Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    અમરેલીના મોટી કુંકાવાવમાં નવા વર્ષે બે જૂથો વચ્ચે ધિંગાણું:જૂની અદાવતમાં સ્વીફ્ટ કારમાં બેઠેલા વ્યક્તિ પર લોખંડના પાઇપથી હુમલો, ઘર પર પથ્થરમારો; 16 શખ્સો સામે ગુનો

    8 hours ago

    અમરેલી જિલ્લામાં નવા વર્ષના દિવસે મારામારી અને વાહનોમાં તોડફોડની ઘટના સામે આવી છે. વડીયા તાલુકાના મોટી કુંકાવાવ ગામે પૈસાની લેતીદેતીના મનદુઃખને લઈને બે જૂથો વચ્ચે ધિંગાણું થયું હતું. જેમાં એક જૂથના શખ્સોએ સ્વીફ્ટ કારમાં બેઠેલા વ્યક્તિ પર લોખંડના પાઇપ, પ્લાસ્ટિકના પાઇપ અને પથ્થરોથી હુમલો કરી કારના કાચ તોડી નાખ્યા હતા. ત્યારબાદ ફરિયાદીના ઘરમાં પણ પથ્થરમારો કરી જાનથી મારી નાખવાની ધમકી આપવામાં આવી હતી. આ મારામારીનો વીડિયો સોશિયલ મીડિયામાં વાયરલ થયો છે. સમગ્ર મામલે વડીયા પોલીસ સ્ટેશનમાં 16 શખ્સો વિરુદ્ધ ફરિયાદ નોંધાઈ છે. પૈસાની લેતીદેતીના મનદુઃખમાં હુમલો કર્યો ફરિયાદી 50 વર્ષીય ભરતભાઈ ઉર્ફે કાંબલી જીવરાજભાઈ ધાંધલે આકાશ પરમારને ફોન કરીને આરોપી કરણભાઈ ધાંધલ અને નીલેશભાઈ ધાંધલ સાથે પૈસાની લેતીદેતીનો વ્યવહાર કરવાની ના પાડી હતી. આ બાબતનું મનદુઃખ રાખીને આરોપીઓએ ગેરકાયદેસર મંડળી રચી ફરિયાદી પોતાના ઘર પાસે સ્વીફ્ટ કારમાં બેઠા હતા ત્યારે તેમના પર લોખંડના પાઇપ, પ્લાસ્ટિકના પાઇપ અને પથ્થરોથી હુમલો કર્યો હતો. આ હુમલામાં કારના કાચ તોડી નાખવામાં આવ્યા હતા. ઘરમાં ઘૂસી પથ્થરમારો કરી જાનથી મારી નાખવાની ધમકી હુમલાથી બચવા ફરિયાદી કારમાંથી બહાર નીકળી ઘરમાં જતા આરોપીઓએ ઘરનાં દરવાજા પર પાઇપના ઘા કર્યા હતા. જ્યારે અન્ય આરોપીઓએ ઘરમાં પથ્થરમારો કરી ફરિયાદીને જાનથી મારી નાખવાની ધમકી આપી હતી. આ દરમિયાન લોખંડના પાઇપનો ઘા ફરિયાદીના ડાબા હાથની આંગળી પર વાગતાં ઇજા પહોંચી હતી. જ્યારે હેતલબેનને પથ્થર છાતીમાં વાગતાં મુઢમાર થયો હતો. સરકારી દવાખાનાની બહાર પણ માર માર્યાનો આક્ષેપ બનાવમાં ઇજાગ્રસ્ત ફરિયાદી સહિતના લોકો સારવાર માટે કુંકાવાવ સરકારી દવાખાને પહોંચ્યા હતા. જોકે, ત્યાં દવાખાનાની બહાર પણ આરોપીઓએ ફરિયાદીને ઢીકાપાટુનો માર માર્યો હોવાનો આક્ષેપ કરવામાં આવ્યો છે. આ ઉપરાંત ફરિયાદીની સ્વીફ્ટ કાર અને એક્ટિવા મોટરસાઇકલને પણ નુકસાન પહોંચાડવામાં આવ્યું હતું. વડીયા પોલીસ સ્ટેશનમાં 16 શખ્સો સામે ગુનો આ સમગ્ર બનાવ અંગે વડીયા પોલીસ સ્ટેશનમાં કુલ 16 આરોપીઓ વિરુદ્ધ BNSની વિવિધ કલમો તેમજ જી.પી. એક્ટની કલમ 135 મુજબ ગુનો નોંધવામાં આવ્યો છે. ગેરકાયદેસર મંડળી રચવી, હુમલો કરવો, મારામારી, જાનથી મારી નાખવાની ધમકી આપવી અને મિલકતને નુકસાન પહોંચાડવા સહિતના આરોપો હેઠળ પોલીસે વધુ તપાસ હાથ ધરી છે.
    Click here to Read More
    Previous Article
    વઢવાણ-વિરમગામ માર્ગે પીકઅપ વાન પલટી:બાળકો અને મહિલાઓ સહિત 20 થી 25, 108 એમ્બ્યુલન્સની ટીમે ઘટનાસ્થળે પહોંચી ઈજાગ્રસ્તોને ગાંધી હોસ્પિટલ ખસેડ્યા
    Next Article
    MI, PBKS Share Heartfelt Wishes For Arshdeep Singh After IPL Trade

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment