મોર્નિંગ ન્યૂઝ બ્રીફ:કોંગ્રેસના ‘ફેલ પ્રોડક્ટ’ પર મોદીનો પ્રહાર, ગુજરાતમાં 25 કરોડનું ડ્રગ્સ ઝડપાયું; બુટલેગરની ગાડી પર SMCનું ફાયરિંગ

નમસ્તે, વડાપ્રધાન નરેન્દ્ર મોદીએ કોંગ્રેસ અને રાહુલ ગાંધી પર જબરદસ્ત પ્રહારો કર્યા. સમાચાર સામે આવ્યા છે કે અમેરિકી રાષ્ટ્રપતિના અધિકારીઓએ યુક્રેનના રાષ્ટ્રપતિને ઠપકો આપ્યો. મોર્નિંગ ન્યૂઝ બ્રીફમાં આગળ જાણો કે ભારતે ટી-20માં સૌથી મોટો રનચેઝ કર્યો. ⏰ આજની ઈવેન્ટ્સ, જેના પર રહેશે નજર 1. વડાપ્રધાન મોદી ભારત મંડપમમાં 'ચિન્મય અમૃત મહોત્સવ વૈશ્વિક સંમેલન'નું ઉદ્ઘાટન કરશે. 📰 કાલના મોટા સમાચારો 1. અમિત શાહ બોલ્યા- કોંગ્રેસ 30 વર્ષ સુધી સત્તામાં નહીં આવે:રાહુલનું નામ લીધા વિના કહ્યું- પ્રદર્શન અને ધરણાથી કંઈ નહીં થાય; જનતાની વચ્ચે જાઓ કેન્દ્રીય ગૃહમંત્રી અમિત શાહે ગુરુવારે કોંગ્રેસ અને આમ આદમી પાર્ટી પર નિશાન સાધ્યું. તેમણે કહ્યું કે પ્રદર્શન અને ધરણાંથી કંઈ હાંસલ થતું નથી. ચૂંટણી જીતવી હોય તો જનતા વચ્ચે જઈને તેમની સમસ્યાઓ સમજવી પડશે અને કલ્યાણકારી યોજનાઓ પર કામ કરવું પડશે. તેમણે કહ્યું કે વિપક્ષ રાજકીય ચાલબાજી અને ભીડના બળે જનતાના જનાદેશને પડકારી શકે નહીં. તેમણે કહ્યું કે કોંગ્રેસ પોતાની નકારાત્મક રાજનીતિના કારણે આગામી 30 વર્ષ સુધી સત્તામાં આવી શકશે નહીં. શાહ દિલ્હીમાં યમુના પુનર્જીવન સાથે જોડાયેલી પરિયોજનાઓના ઉદ્ઘાટન અને શિલાન્યાસ કાર્યક્રમમાં બોલી રહ્યા હતા. આ દરમિયાન તેમણે દિલ્હી જળ બોર્ડની 8,941 કરોડ રૂપિયાની 33 પરિયોજનાઓની શરૂઆત કરી. વાંચો સંપૂર્ણ સમાચાર 2. PM મોદી બોલ્યા-કેટલાક લોકો વિદેશોમાં ભારતને બદનામ કરી રહ્યા છે:કોંગ્રેસ ક્યાં સુધી પોતાના ફેલ પ્રોડક્ટના લોન્ચિંગ માટે દેશને દાવ પર લગાવતી રહેશે PM મોદી ગુરુવારે નવી દિલ્હીમાં NDTV વર્લ્ડ સમિટ 2026માં પહોંચ્યા. અહીં તેમણે થીમ હેઠળ વિશ્વની વર્તમાન રાજનીતિ, અર્થવ્યવસ્થા, આર્ટિફિશિયલ ઇન્ટેલિજન્સ (AI) અને સમગ્ર વિશ્વમાં ભારતની ભૂમિકા અંગે પોતાના વિચારો રજૂ કર્યા. પીએમએ પોતાના ભાષણની શરૂઆતમાં કહ્યું કે આપણે બે બાબતો સમજવી પડશે. જૂનો ગ્લોબલ ઓર્ડર આજના પડકારોનું સમાધાન કેમ આપી શકતો નથી અને આ બદલાતી દુનિયામાં ભારતની ભૂમિકા શું છે. દેશની વર્તમાન પરિસ્થિતિ અંગે પીએમ મોદીએ કહ્યું કે દુનિયા જ્યાં નવા ઓર્ડરની શોધમાં છે, ત્યાં કેટલાક લોકો ભારતમાં અવ્યવસ્થાના સપનાં જોઈ રહ્યા છે. કેટલાક લોકો દુનિયામાં જઈને ભારતને બદનામ કરી રહ્યા છે. વાંચો સંપૂર્ણ સમાચાર 3. ગર્લફ્રેન્ડ બનાવવામાં ખોટું નથી,પણ છોકરીને મા બનાવીને ફેંકી ન દો:UPના રાજ્યપાલ આનંદીબેન પટેલે કહ્યું- લગ્નનું વચન આપ્યું હોય તો તે નિભાવવું જરૂરી છે યુપીના રાજ્યપાલ આનંદીબેન પટેલે કહ્યું કે 13-14 વર્ષની ઉંમરે કોઈ છોકરીને માતા બનાવીને છોડી દેવી ખોટું છે. ગર્લફ્રેન્ડ બનાવવામાં કોઈ ખોટું નથી. પરંતુ લગ્નનું વચન આપ્યું હોય તો તે નિભાવવું જરૂરી છે. રાજ્યપાલ ગુરુવારે લખનઉમાં મહર્ષિ યુનિવર્સિટી ઑફ ઇન્ફર્મેશન ટેક્નોલોજીના 7મા દીક્ષાંત સમારોહમાં બોલી રહ્યાં હતાં. આ દરમિયાન પ્રદેશના ઉચ્ચ શિક્ષણ મંત્રી યોગેન્દ્ર ઉપાધ્યાય પણ હાજર હતા. સમારોહમાં 2,279 વિદ્યાર્થીઓને ડિગ્રી અને ડિપ્લોમા આપવામાં આવ્યા. યુનિવર્સિટી કેમ્પસમાં મિની એક્સ્પો પણ યોજાયો હતો. રાજ્યપાલ આનંદીબેન પટેલે કહ્યું કે ગર્લફ્રેન્ડ બનાવવામાં કોઈ ખોટું નથી, પરંતુ કોઈને લગ્નનું વચન આપો તો તેને નિભાવવું પણ જરૂરી છે. વાંચો સંપૂર્ણ સમાચાર 4. ભારતે T20માં પોતાનો સૌથી મોટો રનચેઝ કર્યો:પહેલી મેચમાં ન્યૂઝીલેન્ડને 4 વિકેટથી હરાવ્યું; નમને 15 બોલમાં 42 રન ફટકાર્યા, સેમસને 67 રનની ઇનિંગ રમી ભારતે ન્યૂઝીલેન્ડ સામે પહેલી T20 મેચ 4 વિકેટથી જીતી લીધી છે. આની સાથે જ ટીમ ઈન્ડિયા પાંચ મેચની સિરીઝમાં 1-0થી આગળ થઈ ગઈ છે. ટૉસ હારતા પહેલી બેટિંગ કરતા ન્યૂઝીલેન્ડે ભારત સામે પોતાના સૌથી મોટા સ્કોરની બરાબરી કરી. કિવી ટીમે 20 ઓવરમાં 6 વિકેટ ગુમાવીને 225 રન બનાવ્યા. જવાબમાં ભારતે 19.4 ઓવરમાં 4 વિકેટ ગુમાવીને ટાર્ગેટ ચેઝ કરી લીધો. સંજુ સેમસને 67 અને કેપ્ટન શ્રેયસ અય્યરે 42 રન બનાવ્યા. નમન ધીરે સિક્સ ફટકારીને જીત અપાવી. તે 15 બોલ પર 42 રન બનાવીને અણનમ રહ્યો. ભારતે T20 ઇન્ટરનેશનલમાં પોતાનો સૌથી મોટો ટાર્ગેટ ચેઝ કરીને રેકોર્ડ બનાવ્યો છે. આની પહેલાં ભારતે બે વાર 2023માં ઓસ્ટ્રેલિયાની વિરુદ્ધ અને 2026માં ન્યૂઝીલેન્ડ વિરુદ્ધ 209 રનનો ટાર્ગેટ ચેઝ કર્યો હતો. વાંચો સંપૂર્ણ સમાચાર 5. ‘પ્લેન પાછું બેંગકોક જશે...!’:બેંગકોકથી આવતી ફ્લાઇટમાં ભારતીય મુસાફરે હોબાળો કરતા પાઇલટે ફ્લાઇટને પાછી વાળી; 45 મિનિટ બાદ મુંબઈ માટે ફરી ઉડાન ભરી બેંગકોકથી મુંબઈ આવી રહેલી એર ઈન્ડિયાની ફ્લાઇટ AI 2338ને એક મુસાફરના હોબાળાને કારણે પરત ફરવું પડ્યું. વિમાને બુધવારે રાત્રે 8:20 વાગ્યે બેંગકોકના સુવર્ણભૂમિ એરપોર્ટ પરથી ઉડાન ભરી હતી. ત્યારબાદ મુસાફરના વિચિત્ર વર્તનને કારણે પાઇલટે વિમાનને પરત લઈ જવાનો નિર્ણય કર્યો. વિમાન રાત્રે 10:40 વાગ્યે બેંગકોક એરપોર્ટ પર ઉતર્યું. વિમાનમાં સવાર એક મુસાફરે ભાસ્કરને જણાવ્યું કે વિમાનમાં સવાર એક ભારતીય મુસાફર વિચિત્ર રીતે વર્તી રહ્યો હતો અને હોબાળો કરી રહ્યો હતો. પરિસ્થિતિને જોતા પાઇલટે જાહેરાત કરી કે વિમાનને પરત બેંગકોક લઈ જવામાં આવી રહ્યું છે. વિમાન બેંગકોકમાં ઉતર્યા બાદ મેડિકલ ટીમ પહોંચી અને મુસાફરને પોતાની સાથે લઈ ગઈ. વાંચો સંપૂર્ણ સમાચાર 6. અમદાવાદમાં બુટલેગરની ગાડી પર SMCનું ફાયરિંગ:શાહીબાગથી પીછો કરતા સમયે SMCની ટીમ પર ગાડી ચઢાવવાનો પ્રયાસ, ફાયરિંગ થતા બુટલેગર ફરાર અમદાવાદના એરપોર્ટ સર્કલથી ઈન્દિરાબ્રિજ જવાના રસ્તા પર SMCની ટીમે ફાયરિંગ કર્યું હતું. SMCની ટીમ શાહીબાગથી બુટલેગરની ગાડીનો પીછો કરી રહી હતી, પરંતુ બુટલેગર ભાગી રહ્યો હતો. આ દરમિયાન બુટલેગરે SMCની ટીમ પર ગાડી ચઢાવવાનો પ્રયાસ કરતા SMCની ટીમે બુટલેગરની ગાડી પર ફાયરિંગ કર્યું. જો કે ફાયરિંગ થતા જ બુટલેગર ત્યાંથી ભાગી ગયો હતો. હાલ સમગ્ર મામલે એરપોર્ટ પોલીસ સ્ટેશનમાં ફરિયાદની કાર્યવાહી ચાલી રહી છે. SMCની ટીમના PI મિતેશ ત્રિવેદીની ટીમને બાતમી મળી હતી કે, અસારવાના ખંડુભાઈ દેસાઈ હોલ પાસે દારૂ કટીંગ થઈ રહ્યું છે. બુટલેગર અનુપ ઠાકોર ઉર્ફે મેપો રતનસિંહ ઠાકોરે દારૂનો જથ્થો મંગાવ્યો હતો. જેથી SMCની ટીમ ત્યાં પહોંચી હતી. વાંચો સંપૂર્ણ સમાચાર 7. ચોકલેટ-એનર્જી ડ્રીંકની બોટલમાં કારની સીટ નીચે છુપાવ્યું ડ્રગ્સ:અફઘાની હેરોઈન અને એમપી-રાજસ્થાનનું MD ગુજરાત આવ્યા'ને UP-દિલ્હીના 3 ઝડપાયા, રાજકોટના અસલમે મંગાવ્યો હતો જથ્થો અમદાવાદ અને સુરત ક્રાઈમ બ્રાન્ચે રામોલ પોલીસ સ્ટેશનની હદમાં સીટીએમ એક્સપ્રેસ હાઈવે ટોલનાકા પાસે સંયુક્ત ઓપરેશન કરીને 25 કરોડથી વધુની કિંમતનું MD ડ્રગ્સ અને અફઘાની હેરોઈન જપ્ત કર્યું છે. રાજકોટના અસલમે મંગાવેલો આ જથ્થો કારની સીટ નીચે ચોકલેટ અને એનર્જી ડ્રીંકની બોટલમાં છુપાવવામાં આવ્યો હતો. આ આંતર-રાજ્ય ડ્રગ્સ નેટવર્કનો પર્દાફાશ કરીને પોલીસે ઉત્તરપ્રદેશ અને દિલ્હીના ત્રણ શખસની ધરપકડ કરી વધુ પૂછપરછ હાથ ધરી છે. ડ્રગ્સ ગુજરાતના અલગ અલગ સ્થળોએ મોકલવાનું હોવાનું સામે આવ્યું છે. આ ત્રણેય પેડલરો પાસેથી પોલીસે કુલ 2497.490 ગ્રામ MD (જેની કિંમત 1.2 કરોડ પ્રતિ કિલો છે) અને 4531.220 ગ્રામ હેરોઇન (જેની કિંમત 5 કરોડ પ્રતિ કિલો છે) જપ્ત કર્યું છે. વાંચો સંપૂર્ણ સમાચાર 🎭 આજનું કાર્ટૂન ⚡ કેટલાક મહત્વના સમાચારો હેડલાઈનમાં 1.નેશનલ : CJP નેતા સૌરવ-આશુતોષ દિલ્હી પોલીસ સમક્ષ હાજર થયા નહીં:ક્રાઈમ બ્રાન્ચ પાસે વધુ સમય માગ્યો, ગઈકાલે તિહાડમાંથી છૂટ્યા; દીપકેએ કહ્યું- બંને મારા કરતાં મોટા નેતા (સંપૂર્ણ સમાચાર વાંચો) 2.ઈન્ટરનેશનલ : ઈરાને 24 કલાકમાં 7 જહાજોને નુકસાન પહોંચાડ્યું:ચાર જહાજો પર એકસાથે હુમલો કર્યો; યુદ્ધ પછી હોર્મુઝમાંથી ઓઈલ ટેન્કરોની અવરજવર 99% ઘટી (સંપૂર્ણ સમાચાર વાંચો) 3.નેશનલ : ફ્રાન્સના રમખાણો અને ભારતમાં થયેલા પ્રદર્શનો વચ્ચે કનેક્શનનો દાવો:રિપોર્ટ- 9 દેશોની 101 સંસ્થાઓનું નેટવર્ક, ઇન્ડિયન અલાયન્સ પેરિસ મેસેજ શેર કરે છે (સંપૂર્ણ સમાચાર વાંચો) 4.ઈન્ટરનેશનલ : સાઉદી અરેબિયાના એરપોર્ટ-તેલના ઠેકાણા પર હૂતી બળવાખોરોનો હુમલો:1 ભારતીય સહિત 3ના મોત, 10 ઘાયલ; 16 દિવસમાં 6ઠ્ઠો મોટો હુમલો (સંપૂર્ણ સમાચાર વાંચો) 5.બિઝનેસ : ડ્રાઇવિંગ લાઇસન્સ માટેના ટેસ્ટમાં 75% ગુણ લાવવા પડશે:પહેલા 60% ગુણ જરૂરી હતા, કાર્ડમાં નામ-સરનામું બદલાવવું મફત (સંપૂર્ણ સમાચાર વાંચો) 6.સ્પોર્ટ્સ : ભારતે T20માં પોતાનો સૌથી મોટો રનચેઝ કર્યો:પહેલી મેચમાં ન્યૂઝીલેન્ડને 4 વિકેટથી હરાવ્યું; નમને 15 બોલમાં 42 રન ફટકાર્યા, સેમસને 67 રનની ઇનિંગ રમી (સંપૂર્ણ સમાચાર વાંચો) 7.ધર્મ તહેવાર જ્યોતિષ : ગુરુનું રાશિ પરિવર્તન:મિથુન રાશિના ભાગ્યના દ્વાર ખુલશે, સિંહ રાશિ માટે વિવાહનો યોગ; જુઓ કોણે રહેવું સાવધાન (સંપૂર્ણ સમાચાર વાંચો) 🗣️ ચર્ચિત નિવેદન 😲 અજબ ગજબ લગ્ન માટે પૈસા ભેગા કરવા, કપલ બન્યું ચોર હૈદરાબાદમાં એક કપલે લગ્નના પૈસા એકઠા કરવા માટે વૃદ્ધ મહિલાની સોનાની ચેન લૂંટી. CCTVની મદદથી પોલીસે બંનેની ધરપકડ કરી. 📸 ફોટો, જે પોતે સમાચાર છે 🌟 ભાસ્કરની એક્સક્લૂસિવ સ્ટોરીઝ, જે સૌથી વધારે વંચાઈ 1. ગુજરાત એક્સપ્લેનર : જામનગર પર અમેરિકાનો ડોળો: માર્કો રૂબિયો રિલાયન્સ રિફાઈનરી કેમ પહોંચ્યા; શું એક મુલાકાતથી ટ્રમ્પ ભારત સાથે ટ્રેડ ડીલ કરી નાખશે 2. એક્સક્લૂસિવ : છાણમાંથી મફત વીજળી, 500 ગરમાગરમ રોટલી અને લાખોની બચત: 14 કરોડના કરૂણા મંદિરની કમાલ, બીજા રાજ્યોના અધિકારીઓ આવે છે શીખવા 3. Editor's View : વેનેઝુએલાના ઓઇલનો બિઝનેસ અને પોલિટિક્સ: રિલાયન્સ અને ભારત માટે ધંધો, દેશહિત અને રાજનીતિની લપસણી અમેરિકન કશ્મકશ 4. પારકી પંચાત : અરેરે… સાહેબે તેલ ઢોળ્યું: કોંગ્રેસના નવા પ્રભારીની કસરત વધી, મોવડીમંડળે શું હોમવર્ક આપ્યું? જુઓ VIDEO 5. આજનું એક્સપ્લેનર: બાંગ્લાદેશી કપલે કઈ ‘અનૈતિક હરકત’ કરી કે સાઉદીએ મૃત્યુદંડ આપ્યો, યુવતીનું સાચું નામ સ્વીટી, પરિવાર તેને જીવિત કેમ ગણાવી રહ્યો છે 6. સુરતમાં શોપિંગ, મુંબઈમાં ફાયરિંગ: ટાઇગર પર હુમલાના આરોપીની લક્ઝરી લાઇફ; ક્યારેક રેપિડો ચલાવતો, હવે BMWમાં ફરે છે; પિતાની લિટ્ટી-ચોખાની દુકાન 7. બ્લેકબોર્ડ: બળાત્કારથી જન્મી છે મારી દીકરી: ગર્ભવતી થઈ તો છોકરાના પરિવારજનો બોલ્યા- અમારો દીકરો તો નપુંસક, આ બાળક કોઈ બીજાનું છે 🌍 કરંટ અફેર્સ ⏳ આજના દિવસનો ઈતિહાસ 📊​​​​​​​ માર્કેટની સ્થિતિ 🌦️ મોસમનો મિજાજ શુક્રવારનું રાશિફળ: વૃશ્ચિક જાતકોનો આત્મવિશ્વાસ વધશે, સિંહ રાશિને સરકારી મામલાઓમાં સફળતા મળશે; કુંભ જાતકોએ દેખાડો ન કરવો વાંચો સંપૂર્ણ રાશિફળ