Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    દેશના સૌથી લાંબા રિવરફ્રન્ટની કામગીરીની સમીક્ષા:મુખ્યમંત્રીએ સાબરમતી રિવરફ્રન્ટ ફેઝ 2 અને 3ની કામગીરી જોઈ, રબર કમ બેરેજ બ્રિજ સહિતની કામગીરી ઝડપી પૂર્ણ કરવા કહ્યું

    9 hours ago

    મુખ્યમંત્રી ભુપેન્દ્ર પટેલે આજે (16 નવેમ્બર)ના રોજ અમદાવાદના સાબરમતી રિવરફ્રન્ટ ડેવલપમેન્ટ પ્રોજેક્ટના ફેઝ-2 અને ફેઝ-3 અંતર્ગત ચાલી રહી કામગીરી અંગે સ્થળ મુલાકાત કરીને સમીક્ષા કરી હતી. નદીના પશ્ચિમ કાંઠે અચેરથી પૂર્વ કાંઠે કેમ્પ સદર બજાર વચ્ચે છ લેનનો બેરેજ કમ બ્રીજ, સાબરમતી રિવરફ્રન્ટ ફેઝ-2 અંતર્ગત સરદાર પટેલ એન્ક્લેવ કેનોપી સ્ટ્રક્ચર, કોટેશ્વર મહાદેવ મંદિર પાછળ અને ઇન્દિરા બ્રીજની નીચેના વિસ્તારમાં ચાલી રહેલી કામગીરીની સમીક્ષા કરી હતી. સાબરમતી રિવરફ્રન્ટ ફેઝ-3 અંતર્ગત સાબરમતીના પશ્ચિમ છેડા તરફ કોતરપુર સામે‌ અને પૂર્વ તરફ કરાઈ નજીક નર્મદા કેનાલ એસ્કેપ પાસે કામગીરીની પ્રગતિનું નિરીક્ષણ કરીને ઉચ્ચ અધિકારીઓ પાસેથી કામની પ્રગતિનો તાગ મેળવીને ઝડપી કામગીરી માટે માર્ગદર્શન પૂરું પાડ્યું હતું. ફેઝ- 2 અંર્તગત નદીની બંને કાંઠે રિવરફ્રન્ટ ડેવલપ થશે અત્રે ઉલ્લેખનીય છે કે ​સાબરમતી રિવરફ્રન્ટ પ્રોજેક્ટના ફેઝ-2 અને ફેઝ- 3 પૂર્ણ થતાં રિવરફ્રન્ટની કુલ લંબાઈ બંને બાજુએ થઈને 40 કિ.મી.ની થશે. ફેઝ- 2 અંર્તગત નદીની બંને કાંઠે ડફનાળાથી ઈન્દિરા બ્રીજ સુધીના 5.50 કિ.મી.ની નદીની લંબાઈમાં (બંને બાજુ ઉપર કુલ 11 કિ.મી.) રિવરફ્રન્ટ ડેવલપ કરવાનું આયોજન હાથ ધરવામાં આવ્યું છે. સાબરમતી રિવરફ્રન્ટ પ્રોજેક્ટ ફેઈઝ-3 અંર્તગત નદીની બંને કાંઠે ઈન્દિરા બ્રીજથી નર્મદા મેઈન કેનાલ સુધી 5 કિ.મી.ની નદીની બંને બાજુ ઉપર કુલ 10 કિ.મી. સુધી ડેવલપ કરવાનું આયોજન હાથ ધરવામાં આવ્યું છે. ગુજરાતનો આ પ્રકારનો પ્રથમ બેરેજ કમ બ્રીજ સિક્સ લેનનો બેરેજ કમ બ્રીજ ઓટોમેટિક કન્ટ્રોલ સિસ્ટમથી સંચાલિત હશે. 3.5 મીટર ઊંચાઈના એર ફિલ્ડ રબર ટાઈપ સ્પેશ્યલાઈઝડ બેરેજથી ગાંધીનગર તરફના રિવરફ્રન્ટમાં પાણી ભરાયેલું રહેશે. ગુજરાતનો આ પ્રકારનો પ્રથમ બેરેજ કમ બ્રીજ બની રહેશે. રિવરફ્રન્ટના નવા ફેઈઝમાં નદીનાં બંને કાંઠે ગ્રીન ઝોન, અલગ અલગ લેવલ પર વૃક્ષોનું વાવેતર, ચિલ્ડ્રન પ્લે એરિયા, ફૂડ પ્લાઝા, આર્ટ કલ્ચર અને સ્વાસ્થ્ય માટે તેમજ લોકો માટે જુદા જુદા લેવલ પર સીટીંગ વ્યવસ્થા જેવી સુવિધાઓ હશે. મેયર સહિતના નેતાઓ અધિકારીઓ હાજર રહ્યા મુખ્યમંત્રીની સ્થળ મુલાકાત અને સમીક્ષા બેઠકોમાં અમદાવાદના મેયર હિતેશ બારોટ, સ્ટેન્ડિંગ કમિટીના ચેરમેન કમલેશ પટેલ, સાબરમતી રિવરફ્રન્ટ ડેવલપમેન્ટ ઓથોરિટીના ચેરમેન આઈ. પી. ગૌતમ, કમિશનર બંછાનિધિ પાની સહિતના મ્યુનિસિપલ કોર્પોરેશનના અધિકારીઓ અને પદાધિકારીઓ, ગાંધીનગર મ્યુનિસિપલ કમિશનર જે.એસ. પ્રજાપતિ સહિતના અધિકારીઓ હાજર રહ્યાં હતા.
    Click here to Read More
    Previous Article
    સોમનાથ કોરિડોર માટે 72થી વધુ હોટલો, રહેણાક મકાનો જમીનદોસ્ત કરાયા:ચાર હિટાચી, 10 JCB અને 50 ટ્રેક્ટરો સાથે ઇમારતો તોડી 27 હજાર ચોરસ મીટર જમીન ખુલ્લી કરાવાઈ
    Next Article
    વડોદરામાં બાળકોનું અનોખું મહાપૂજન:અટલાદરા BAPS મંદિરના 210 બાળ-બાલિકાઓએ 180 કારખાના અને 12 જ્વેલરી શો-રૂમમાં શાસ્ત્રોક્ત નૂતન વર્ષ મહાપૂજન કરાવ્યું

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment