મોર્નિંગ ન્યૂઝ બ્રીફ:સુરતમાં વરસાદનું રેડ એલર્ટ, રાહુલ બોલ્યા- 152 વખત પેપર લીક, કોઈ સજા નહીં, CJI બોલ્યા- લાઠીચાર્જ પર સુનાવણી સમયનો બગાડ

નમસ્તે, કોંગ્રેસ સાંસદ રાહુલ ગાંધીએ પેપર લીકને લઈને કેન્દ્ર સરકાર પર ઘણા આરોપો લગાવ્યા. ભાજપે પણ રાહુલ ગાંધી પર પલટવાર કર્યો. સુપ્રીમ કોર્ટનું CJP ના સંસદ માર્ચ દરમિયાન લાઠીચાર્જ મામલે નિવેદન આવ્યું. મોર્નિંગ ન્યૂઝ બ્રીફમાં આગળ જણાવીશું કે એક્ટિવિસ્ટ સોનમ વાંગચુકે અનશન તોડવાની વાત કહી છે. ⏰ આજની ઈવેન્ટ્સ, જેના પર રહેશે નજર 1. રાજા રઘુવંશી મર્ડર કેસમાં આરોપી સોનમ રઘુવંશીની જામીન પર સુપ્રીમ કોર્ટમાં સુનાવણી. 2. કોમનવેલ્થ ગેમ્સ 2026ની શરૂઆત, ઓપનિંગ સેરેમની રાત્રે 12:30 વાગ્યે. 📰 કાલના મોટા સમાચારો 1. નડ્ડા બોલ્યા-રાહુલ જણાવે કોંગ્રેસ સરકારોમાં પેપર લીક કેમ થયા:ગૃહમાં ચર્ચા માટે તૈયાર; રાહુલે કહ્યું હતું કે- 10 વર્ષમાં 152 પેપર લીક કેન્દ્રીય મંત્રી જેપી નડ્ડાએ બુધવારે દિલ્હીમાં પ્રેસ કોન્ફરન્સ કરતા રાહુલના આરોપોનો જવાબ આપ્યો. નડ્ડાએ કહ્યું- રાહુલ જણાવે કે જ્યારે કોંગ્રેસ સરકારોમાં પેપર લીક થાય છે ત્યારે તેઓ સવાલ કેમ નથી ઉઠાવતા. રાહુલ આ મામલે માત્ર ભાજપ શાસિત સરકારોને જ કેમ નિશાન બનાવે છે. આ પહેલા રાહુલ ગાંધીએ દિલ્હીના ઇન્દિરા ભવનમાં વિદ્યાર્થીઓ વિરુદ્ધ લાઠીચાર્જ પર લગભગ 40 મિનિટ પ્રેસ કોન્ફરન્સ કરી હતી. તેમણે સૌથી પહેલા પોતાના પ્રેઝન્ટેશનમાં 20 જુલાઈના રોજ કોકરોચ જનતા પાર્ટીના સંસદ ચલો માર્ચમાં સામેલ વિદ્યાર્થીઓના વીડિયો ચલાવ્યા. સંપૂર્ણ સમાચાર વાંચો 2. જંતર-મંતર પર પોલીસ અને વિદ્યાર્થીઓ વચ્ચે અથડામણ:CJP સમર્થકોએ પથ્થરમારો કર્યો, પોલીસે ટીયર ગેસ છોડ્યા દિલ્હીના જંતર-મંતર પર બુધવારે રાત્રે વિદ્યાર્થીઓ અને પોલીસ વચ્ચે અથડામણ થઈ. CJP પ્રદર્શનકારીઓએ પોલીસ પર પથ્થરમારો કર્યો. જવાબમાં પોલીસે ટીયર ગેસ છોડ્યા. ઘટના સંબંધિત કેટલાક વીડિયો સામે આવ્યા. જેમાં પ્રદર્શનકારીઓના હાથમાં પણ લાકડીઓ દેખાઈ રહી છે. તેઓ પોલીસકર્મીઓ પર હુમલો કરી રહ્યા છે. આ પહેલાં 20 જુલાઈએ CJPના સંસદ માર્ચ દરમિયાન અથડામણ થઈ હતી. પ્રદર્શનકારીઓ સંસદ ગેટ નજીક પહોંચી ગયા હતા. તેમને હટાવવા માટે લાઠીચાર્જ કરવામાં આવ્યો હતો. સંપૂર્ણ સમાચાર વાંચો 3. વિદ્યાર્થીઓ પર લાઠીચાર્જ મામલે સુપ્રીમ કોર્ટમાં સુનાવણી નહીં:CJIએ કહ્યું- અમારી પાસે વીડિયો જોવાનો ટાઈમ નથી, અમારો સમય ન બગાડો સુપ્રીમ કોર્ટે કોકરોચ જનતા પાર્ટીના સમર્થકો પર થયેલા લાઠીચાર્જ વિરુદ્ધ દાખલ કરાયેલી અરજી પર તાત્કાલિક સુનાવણી કરવાનો ઇનકાર કર્યો છે. બુધવારે એક વકીલે CJIની આગેવાની હેઠળની 3 ન્યાયાધીશોની બેન્ચ સમક્ષ જનહિત અરજી દાખલ કરી હતી. CJI સૂર્યકાંતે કહ્યું, 'અમને વીડિયો જોવામાં કોઈ રસ નથી. અમારી પાસે તેને જોવાનો સમય નથી.' જ્યારે વકીલે વિદ્યાર્થીઓ સાથે મારપીટના વીડિયો જોવાની બીજી વાર વિનંતી કરી ત્યારે CJIએ કહ્યું, ‘અમારો અને તમારો સમય બગાડો નહીં.’સંપૂર્ણ સમાચાર વાંચો 4. રાજ્યસભામાં ખડગે બોલ્યા- ધર્મેન્દ્ર પ્રધાન રાજીનામું આપે, પછી ચર્ચા કરીશું:રાહુલ સહિત કોંગ્રેસના સાંસદો કાળા કપડાં પહેરીને પહોંચ્યા; હોબાળા વચ્ચે બંને ગૃહો આવતીકાલ સુધી સ્થગિત સંસદના ચોમાસુ સત્ર દરમિયાન બુધવારે વિપક્ષે કોકરોચ જનતા પાર્ટીના સમર્થકો પર પોલીસ કાર્યવાહીના મુદ્દે હોબાળો કર્યો. હોબાળા વચ્ચે લોકસભાને ગુરુવારે સવારે 11 વાગ્યા સુધી સ્થગિત કરી દેવામાં આવી છે. બીજી તરફ રાજ્યસભામાં મલ્લિકાર્જુન ખડગેએ કહ્યું કે, તેઓ ગૃહમાં NEET પેપર લીક મામલે ચર્ચા ત્યારે જ ઇચ્છે છે જ્યારે શિક્ષણ મંત્રી ધર્મેન્દ્ર પ્રધાન રાજીનામું આપી દે. સંપૂર્ણ સમાચાર વાંચો 5. કાશ્મીરમાં આતંકી હુમલો, હેડ કોન્સ્ટેબલ શહીદ થયા:અમરનાથ યાત્રીઓની સુરક્ષામાં તૈનાત હતા; ધ રેઝિસ્ટન્સ ફ્રન્ટે જવાબદારી લીધી કાશ્મીરના અનંતનાગ જિલ્લાના લાલ ચોક વિસ્તારમાં બુધવારે આતંકીઓએ હુમલો કર્યો. આમાં હેડ કોન્સ્ટેબલ (35 વર્ષ) શહીદ થયા. અધિકારીઓના જણાવ્યા અનુસાર બપોરે લગભગ 12:30 વાગ્યે આતંકીઓએ અમરનાથ યાત્રાની સુરક્ષા ડ્યુટી પર તૈનાત પોલીસકર્મીઓ પર અચાનક ફાયરિંગ કર્યું. સુરક્ષા દળોએ જવાબી કાર્યવાહી કરી, જે બાદ બંને તરફથી ગોળીઓ ચાલી. આ દરમિયાન હેડ કોન્સ્ટેબલ આશિક હુસૈન કુરેશી ઈજાગ્રસ્ત થયા. તેમને તાત્કાલિક સરકારી મેડિકલ કોલેજ (GMC) હોસ્પિટલ લઈ જવામાં આવ્યા, જ્યાં ડોક્ટરોએ તેમને મૃત જાહેર કર્યા. સંપૂર્ણ સમાચાર વાંચો 6. સુરતમાં વરસાદનું રેડ એલર્ટ, લોકોને સલામત સ્થળે રહેવા અપીલ:દક્ષિણ ગુજરાતમાં ભારે વરસાદના કારણે ખાડીના જળસ્તરમાં વધારો, ઉમરગામમાં સૌથી વધુ 15 ઈંચ વરસાદ રાજ્યમાં હવામાન વિભાગ દ્વારા 22 જુલાઈએ દક્ષિણ ગુજરાતમાં રેડ એલર્ટ સાથે અત્યંત ભારે વરસાદની આશંકા વ્યક્ત કરવામાં આવી. જેમાં સવારે 6 વાગ્યાથી રાત્રિના 8 વાગ્યા સુધીમાં 142 તાલુકાઓમાં વરસાદ નોંધાયો છે. જ્યારે સૌથી વધુ 15 ઈંચ ઉમરગામમાં વરસાદ ખાબક્યો છે. સુરતની ભેદવાડ ખાડી ઓવરફ્લો થતા 22 જુલાઈએ સ્કૂલોમાં રજા જાહેર કરવામાં આવી હતી. 23 જુલાઈએ પણ શાળાઓમાં રજા જાહેર કરી દેવામાં આવી છે. હવામાન વિભાગની આગાહી મુજબ આગામી સાત દિવસ રાજ્યના મોટાભાગના વિસ્તારોમાં વરસાદી માહોલ રહેશે, જેમાં ખાસ કરીને દક્ષિણ ગુજરાત અને ત્યારબાદ ઉત્તર ગુજરાતના કેટલાક વિસ્તારોમાં ભારેથી અતિભારે વરસાદની શક્યતા છે. વાંચો સંપૂર્ણ સમાચાર 7. અમદાવાદ સમરાંગણ બન્યું, વિદ્યાર્થીઓ આક્રમક બન્યા:'ગલી ગલી મે શોર હૈ, મોદી સરકાર ચોર હૈ'ના નારા લાગ્યા, પોલીસે પ્રદર્શનકારીઓને દોડાવ્યા; ધક્કા મારી-મારીને બસમાં ભર્યા દિલ્હીમાં વડાપ્રધાન આવાસ બહાર રાહુલ ગાંધીના ધરણા બાદ NEET પેપર લીક વિવાદમાં આજે 22 જુલાઈના રોજ સવારમાં રાજીવ ભવન પાસે સવારે કોંગ્રેસના નેતાઓએ, બપોર બાદ ભાજપના નેતાઓએ કોંગ્રેસ વિરુદ્ધ અને સાંજે ગુજરાત યુનિવર્સિટી પાસે વિદ્યાર્થીઓએ સરકાર વિરુદ્ધ વિરોધ નોંધાવ્યો હતો. આ વિરોધ પ્રદર્શન દરમિયાન અનેકવાર નેતાઓ, કાર્યકરો, વિદ્યાર્થીઓ અને પોલીસ વચ્ચે ભારે ઘર્ષણના દૃશ્યો પણ સર્જાયા હતા. જેના કારણે પોલીસકર્મીઓએ બસોની બસો ભરીને આ પ્રદર્શનકારીઓની અટકાયત કરીને મામલો થાળે પાડવાનો પ્રયાસ કર્યો હતો. જોકે, પ્રદર્શનકારીઓએ પોલીસની નજરચૂક થતાં જ મેલોડી, રાષ્ટ્રગાન અને પોસ્ટર સાથે સરકાર વિરુદ્ધ હાય હાયના નારા લગાવી ધર્મેન્દ્ર પ્રધાનના રાજીનામાની માગ કરી હતી. વાંચો સંપૂર્ણ સમાચાર 🎭 આજનું કાર્ટૂન ⚡ કેટલાક મહત્વના સમાચારો હેડલાઈનમાં 1.નેશનલ : સિક્કિમમાં ટનલ પર ભૂસ્ખલન, 20 મજૂરોના મૃતદેહ મળ્યા:5 હજુ પણ ફસાયેલા છે; ટનલમાં મિથેન ગેસ ભરાયો, બચાવકર્મીઓ બેભાન થયા (સંપૂર્ણ સમાચાર વાંચો) 2.ઈન્ટરનેશનલ : લલિત મોદી 16 વર્ષ પછી ભારત પરત ફરશે:EDનો દંડ રદ; IPLના પૈસા વિદેશ મોકલવાનો કેસ; બોલ્યા- હું લીગનું ભલું ઇચ્છતો હતો (સંપૂર્ણ સમાચાર વાંચો) 3.નેશનલ : બંગાળ વિધાનસભામાં ભારે હોબાળો:મમતા સમર્થક ધારાસભ્યને માર્શલોએ ગૃહમાંથી બહાર કાઢ્યા, TMC બળવાખોર જૂથના ધારાસભ્યને બોલતા અટકાવ્યા હતા (સંપૂર્ણ સમાચાર વાંચો) 4.ઈન્ટરનેશનલ : ચીન બોલ્યું- ભારતે અમારા 12 નાવિકોને બચાવ્યા:આ ઉપકાર ક્યારેય નહીં ભૂલીએ; 1 વર્ષ પહેલાં કેરળ નજીક જહાજમાં આગ લાગી હતી (સંપૂર્ણ સમાચાર વાંચો) 5.બિઝનેસ : ચાંદી ₹3034 મોંઘી થઈને ₹2.26 લાખ પર પહોંચી:3 દિવસમાં કિંમત ₹10,764 વધી, સોનું આજે ₹2,303 વધીને ₹1.43 લાખ પર પહોંચ્યું (સંપૂર્ણ સમાચાર વાંચો) 6.સ્પોર્ટ્સ : કોમનવેલ્થ ગેમ્સ પહેલાં ભારતીય બોક્સિંગ ટીમનો સામાન છૂટી ગયો:આયર્લેન્ડથી ગ્લાસગો જતી વખતે એરપોર્ટ પર રહી ગયો; ઓપનિંગ સેરેમનીની ડ્રેસ-કિટ પણ નહીં (સંપૂર્ણ સમાચાર વાંચો) 7.ધર્મ તહેવાર જ્યોતિષ : શ્રીકૃષ્ણની અર્જુનને શીખ:સફળતા ફક્ત પ્રતિભાથી નહીં, પરંતુ સાચી વિચારસરણી, સતત પ્રયાસ અને પરિણામની ચિંતા છોડીને કર્મ કરવાથી મળે છે (સંપૂર્ણ સમાચાર વાંચો) 🗣️ ચર્ચિત નિવેદન 😲 અજબ ગજબ સગા-સંબંધીઓને ઘરે બોલાવવા પર ₹78 હજાર મળશે દુબઈ સરકાર સગા-સંબંધીઓને ઘરે બોલાવવા પર આશરે 78 હજાર રૂપિયાનું ઈનામ આપી રહી છે. આ ઈનામ વાઉચરના રૂપમાં મળશે. તેનો ઉપયોગ હોટેલ, રેસ્ટોરન્ટ અને ટૂરિસ્ટ અટ્રેક્શન પર કરી શકાશે. 📸 ફોટો, જે પોતે સમાચાર છે 🌟 ભાસ્કરની એક્સક્લૂસિવ સ્ટોરીઝ, જે સૌથી વધારે વંચાઈ 1. ભાસ્કર ઇન્વેસ્ટિગેશન ભાસ્કરે ડ્રાઇવર પાસે લાયસન્સ માગ્યા તો મોબાઇલમાં ફોટા બતાવ્યા: ઓનલાઈન વેરિફાય ન થયા, મોટાભાગનો સ્ટાફ મધ્યપ્રદેશનો, બેફામ દોડતી કચરા ગાડીઓનું ભોપાળું 2. એક છોકરી, 2 ખાસ મિત્રો અને ખૂની ખેલ: અમદાવાદના રસ્તાઓ પર કારમાં લાશ સાથે આંટા મારતો રહ્યો, ધ્રૂજતા હાથે પિતાને ફોન લગાવ્યો 3. Editor's View: 12 વર્ષમાં પહેલીવાર મોદી ભયભીત: 24 કલાકમાં સમયનું ચક્ર ફરી ગયું, યુવાઓ પર બર્બરતા વરસાવી સરકાર મોટી ભૂલ કરી ગઇ, સડકથી સંસદ સુધી સંગ્રામ 4. પારકી પંચાત : ગોવિંદ કાકાએ ભાંડો ફોડ્યો, VIDEO: સુરતનો વીડિયો મોકલતા નેતાઓ, અધિકારીઓ ડઘાઇ ગયા, ભાજપના ધુરંધરે પોલીસને ટીપ આપી દેતા કરોડોની ગોલમાલ પકડાઇ 5. આજનું એક્સપ્લેનર: શું 'કોકરોચ'ને મારવું મોદી સરકારને મોંઘું પડશે, 3 નવી મુસીબતો; રાહુલ ગાંધીને ધરણા પરથી ઉઠાવ્યા, હવે આગળ શું? 6. ભાસ્કર એક્સપ્લેનર : જંતર-મંતર ન જઈને, PM આવાસ કેમ પહોંચ્યા રાહુલ ગાંધી?: શું કોકરોચ પાર્ટીનાં આંદોલનને હાઇજેક કરવાનો પ્રયાસ છે 7. બાળક બહાર કે સ્કૂલમાં ટોયલેટ જતાં ડરે છે?: ‘ટોયલેટ એન્ઝાઈટી’ હોઈ શકે કારણ; નિષ્ણાત પાસેથી જાણો દૂર કરવા માતા-પિતાએ શું કરવું 🌍 કરંટ અફેર્સ ⏳ આજના દિવસનો ઈતિહાસ 📊​​​​​​​ માર્કેટની સ્થિતિ 🌦️ મોસમનો મિજાજ ગુરુવારનું રાશિફળ: કર્ક રાશિના વારસાગત મિલકતના વિવાદો ઉકેલાશે, મીન રાશિને કરિયરમાં શુભ સમાચાર મળશે વાંચો સંપૂર્ણ રાશિફળ