Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    અકસ્માત બાદ એક્ટિવામાંથી દારૂની 14 બોટલ મળી:ચાંદખેડા સ્મશાન રોડ પર કાર અને નંબર પ્લેટ વિનાના એક્ટિવા વચ્ચેની ટક્કરમાં દારૂની હેરાફેરીનો પર્દાફાશ, વીડિયો વાઇરલ

    1 day ago

    અમદાવાદ શહેરના નવા બનેલા મોટેરા પોલીસ સ્ટેશન વિસ્તારમાં નંબર પ્લેટ વિનાના એક્ટિવા પર દારૂની હેરાફેરી થતી હોવાની ઘટના સામે આવી છે. ચાંદખેડા સ્મશાન રોડ પર દેવનંદન હોરીઝોન ફ્લેટ પાસે 18 નવેમ્બરે રાત્રિના સમયે એક કાર અને નંબર પ્લેટ વિનાના એક્ટિવા વચ્ચે અકસ્માત સર્જાતા એક્ટિવામાંથી નાની-મોટી દારૂની 14 બોટલો મળી આવી હતી. ઘટનાસ્થળે એકઠા થયેલા સ્થાનિકોએ સમગ્ર મામલાનો વીડિયો ઉતારી સોશિયલ મીડિયામાં વાઇરલ કર્યો હતો. હાલ મોટેરા પોલીસે અજાણ્યા એક્ટિવા ચાલક વિરુદ્ધ ગુનો નોંધી વધુ તપાસ શરૂ કરી છે. અકસ્માત બાદ લોકોના ટોળા ઉમટ્યા, વાઇરલ વીડિયોમાં મહિલા દેખાઈ ચાંદખેડા વિસ્તારમાં સ્મશાન રોડ પર દેવનંદન હોરીઝોન ફ્લેટ નજીક કાર અને નંબર પ્લેટ વિનાના એક્ટિવા વચ્ચે ટક્કર થઈ હતી. અકસ્માત અંગે પોલીસ કંટ્રોલ રૂમમાં જાણ કરાતા પીસીઆર વાન સ્થળ પર પહોંચી હતી. એક્ટિવાની તપાસ કરતા તેમાંથી નાની-મોટી 11થી 14 જેટલી દારૂની બોટલો મળી આવી હતી. ઘટનાને પગલે સ્થળ પર લોકોના ટોળા એકઠા થઈ ગયા હતા અને મોબાઈલમાં વીડિયો ઉતારી વાઇરલ કર્યો હતો, જેમાં એક મહિલા દેખાઈ રહી છે અને એક્ટિવા તેનું હોવાનું ચર્ચાઈ રહ્યું છે. ચેસિસ નંબરના આધારે વાહન માલિકની શોધખોળ: PI આ અંગે મોટેરા પોલીસ સ્ટેશનના પીઆઈ આર.વી. વીંછીએ જણાવ્યું કે, એક્ટિવા અને કાર વચ્ચે થયેલા અકસ્માતમાં દારૂની બોટલો મળી આવતા અજાણ્યા એક્ટિવા ચાલક વિરુદ્ધ ગુનો દાખલ કરવામાં આવ્યો છે. વાઇરલ વીડિયોમાં નંબર પ્લેટ વિનાના એક્ટિવા સાથે એક મહિલા હોવાનું જણાય છે. આ મહિલા દ્વારા જ અકસ્માત સર્જાયો છે કે કેમ? તે દિશામાં તપાસ ચાલી રહી છે. હાલ પોલીસે એક્ટિવાના ચેસિસ નંબરના આધારે તેના મૂળ માલિકને શોધી કાઢવાની કાર્યવાહી હાથ ધરી છે.
    Click here to Read More
    Previous Article
    વડતાલ સ્વામિનારાયણ મંદિરના સંતોએ ₹1.25 કરોડની ઠગાઈ કરી:ડાકોરમાં મંદિર બનાવવાનું કહી નિવૃત્ત શિક્ષણાધિકારીને શીશામાં ઉતાર્યા; કહ્યું- દાન આપનાર NRIને સાટાખત બતાવવું પડશે
    Next Article
    હિંમતનગરમાં ગાંજો-ચરસ સાથે ત્રણ ઝડપાયા:ANTFએ ₹21,815નો જથ્થો જપ્ત; ચાર સામે NDPS એક્ટ હેઠળ ગુનો

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment