Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    વરના કારે જોરદાર ટક્કર મારતા મર્સિડિઝના કુરચેકુરચા નીકળ્યા:200 મીટર ઢસડી રેલિંગ તોડી,ઉદ્યોગપતિ પરિવારની હત્યાનો પ્રયાસ;સુરતમાં દારૂના નશામાં યુવકની કરતૂત

    8 hours ago

    1

    0

    👍 ❤️ 😂 😮 😢 😡 😘 🤐 🥰

    સુરત શહેરમાં નશાખોર વાનચાલકોનો આતંક સતત વધી રહ્યો છે, ત્યારે અડાજણ પાટીયા વિસ્તારના એક ટેકસટાઇલ ઉદ્યોગપતિ પોતાની મર્સિડીઝ કાર લઈને ઘરે જઈ રહ્યા હતા, તે દરમિયાન દારૂના નશામાં ધુત ત્રણ શખ્સોએ પહેલા ઝઘડો કર્યો અને ત્યારબાદ વરના કાર પુરઝડપે ચલાવી ઉદ્યોગપતિની કારને ભયંકર ટક્કર મારી દીધી હતી અને 200 મીટર સુધી ઢસડી હતી. અકસ્માત સર્જીને ઉદ્યોગપતિ, તેમની પત્ની અને દીકરીની હત્યા કરવાનો પ્રયાસ કરવામાં આવ્યો હોવાની ગંભીર ઘટના સામે આવી છે. જોકે, સદનસીબે કાર સવાર દંપતીનો આબાદ બચાવ થયો છે પરંતુ તેઓને ઇજાઓ પહોંચી છે. આ મામલે ભેસ્તાન પોલીસે ગંભીર ગુનો નોંધી ત્રણેય આરોપીઓને જેલભેગા કરી દીધા છે. નશાની હાલતમાં બોલાચાલી કરી હત્યાનો પ્રયાસ મળતી માહિતી મુજબ, અડાજણ પાટીયા પાસે આવેલી ગાર્ડન સોસાયટીમાં રહેતા 30 વર્ષીય ટેકસટાઇલ ઉદ્યોગપતિ સિદ્દીક સલીમ ચકીવાલા ગત રાત્રે આશરે એક વાગ્યાના અરસામાં પોતાની મર્સિડીઝ કાર લઈને ઘર તરફ જઈ રહ્યા હતા.આ દરમિયાન બ્લેક કાચવાળી એક હ્યુન્ડાઈ વરના કારના ચાલક અને તેના બે મિત્રોએ દારૂના નશામાં ચૂર થઈને સિદ્દીકભાઈ સાથે કોઈ કારણોસર બોલાચાલી અને ઝઘડો શરૂ કર્યો હતો. ઝઘડો એટલો વકર્યો કે આ નશાખોરોએ તેમને જાનથી મારી નાખવાની કોશિશ કરી હતી.આરોપીઓએ પોતાની વરના કાર ગફલતભરી રીતે અને પુરઝડપે ચલાવી મર્સિડીઝ કારને જોરદાર ટક્કર મારી દીધી હતી.જેના કારણે મર્સિડીઝ કારને નુકસાન થયું હતું અને કારમાં સવાર સિદ્દીકભાઈ તથા તેમની પત્નીને શરીર પર ઈજાઓ પહોંચી હતી. CCTV ફૂટેજ અને ટેકનિકલ સર્વેલન્સથી આરોપીઓ ઝડપાયા ઘટના અંગે ભોગ બનનાર સિદ્દીકભાઈએ ભેસ્તાન પોલીસ મથકમાં ફરિયાદ નોંધાવતા પોલીસે બી.એન.એસ. (BNS) ની વિવિધ કલમો જેવી કે 109, 281, 125(1), 324(5), 351(3), 355, 54 તેમજ મોટર વ્હીકલ એક્ટ અને પ્રોહિબિશન એક્ટ હેઠળ ગુનો દાખલ કર્યો હતો.ભેસ્તાન PI એસ.બી. દેસાઈના માર્ગદર્શન હેઠળ પી.એસ.આઈ. એચ.બી. ચૌધરી અને સર્વેલન્સ સ્ટાફની અલગ-અલગ ટીમો કામે લાગી હતી. પોલીસે ઘટનાસ્થળની આસપાસના સીસીટીવી ફૂટેજ, ટેકનિકલ વર્કઆઉટ અને હ્યુમન ઇન્ટેલિજન્સના સચોટ ઉપયોગથી ગણતરીના કલાકોમાં જ ત્રણેય આરોપીઓને દબોચી લીધા હતા. ત્રણેય આરોપીઓ ઉન ભેસ્તાન વિસ્તારના પોલીસના સકંજામાં આવેલા ત્રણેય આરોપીઓ ઉન-ભેસ્તાન વિસ્તારના જ રહેવાસી છે. આરોપી અકરમ અજીઝ શેખ (ઉ.વ.31,રહે-ગુલશનનગર, ઉન ભેસ્તાન), મોહમદ નવાજ ઉમર મેમણ (ઉ.વ.23 રહે-રાહત સોસાયટી,ઉન ભેસ્તાન (મૂળ રહેવાસી- વેરાવળ સોમનાથ) અને સોયેબ રસુલ શાહ (ઉ.વ.24 રહે-દીલદારનગર સોસાયટી, ઉન ભેસ્તાન)ની ધરપકડ કરવામાં આવી છે. પોલીસે હાલ ત્રણેય આરોપીઓની ધરપકડ કરી આગળની કાયદેસરની કાર્યવાહી હાથ ધરી છે. કારને ઓવરટેક કરીને અકસ્માત સર્જાયો એસીપી સુનિલ તરડેએ જણાવ્યું હતું કે, રાત્રીના સમયે સિદ્દિક સલીમ ચક્કીવાલા (રહેવાસી અડાજણ પેલેસ સુરત) તેઓ તેમના પરિવાર સાથે દાવત કરવા માટે લાજપોર ખાતે ગયેલા હતા. તેઓની મર્સિડીઝ (જીજે-06-એલબી-7767)માં તેઓ તેમની પત્ની અને દોઢ વર્ષની દીકરી સાથે દાવત માટે ગયેલા હતા અને લાજપોર ઝેતુન હોટલ ખાતે દાવત પતાવીને તેમના ઘરે પરત જતા હતા તે વખતે સનામીલ ચાર રસ્તા પાસે એક વગર નંબરની વરના ગાડી તેઓને ખોટી રીતે ઓવરટેક કરતા તેઓ તેઓ બંને ગાડીઓ વચ્ચે સામાન્ય એક્સિડન્ટ થયેલું હતું. દંપતી અને દોઢ વર્ષની બાળકી માંડ માંડ બચ્યા વધુમાં એસીપીએ જણાવ્યું હતું કે, અકસ્માત બાબતે બોલાચાલી થતા આ ફરિયાદીને લાગેલ કે વરના ગાડીમાં જે બેસેલા ઈસમો છે એ પીધેલા છે. એટલે એ પોતાના પરિવાર સાથે મર્સિડીઝમાં બેસી આગળ ઘર તરફ જતો હતો. ત્યારે આ વરના ગાડીમાં બેસેલા શખસોએ પીછો કરવા લાગ્યા હતા અને ભેસ્તાન ચાર રસ્તા ઓવરબ્રિજ ક્રોસ કરી ત્યાં રોડનું કામ ચાલતું હતું. ત્યાં મર્સિડીઝ સ્લો પડતા આ વરનાએ પાછળથી આ ફરિયાદીને તથા એના પરિવારને જાનથી મારી નાખવાના ઈરાદાથી મર્સિડિઝ કારને જોરદાર ટક્કર મારી બીઆરટીએસ કોરિડોરમાં જતી હતી હતી અને આરોપીઓની જે વરના છે એ આગળ એ જ રોડ પર ડિવાઈડર સાથે અથડાઈને રોકાઈ ગઈ હતી.ભેસ્તાન પોલીસ તાત્કાલિક સ્થળ પર પહોંચી હતી. આરોપીઓ પ્રાથમિક રીતે દારૂના નશામાં હતા ત્રણ આરોપીઓની મેડિકલ સારવાર કરાવી આજ રોજ ધરપકડ કરવામાં આવી હતી. આરોપીઓની ધરપકડ કરી આગળની પોલીસ કસ્ટડી રિમાન્ડ મેળવી કાયદેસરની કાર્યવાહી હાથ ધરવામાં આવી છે. હાલ આરોપીઓનો ગુનાહિત ઇતિહાસ ચકાસતા તેઓનો કોઈ ગુનાહિત ઇતિહાસ જણાઈ આવ્યો નથી, તેમ છતાં વધુ તપાસ ચાલુ છે.પ્રાથમિક રીતે દારૂના નશામાં દેખાતા હતા.
    Click here to Read More
    • Share:
    પોલીસ હેડ ક્વાર્ટર્સમાં વ્યસનમુક્તિ અને આરોગ્ય સેમિનાર:પોલીસ અધિકારી-કર્મચારીઓને સ્વાસ્થ્ય જાગૃતિ અને વ્યસનમુક્તિનું માર્ગદર્શન અપાયું
    Previous Article
    પોલીસ હેડ ક્વાર્ટર્સમાં વ્યસનમુક્તિ અને આરોગ્ય સેમિનાર:પોલીસ અધિકારી-કર્મચારીઓને સ્વાસ્થ્ય જાગૃતિ અને વ્યસનમુક્તિનું માર્ગદર્શન અપાયું
    Next Article
    'ખ્રિસ્તીઓ લૂલા-લંગડાને દોડતા કરે છે, ત્યાં જાઓને':'ખાલી ભુવા ભરાડા પાછળ પડ્યા રહો છો', ધીરેન્દ્ર શાસ્ત્રીની કથા પહેલાં સુરત બજરંગદળ પ્રમુખનો જયંત પંડયાને પડકાર
    'ખ્રિસ્તીઓ લૂલા-લંગડાને દોડતા કરે છે, ત્યાં જાઓને':'ખાલી ભુવા ભરાડા પાછળ પડ્યા રહો છો', ધીરેન્દ્ર શાસ્ત્રીની કથા પહેલાં સુરત બજરંગદળ પ્રમુખનો જયંત પંડયાને પડકાર

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment

      Send