Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    ગુજરાતના બિલકિસ બાનો કેસમાં બે દોષિતોને મોટી રાહત:સુપ્રીમે જામીન આપી આજીવન કેદની સજા રદ કરી, કહ્યું- 17 વર્ષથી વધુ સમય જેલમાં રહ્યા

    7 hours ago

    નવી દિલ્હીમાં સુપ્રીમ કોર્ટે ગુજરાતના બિલકિસ બાનો ચર્ચિત કેસમાં દોષિત ઠેરવાયેલા બે લોકોને આજીવન કેદની સજા પર રોક લગાવી દીધી. કોર્ટે બંનેને જામીન પણ આપી દીધા. 28 ઓક્ટોબરના આદેશમાં કોર્ટે કહ્યું કે બંને 17 વર્ષથી વધુ સમય જેલમાં રહી ચૂક્યા છે. તેમની અપીલમાં તથ્યો અને કાયદા સાથે જોડાયેલા એવા મુદ્દાઓ છે, જેના પર વિચાર કરવો જરૂરી છે. જામીન મેળવનારાઓમાં બિપિનચંદ જોશી અને પ્રદીપ મોઢિયાનો સમાવેશ થાય છે. જોશી ગંભીર રીતે દિવ્યાંગ છે. બિપિનચંદ જોશી અને પ્રદીપ મોઢિયાએ બોમ્બે હાઈકોર્ટના મે 2017ના નિર્ણયને પડકાર્યો હતો. હાઈકોર્ટે બંનેના આરોપ અને આજીવન કેદની સજા યથાવત રાખી હતી. સુપ્રીમ કોર્ટે જામીન આપતી વખતે એ વાતને પણ ધ્યાનમાં લીધી કે બંને 17 વર્ષથી વધુ સમય જેલમાં વિતાવી ચૂક્યા છે. કોર્ટે કહ્યું કે બંનેની અપીલમાં તથ્યો અને કાયદા સાથે જોડાયેલા મુદ્દાઓ છે. આ મુદ્દાઓ પર આગળ વિચાર કરવામાં આવવાનો છે. જામીન આપનાર ખંડપીઠે જોશીની ગંભીર દિવ્યાંગતાને પણ ધ્યાનમાં લીધી. સુપ્રીમ કોર્ટનો જાન્યુઆરી 2024નો નિર્ણય સુપ્રીમ કોર્ટે 8 જાન્યુઆરી 2024ના રોજ ગુજરાત સરકારે 15 ઓગસ્ટ 2022ના રોજ 11 દોષિતોને આપેલા સમય પહેલાંની મુક્તિ (રેમિશન)ના આદેશને સંપૂર્ણપણે રદ કરી દીધો હતો. કોર્ટે આદેશ આપ્યો હતો કે તમામ 11 દોષિતોએ પાછા જેલમાં જવું પડશે. વકીલની દલીલ, FIRમાં નામ નહોતું દોષિતો તરફથી હાજર રહેલા વરિષ્ઠ વકીલ સિદ્ધાર્થ લૂથરાએ કોર્ટને જણાવ્યું કે બંને 17 વર્ષથી વધુ સમયથી જેલમાં છે. તેમણે એવી પણ દલીલ કરી કે એક આરોપીનું નામ FIRમાં નોંધાયેલું નહોતું અને ઘટનાના લગભગ ત્રણ વર્ષ બાદ તેને આ કેસમાં આરોપી બનાવવામાં આવ્યો હતો. વકીલે બીજા દોષિતની ગંભીર દિવ્યાંગતાનો પણ ઉલ્લેખ કર્યો. ટ્રાયલ કોર્ટની શરતો પર જામીન મળશે સુપ્રીમ કોર્ટે જણાવ્યું કે બંને દોષિતોને સંબંધિત ટ્રાયલ કોર્ટ દ્વારા નક્કી કરવામાં આવનારી શરતોના આધારે જામીન આપવામાં આવશે. કેસમાં તેમની અપીલ પર સુનાવણી નિર્ધારિત પ્રક્રિયા મુજબ આગળ વધશે. કોર્ટે સ્પષ્ટ કર્યું કે અપીલમાં ઉઠાવવામાં આવેલા તથ્યો અને કાનૂની મુદ્દાઓ પર હજુ નિર્ણય થવાનો બાકી છે. ગુજરાત રમખાણો દરમિયાન બિલકિસ પર ગેંગરેપ થયો હતો 3 માર્ચ 2002ના રોજ ગોધરાકાંડ બાદ ગુજરાતમાં રમખાણો ફાટી નીકળ્યાં હતાં. રમખાણો દરમિયાન, દાહોદ જિલ્લાના લીમખેડા તાલુકાના રાધિકાપુર ગામમાં રોષે ભરાયેલું ટોળું બિલકિસ બાનોના ઘરમાં ઘૂસી ગયું હતું. તોફાનીઓથી બચવા માટે બિલકિસ તેના પરિવાર સાથે ખેતરમાં છુપાઈ ગઈ હતી. ત્યારે બિલકિસ 21 વર્ષની હતી અને 5 મહિનાની ગર્ભવતી હતી. બિલકિસ પર તોફાનીઓએ ગેંગરેપ કર્યો હતો. તેની માતા અને અન્ય ત્રણ મહિલાઓ પર પણ બળાત્કાર ગુજારવામાં આવ્યો હતો. આ હુમલામાં તેના પરિવારના 17માંથી 7 સભ્યો માર્યા ગયા હતા. 6 લોકો ગુમ થયા હતા, જે ક્યારેય મળ્યા નહોતા. આ હુમલામાં માત્ર બિલકિસ, એક પુરુષ અને ત્રણ વર્ષનો બાળક બચી ગયાં હતાં.
    Click here to Read More
    Previous Article
    Amitabh Bacchan ने क्यों कहा 'बच गए'? पकड़े गए दो शार्प शूटर। Amitabh Bachchan Bach Gaye X Post
    Next Article
    કેસર કેરીના રસિયાઓ માટે દિવાળી બાદ ધમાકો:ઉનાળામાં પાકતી કેસર કેરીની શિયાળામાં આવક, પોરબંદર માર્કેટ યાર્ડમાં ₹4 હજારના ભાવે 10 કિલો વેચાઈ, 21 બોક્સ આવક

    Related National Updates:

    Are you sure? You want to delete this comment..! Remove Cancel

    Comments (0)

      Leave a comment