Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    સુરત પોલીસને મળી સફ્ળતા:18 વર્ષથી નાસતા-ફરતા વોન્ટેડ આરોપીને સચીન પોલીસે કચ્છથી ઝડપી પાડ્યો

    1 day ago

    સુરત શહેરના સચિન પોલીસ સ્ટેશનના સર્વેલન્સ સ્ટાફે અઢાર વર્ષથી કાયદાની પકડથી દૂર નાસતા-ફરતા એક વોન્ટેડ આરોપીને કચ્છના અંજારમાંથી ઝડપી પાડી મોટી સફળતા હાંસલ કરી છે. અદાલત દ્વારા જેની સામે સી.આર.પી.સી. કલમ 70 મુજબનું વોરંટ ઇશ્યૂ કરાયું હતું તેવા આરોપીની અટકાયત કરી પોલીસે આગળની ન્યાયિક કાર્યવાહી હાથ ધરી છે. અકસ્માતના ગુનામાં આરોપી 18 વર્ષથી નાસતો-ફરતો હતો પકડાયેલા આરોપીની ઓળખ રીયાઝઅહેમદ રોશનદીન પઠાણ (ઉંમર વ. 52, ધંધો-ડ્રાઇવિંગ, મૂળ રહે. પરગલગામ, જી. રાજૌરી, જમ્મુ અને કશ્મીર; હાલ રહે. ગાંધીધામ અને આદિપુર, કચ્છ-ભુજ) તરીકે થઈ છે. આરોપી સામે સચિન પોલીસ સ્ટેશનમાં વર્ષ 2009માં અકસ્માત અંગે ગુના રજિસ્ટ્રેશન નંબર I/27/2009 મુજબ આઈપીસી (IPC) કલમ 279, 337, 338 તથા મોટર વ્હીકલ એક્ટની કલમ 177, 184 અને 134 હેઠળ ગુનો નોંધાયો હતો. આરોપી બેદરકારીપૂર્વક વાહન ચલાવી અકસ્માત સર્જી, ગંભીર ઈજાઓ પહોંચાડીને અકસ્માત સ્થળેથી નાસી છૂટ્યો હતો અને છેલ્લા 18 વર્ષથી ઓળખ છુપાવી નાસતો-ફરતો હતો. પોલીસે આરોપીને કચ્છના અંજાર વિસ્તારમાંથી ઝડપી પાડ્યો સચિન પોલીસ મથકના સર્વેલન્સ સ્ટાફને ટેક્નિકલ સર્વેલન્સ અને હ્યુમન ઈન્ટેલિજન્સ મારફતે ચોક્કસ બાતમી મળી હતી કે આરોપી કચ્છના અંજાર વિસ્તારમાં છુપાયેલો છે. બાતમીના આધારે પોલીસે તાત્કાલિક દરોડો પાડી આરોપી રીયાઝઅહેમદને ઝડપી પાડ્યો હતો. આરોપીની અટકાયત કરી પોલીસે તબીબી પરીક્ષણ સહિતની કાયદેસરની કાનૂની કાર્યવાહી આગળ ધપાવી છે.
    Click here to Read More
    Previous Article
    ભેસ્તાનમાં 3 દિવસમાં 4 ચોરી:શ્રી વિનાયક રેસિડેન્સીમાં દિવાળી મનાવવા ગયેલા પરિવારના બંધ મકાનમાંથી લાખોના દાગીના-રોકડની ચોરી
    Next Article
    રાજકોટના પૂર્વ સાંસદ શિવલાલ વેકરિયાનું નિધન:અખિલ ભારતીય પાટીદાર શિક્ષા મહાસંઘના સ્થાપકે 89 વર્ષની વયે અંતિમ શ્વાસ લીધા, સૌરાષ્ટ્રમાં કન્યા કેળવણી માટે નોંધપાત્ર કામ કર્યું

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment