથી હરાવ્યા હતા. નંદીગ્રામમાં હાર પછી મમતા ભવાનીપુરથી પેટાચૂંટણી જીત્યા હતા. ભવાનીપુર બેઠક TMCનો મજબૂત ગઢ માનવામાં આવે છે. મમતા 2011 થી 2021 સુધી સતત અહીંથી ધારાસભ્ય રહ્યા છે. વાંચો સંપૂર્ણ સમાચાર 2. ઈરાને ભારતે જપ્ત કરેલા 3 ટેન્કર છોડવાની માગ કરી: ભારતીય જહાજોને સુરક્ષિત રસ્તો આપવા અંગેની વાતચીત દરમિયાન આ મુદ્દો ઉઠાવ્યો ઈરાને ફેબ્રુઆરીમાં જપ્ત કરવામાં આવેલા તેના ત્રણ ટેન્કર છોડવાની માગ ભારત પાસે કરી છે. રોઇટર્સના રિપોર્ટ મુજબ, હોર્મુઝ સ્ટ્રેટમાંથી ભારતીય જહાજોને સુરક્ષિત રસ્તો આપવા અંગેની વાતચીત દરમિયાન આ મુદ્દો ઉઠાવવામાં આવ્યો હતો. બીજી તરફ UAEએ મોટો નિર્ણય લીધો છે. રિપોર્ટ મુજબ, ઈરાને ભારત પાસે કેટલીક દવાઓ અને મેડિકલ ઉપકરણોની સપ્લાયની માગ પણ કરી છે. આ મુદ્દા પર ઈરાનના રાજદૂતે સોમવારે નવી દિલ્હીમાં વિદેશ મંત્રાલયના અધિકારીઓ સાથે મુલાકાત કરીને ચર્ચા કરી હતી. ભારતે ફેબ્રુઆરીમાં એસ્ફાલ્ટ સ્ટાર, અલ જાફઝિયા, અને સ્ટેલર રૂબી નામના ત્રણ ટેન્કર જપ્ત કર્યા હતા. આરોપ છે કે આ જહાજોએ પોતાની ઓળખ છુપાવી હતી અને સમુદ્રમાં ગેરકાયદેસર રીતે 'શિપ-ટૂ-શિપ ટ્રાન્સફર'માં ભાગ લીધો હતો. વાંચો સંપૂર્ણ સમાચાર 3. રાજ્યસભા ચૂંટણી- NDAને 11માંથી 9 બેઠકો મળી:કોંગ્રેસ-BJDને 1-1 બેઠક; હરિયાણાના 88 મતની ગણતરીમાં 8 કલાક લાગ્યા હરિયાણા, બિહાર અને ઓડિશાની 11 રાજ્યસભા બેઠકો પર સોમવારે ચૂંટણી યોજાઈ. NDAએ 11માંથી 9 બેઠકો પર જીત મેળવી. બિહારની તમામ પાંચ બેઠકો પર NDAના ઉમેદવારો વિજયી રહ્યા. ઓડિશાની 4 બેઠકોમાંથી 3 NDA અને 1 BJDએ જીતી. કોંગ્રેસે હરિયાણામાં એક બેઠક પર જીત મેળવી. હરિયાણામાં 88 મતોની ગણતરીમાં 8 કલાકનો સમય લાગ્યો. વાંચો સંપૂર્ણ સમાચાર 4. ઉઘડતી બજારે સોનું-ચાંદી સસ્તાં થયાં:સોનામાં ₹1900 ને ચાંદીમાં ₹16 હજારનો ઘડાટો; સોના-ચાંદીમાં રોકાણ કરાય કે ન કરાય? જાણો એક્સપર્ટ શું કહે છે સોના-ચાંદીમાં સતત બીજા કારોબારી દિવસે ઘટાડો જોવા મળ્યો છે. ઇન્ડિયા બુલિયન એન્ડ જ્વેલર્સ એસોસિએશન (IBJA) અનુસાર, 10 ગ્રામ 24 કેરેટ સોનું ₹1,963 ઘટીને ₹1.56 લાખ પર આવી ગયું છે. આ પહેલા 13 માર્ચે સોનું ₹1.58 લાખ પ્રતિ 10 ગ્રામ હતું. જ્યારે, એક કિલો ચાંદીની કિંમત ₹7,695 ઘટીને ₹2.53 લાખ પર આવી ગઈ છે. આ પહેલા શુક્રવારે તેની કિંમત ₹2.60 લાખ પ્રતિ કિલો હતી. અમેરિકા-ઈરાન યુદ્ધના કારણે સોનું બે કારોબારી દિવસમાં ₹3,867 અને ચાંદી ₹15,508 સસ્તી થઈ છે. આ પહેલા 12 માર્ચે સોનું ₹1.60 લાખ અને ચાંદી ₹2.68 લાખ પર હતી. વાંચો સંપૂર્ણ સમાચાર 5. કાવ્યા મારન પર સુનીલ ગાવસ્કર બરાબરના ભડક્યા:સનરાઇઝર્સમાં પાકિસ્તાની ખેલાડીની એન્ટ્રી પર કહ્યું- ભારતીયોના જીવ સાથે ચેડાં કરવા સમાન ઇંગ્લેન્ડની લીગ ધ હન્ડ્રેડમાં સનરાઇઝર્સ લીડ્સે પાકિસ્તાનના સ્પિનર અબરાર અહેમદને ખરીદ્યો હતો, જેના પર વિવાદ ઊભો થયો છે. આ નિર્ણય પર પૂર્વ ભારતીય કેપ્ટન સુનીલ ગાવસ્કરે આકરી પ્રતિક્રિયા આપી છે. ગાવસ્કરે કહ્યું કે ભારતીય માલિકો દ્વારા પાકિસ્તાની ખેલાડીઓને ખરીદવા એ ભારતીયોના જીવ સાથે ચેડા કરવા જેવું છે અને આવા નિર્ણયોથી બચવું જોઈએ. આ પૈસાથી ભારત વિરુદ્ધ લડવા માટે હથિયારો ખરીદવામાં આવે છે. 13 માર્ચે લંડનમાં થયેલા ઓક્શનમાં અબરારને ₹2.34 કરોડમાં ખરીદવામાં આવ્યો હતો. ઓક્શનમાં કાવ્યા મારન હાજર હતી, જે સનરાઇઝર્સની CEO છે. જેમની પાસે IPLની સનરાઇઝર્સ હૈદરાબાદ અને સાઉથ આફ્રિકા લીગ (SA20)ની ટીમ સનરાઇઝર્સ ઇસ્ટર્ન કેપ પણ છે. વાંચો સંપૂર્ણ સમાચાર 6. ઉનાના ચકચારી દલિતકાંડમાં 5 આરોપી દોષિત:ગાયનું ચામડું ઉતારી રહ્યા હોવાનો આરોપ લગાવી માર માર્યો હતો; દાયકા પછી સેશન્સ કોર્ટનો ચૂકાદો, 38 નિર્દોષ 11 જુલાઈ 2016ના દિવસે સૌરાષ્ટ્રના ઉનાના મોટા સમઢીયાળા ગામે અનુસૂચિત જાતિના લોકો પશુનું ચામડું ઉતારી રહ્યા હતા ત્યારે કેટલાક ગૌસેવકો પહોંચ્યા હતા અને મૃત પશુ ગાય છે અને ગૌહત્યા કરી છે, તેવો આરોપ મૂકીને અનુસૂચિત જાતિના ચાર લોકોને કાર પાછળ બાંધીને બેરહેમીથી માર માર્યો હતો. રાષ્ટ્રીય સ્તરે ચગેલા આ મુદ્દામાં દસ વર્ષ પછી ચૂકાદો આવ્યો છે. ઉનાના ચર્ચિત દલિતકાંડ કેસમાં આજે (16 માર્ચ 2026)ના રોજ કોર્ટે મહત્વપૂર્ણ ચુકાદો જાહેર કર્યો છે. લાંબી કાનૂની પ્રક્રિયા બાદ અદાલતે આ કેસમાં 5 આરોપીઓને દોષિત ઠેરવ્યા છે, જ્યારે અન્ય 38 વ્યક્તિઓને પુરાવાના અભાવે નિર્દોષ જાહેર કરી મુક્ત કરવાનો આદેશ આપ્યો છે. વાંચો સંપૂર્ણ સમાચાર 7. PNG-LPG બંને કનેક્શન હોય તો બુધવાર સુધીમાં સરેન્ડર કરવું પડશે:પરિવાર દીઠ 5 લિટર કેરોસીન અપાશે, ગુજરાતમાં ગેસ પુરવઠા પર સરકારનો નિર્ણય ગુજરાતમાં ગેસ પુરવઠા અંગે ઉભી થયેલી સ્થિતિ વચ્ચે રાજ્ય સરકાર સક્રિય બની છે. હાલની આ પરિસ્થિતિને લઈ રાજ્ય સરકારે કેટલાક મહત્વપૂર્ણ નિર્ણયો કર્યા છે. ગાંધીનગર વિધાનસભા પરિસર ખાતે રાજ્ય સરકાર દ્વારા રજૂ કરવામાં આવેલા વર્ષ 2026-27ના અંદાજપત્ર અંતર્ગત અન્ન અને નાગરિક પુરવઠા વિભાગ દ્વારા પત્રકાર પરિષદનું આયોજન કરવામાં આવ્યું હતું. રાજ્યમાં LPG અંગેના કોઈ પ્રશ્ન માટે નાગરિકોને રાજ્ય હેલ્પલાઇન નંબર 1800-232-0222નો સંપર્ક કરવા જણાવવામાં આવ્યું છે. આ પત્રકાર પરિષદમાં અન્ન, નાગરિક પુરવઠા અને ગ્રાહકોની બાબતોનો વિભાગના અધિક મુખ્ય સચિવ મોના ખંધારે LPGના પુરવઠા અંગેના પ્રશ્નો અંગે સ્પષ્ટતા કરતા જણાવ્યું હતું કે ઘરેલુ LPG સિલિન્ડરનો પૂરતો પુરવઠો ઉપલબ્ધ છે. વાંચો સંપૂર્ણ સમાચાર 🎭 આજનું કાર્ટૂન ⚡ કેટલાક મહત્વના સમાચારો હેડલાઈનમાં 1.નેશનલ : સરકારી હોસ્પિટલમાં આગ, 10 દર્દીઓ ભડથું:લોકોને બચાવવામાં 11 કર્મચારીઓ દાઝ્યાં; ઓડિશાના CM કટકની હોસ્પિટલે પહોંચ્યા વાંચો સંપૂર્ણ સમાચાર 2.ઈન્ટરનેશનલ : ટ્રમ્પનું 'મિશન ઈમ્પોસિબલ':ઈરાનને હરાવવાની ઉતાવળમાં US પોતે જ ગૂંચવાયું, એક્સપર્ટ્સે કહ્યું- તેહરાન પાસે હજુ પણ બાજી પલટાવવાની તાકાત વાંચો સંપૂર્ણ સમાચાર 3.નેશનલ : રાજ્યસભામાં LPG સંકટ પર હોબાળો:ખડગેએ કહ્યું- સરકારને પહેલાથી ખબર હતી, વ્યવસ્થા કેમ ન કરી; લોકસભામાં હોબાળા વગર પ્રશ્નકાળ પૂરો વાંચો સંપૂર્ણ સમાચાર 4.ઈન્ટરનેશનલ : 'બ્રાહ્મણો જાઓ અને યૂરિન પીઓ':કેનેડામાં હિંદુ યુવક સાથે મારઝૂડનો VIDEO, ખાલીસ્તાનીએ ગાળો આપી; PM મોદીનો આભાર માનવા રેલી કાઢી હતી વાંચો સંપૂર્ણ સમાચાર 5.બિઝનેસ : જથ્થાબંધ મોંઘવારી 12 મહિનામાં સૌથી વધુ:ફેબ્રુઆરીમાં તે 2.13% પર પહોંચી, ખાદ્યપદાર્થો અને રોજિંદી જરૂરિયાતની વસ્તુઓ મોંઘી થઈ વાંચો સંપૂર્ણ સમાચાર 6.સ્પોર્ટ્સ : ચિન્નાસ્વામી સ્ટેડિયમમાં IPL મેચ હોસ્ટ કરવાની પરવાનગી મળી:RCB ની વિક્ટરી સેરેમનીમાં ભાગદોડ પછી રોક લગાવવામાં આવી હતી, અહીં ઓપનિંગ મેચ રમાશે વાંચો સંપૂર્ણ સમાચાર 7.ધર્મ તહેવાર જ્યોતિષ : 19 માર્ચથી ચૈત્ર નવરાત્રિ:હિંદુ નવવર્ષ વિક્રમ સંવત 2083માં 13 મહિના આવશે, જાણો દેવીના નવ સ્વરૂપોની પૂજાનું મહત્વ વાંચો સંપૂર્ણ સમાચાર 🗣️ ચર્ચિત નિવેદન 😲 અજબ ગજબ લીંબુ-પાણી પીવા બદલ ગેસ ચાર્જ ચૂકવવો પડ્યો બેંગલુરુના એક કેફેમાં લેમોનેડ (લીંબુ પાણી)ના ઓર્ડર પર 5% 'ગેસ ક્રાઈસિસ ચાર્જ' લગાવવામાં આવ્યો. એક ગ્રાહકે X પર બિલનો ફોટો શેર કર્યો. બે ડ્રિંક્સ માટે તેણે 358 રૂપિયા આપવાના હતા, પરંતુ CGST, SGST અને 5% ગેસ ક્રાઈસિસ ચાર્જ પછી તેણે 374 રૂપિયા ચૂકવવા પડ્યા. X પર બિલનો ફોટો શેર થતા જ યુઝર્સે કેફેની ટીકા કરી. લોકોએ સવાલ પૂછ્યો કે લીંબુ પાણી બનાવવામાં આખરે કયા ગેસનો ઉપયોગ થાય છે, જેના માટે આ 'ક્રાઈસિસ શુલ્ક' વસૂલવામાં આવી રહ્યો છે? 📸 ફોટો, જે પોતે સમાચાર છે 🌟 ભાસ્કરની એક્સક્લૂસિવ સ્ટોરીઝ, જે સૌથી વધારે વંચાઈ 1. શિકાગોમાં આસારામ બનવા નીકળ્યા ‘બીજા સ્વામી વિવેકાનંદ’: એક સ્પીચ આપી ને કરોડોનો વરસાદ થયો, જુઓ વીડિયો સિરીઝનો નવો થ્રિલિંગ એપિસોડ 2. ભાસ્કર ઇન્વેસ્ટિગેશન : ભણો કે ન ભણો, ડિગ્રી લઈને મોજ કરો!: વેરાવળમાં કોંગ્રેસના જોટવા પરિવારની કોલેજમાં ગેરરીતિનો ઘટસ્ફોટ, કાગળ પર સેંકડો વિદ્યાર્થી, ચોરી રોકનાર સ્ક્વોડને પડ્યો હતો માર 3. આજનું એક્સપ્લેનર: ટ્રમ્પને ચીન-જાપાન પાસેથી મદદ શા માટે માગવી પડી, શું અમેરિકા ઈરાનથી હારી રહ્યું છે; હોર્મુઝ સ્ટ્રેટ ખોલાવવું આટલું મુશ્કેલ કેમ? 4. એરફોર્સના રિટાયર્ડ ગુજરાતી અધિકારી 1.25 કરોડમાં જાયરોકોપ્ટર વેચશે: એન્જિન ફેલ થઇ જાય તો પણ લેન્ડ થઇ શકે, જોયરાઇડથી લઇને સુરક્ષા માટે પણ ઉપયોગ થઇ શકશે 5. મંડે મેગા સ્ટોરી : ઈરાન યુદ્ધ વચ્ચે લેબનોન કબજે કરવામાં વ્યસ્ત નેતન્યાહુ: આખરે 'ગ્રેટર ઇઝરાયલ'નું સ્વપ્ન શું છે; શું આ કારણે 29 મહિનાથી યુદ્ધ ચાલુ છે 6. Editor's View: ઇરાન યુદ્ધથી 16 દેશમાં હાહાકાર: મોંઘવારી-ભૂખમરાનો અજગર ભરડો, ગેસથી ખતરનાક ખાતર સંકટ, દુનિયામાં ભયાનક અસર, ગલ્ફમાં 90 લાખ ભારતીયો મુશ્કેલીમાં 🌍 કરંટ અફેર્સ ⏳ આજના દિવસનો ઈતિહાસ 📊​​​​​​​ માર્કેટની સ્થિતિ 🌦️ મોસમનો મિજાજ મંગળવારનું રાશિફળ: મેષ રાશિને નવા પ્રોજેક્ટમાં રોકાણ માટે ગ્રહદશા અત્યંત અનુકૂળ, વૃશ્ચિક જાતકોના પ્રેમ સંબંધોને પરિવારની મંજૂરી મળશે વાંચો સંપૂર્ણ રાશિફળ