Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    ભાવનગરના ફિલ્મ પ્રોડ્યુસર સાથે રૂ.19.37 લાખની છેતરપિંડી:‘મંજરી’ ફિલ્મમાં રોકાણ કરાવી નામ બદલીને ફિલ્મ રિલીઝ કરી દેનાર અમદાવાદના ડાયરેક્ટર સામે ફરિયાદ

    1 day ago

    ગુજરાતી ફિલ્મ નિર્માણમાં રોકાણ કરાવી, ઊંચા વળતર અને સરકારી સબસિડીની લાલચ આપી ભાવનગરના એક ફિલ્મ પ્રોડ્યુસર સાથે રૂ. 19 લાખથી વધુની છેતરપિંડી અને વિશ્વાસઘાત કરતા ભાવનગરના ભોગ બનનાર પ્રોડ્યુસરે અમદાવાદના ફિલ્મ ડાયરેક્ટર વિરુદ્ધ ઘોઘા રોડ પોલીસ મથકે ફરિયાદ નોંધાવી હતી પોલીસે આ મામલે ગુન્હો નોંધી વધુ તપાસ હાથ ધરી છે. આ બનાવ અંગે ઘોઘા રોડ પોલીસ મથકે થી જાણવા મળતી વિગતો અનુસાર શહેરના સુભાષનગર વિસ્તારમાં રહેતા અને ‘શ્રી સિદ્ધિ ફિલ્મ એન્ટરટેઈનમેન્ટ’ના નામે પ્રોડક્શન હાઉસ ચલાવતા ભાવેશ જયંતિલાલ તન્ના ઉં.વ.45 ગત તા.2/5/2024 ના રોજ અમદાવાદના નિકોલ ખાતે યોજાયેલા એક ગુજરાતી ફિલ્મ એવોર્ડ ફંક્શનમાં ગયા હતા. ત્યાં તેમની મુલાકાત અમદાવાદના ચાંદલોડિયા વિસ્તારમાં રહેતા ફિલ્મ ડાયરેક્ટર અખિલભાઈ દિલીપભાઈ કોટક સાથે થઈ હતી. અખિલ કોટકે ભાવેશભાઈને પોતાની અગાઉની ફિલ્મો ‘પેન્સિલ’ના પ્રીમિયર અને ‘છૂટાછેડા’ ફિલ્મના શૂટિંગમાં બોલાવી વિશ્વાસમાં લીધા હતા. ત્યારબાદ તેમણે બાળવિવાહ પર આધારિત નવી ફિલ્મ ‘મંજરી’ બનાવવાની વાત કરી હતી.ડાયરેક્ટરે આ ફિલ્મમાં રૂ.27 લાખનું રોકાણ કરવા સામે સરકારમાંથી રૂ.75 લાખની સબસિડી અપાવવાની તેમજ સેટેલાઈટ અને અન્ય રાઈટ્સના વેચાણમાંથી રૂ.50 લાખ અપાવવાની ખાતરી આપી હતી. ડાયરેક્ટરની વાતોમાં આવી જઈને ભાવેશભાઈએ પ્રોડ્યુસર તરીકે રોકાણ કરવાનું નક્કી કર્યું હતું. તેમણે તા.2/6/2024 થી 28/7/2024 દરમિયાન ગુગલ પે, આર.ટી.જી.એસ. (RTGS), રોકડ અને આંગડિયા મારફત અખિલ કોટક તથા કોમલબેન દેસાઈના બેંક ખાતામાં મળી કુલ રૂ.19,37,500 ચૂકવ્યા હતા, આ ફિલ્મમાં ભાવેશભાઈના પુત્ર ઓમને પણ રોલ આપવામાં આવ્યો હતો અને તેનું શૂટિંગ પણ પૂર્ણ થયું હતું. ફિલ્મનું શૂટિંગ પૂરું થયા બાદ એડિટિંગ અને પોસ્ટ-પ્રોડક્શનની કામગીરી બાકી હતી, ત્યારે ફિલ્મ સારી બની હોવાનું કહી અખિલ કોટકે નક્કી થયેલી રકમ ઉપરાંત વધુ રૂ.20 લાખની માંગણી કરી હતી. ભાવેશભાઈએ વધુ નાણાં આપવાનો ઇનકાર કરતાં, ડાયરેક્ટરે તેમની જાણ કે પરવાનગી (NOC) વગર જ ‘મંજરી’ ફિલ્મનું નામ બદલીને ‘કખગઘ’ કરી દીધું હતું અને ગત તા.27/2/2026 ના રોજ એકતરફી રીતે ફિલ્મ રિલીઝ પણ કરી દીધી હતી. આ અંગે ભાવેશભાઈએ ‘વેસ્ટર્ન ઈન્ડિયા ફિલ્મ એન્ડ ટીવી પ્રોડ્યુસર્સ એસોસિએશન’ (WIFPA) માં અરજી કરી હતી. એસોસિએશનની કમિટીએ તપાસ બાદ સ્વીકાર્યું હતું કે ભાવેશ તન્નાએ ‘મંજરી’ ફિલ્મ માટે નાણાં ચૂકવ્યા હોવા છતાં અખિલ કોટકે NOC વિના નામ બદલીને ફિલ્મ રિલીઝ કરી છે. સંસ્થાએ ડાયરેક્ટરને રૂ.19,37,500 પરત ચૂકવવા આદેશ કર્યો હતો અને જો નાણાં ન ચૂકવે તો કાયદેસરની કાર્યવાહી કરવા ફરિયાદીને જણાવ્યું હતું., વારંવાર ઉઘરાણી કરવા છતાં અખિલ કોટકે માત્ર વાયદાઓ કરી રૂ.19.37 લાખ ઓળવી જઈ ગુનાહિત વિશ્વાસઘાત કર્યો હોવાથી ભાવેશભાઈએ તેમના વિરુદ્ધ કાયદેસરની કાર્યવાહી કરવા પોલીસ સમક્ષ ફરિયાદ નોંધાવી છે.
    Click here to Read More
    Previous Article
    રેડક્રોસ ગીર સોમનાથ દ્વારા આયુર્વેદિક ઉકાળાનું નિશુલ્ક વિતરણનું આયોજન:ગીર સોમનાથ જિલ્લા શાખા દ્વારા દર શનિવારે આયુર્વેદિક ઉકાળાનું વિતરણ
    Next Article
    'ગાંધીનગર રેન્જ IGએ જમીન પચાવવા ગોલ્ડી નામનો ગુંડો-વહીવટદાર રાખ્યા':કોંગ્રેસે કહ્યું- સરકાર મોઢું દબાવવા ઘાતક હુમલો કરાવી શકે, ખોરજની 150 કરોડની જમીન પચાવી પાડવાનો વિવાદ વકર્યો

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment