Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    રાજકોટ શહેર પોલીસમાં ફરી બદલીઓનો દોર શરૂ:ટ્રાફિક વિભાગમાં મહેકમ મુજબ સ્ટાફ ભરવા કવાયત શરૂ, આજે વધુ 14ની બદલી કરાઈ, ટ્રાફિકમાં ફરજ બજાવવા ઇચ્છતા માણસોને રિપોર્ટ કરવા સૂચના

    8 hours ago

    રાજકોટ શહેર પોલીસ કમિશનર બ્રજેશ કુમાર ઝા દ્વારા દિવાળી બાદ ફરી બદલીઓનો દોર શરૂ કરવામાં આવ્યો છે. એક જ જગ્યાએ લાંબા સમય સુધી ફરજ બજાવતા હોય તેવા પોલીસ કર્મીઓની બદલી કરવામાં આવી રહી છે. જેમાં ટ્રાફિક શાખાનું મહેકમ પૂર્ણ કરી ટ્રાફિક વ્યવસ્થા સુધારવા માટે પ્રયાસો કરવામાં આવી રહ્યા છે. અત્યાર સુધી છેલ્લા 4 મહિનામાં 75 પોલીસકર્મીઓની ટ્રાફિક શાખામાં બદલી કરવામાં આવી છે અને હજુ પણ જે પોલીસ કર્મી ટ્રાફિક વિભાગમાં ફરજ બજાવવા ઇચ્છતા હોય તેમને સીટ શાખામાં રિપોર્ટ કરવા માટે જાણ કરવામાં આવી છે. ઉલ્લેખનીય છે કે 4 મહિનામાં કુલ 300 પોલીસકર્મીઓની આંતરિક બદલી કરવામાં આવી છે અને હજુ આવતા દિવસોમાં 50થી વધુ કર્મીઓની બદલી કરવામાં આવશે. ટ્રાફિક શાખામાં ફરજ બજાવવા ઇચ્છતા હોય તેમને રિપોર્ટ કરવા જાણ કરાઈ રાજકોટ પોલીસ કમિશનર બ્રજેશ કુમાર ઝા દ્વારા 13 નવેમ્બરના રોજ 48 પોલીસ કમર્ચારીઓની આંતરિક બદલી કરવામાં આવ્યા પછી આજે વધુ 14 પોલીસ કર્મચારીઓની બદલી ટ્રાફિક શાખામાં કરવામાં આવી છે. રાજકોટ શહેરમાં ટ્રાફિક વ્યવસ્થા સુધારવા માટે મહેકમ મુજબ સ્ટાફ ભરપાઈ કરી ટ્રાફિક વ્યવસ્થા સુધારવા માટે પ્રયત્નો કરવામાં આવી રહ્યા છે જેમાં અત્યાર સુધી છેલ્લા ચાર મહિનામાં બદલી કરાયેલ 300 પૈકી 75 પોલીસ કર્મચારીઓની ટ્રાફિક શાખામાં બદલી કરવામાં આવી છે અને હજુ પણ જે લોકો ટ્રાફિક શાખામાં ફરજ બજાવવા ઇચ્છતા હોય તેવા ASI, હેડ કોન્સ્ટેબલ તથા પોલીસ કોન્સ્ટેબલને રિપોર્ટ કરવા માટે જાણ કરવામાં આવી છે. નિમણૂંક પામેલા નવા પોલીસ કર્મચારીઓ હાલ તાલીમ હેઠળ ઉલ્લેખનીય છે કે રાજકોટ શહેર પોલીસમાં નિમણૂંક પામેલા નવા પોલીસ કર્મચારીઓ હાલ તાલીમ હેઠળ છે તેમની તાલીમ પૂર્ણ થયે ફરજ પર હાજર થતા તેમાંથી પણ મોટા ભાગના કર્મીઓને હેડ ક્વાર્ટર તેમજ ટ્રાફિક શાખામાં નિમણુંક આપવામાં આવશે. ટ્રાફિક શાખામાં બદલી પામેલ 14 પોલીસ કર્મચારીઓ યશોદા શીરા, રાહુલ મોરી, પૃથ્વીસિંહ ઝાલા, રમીઝ જુણેજા, ચેતના કરમુર, રીમ્પલ ભોળા, યોગેન્દ્રસિંહ ચુડાસમા, જયેન્દ્રસિંહ પરમાર, વિપુલ સંખાળવા, દિલીપ ચૌહાણ, ભુપેન્દ્રસિંહ વાઘેલા, ધીરજલાલ અઘેરા, વિરેન્દ્રસિંહ જાડેજા અને વિજયસિંહ જાડેજા.
    Click here to Read More
    Previous Article
    ઉત્તરાખંડ- 2 અકસ્માતમાં 12નાં મોત:હાઇવે પર બસ નદીમાં પડી, 8નાં મોત; બોલેરો ખીણમાં ખાબકી, 4 મૃતદેહ મળ્યા
    Next Article
    શીયાણી ગામે ગેરકાયદે રેતી ખનન પર પોલીસનો દરોડો:ડમ્પર, લોડર, જનરેટર અને રેતી સહિત ₹15 લાખનો મુદ્દામાલ મળ્યો

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment