Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    પાલમાં 12 વર્ષ જૂના સંજીવકુમાર ઓડિટોરિયમનું મેકઓવર:પહેલી જાન્યુઆરીથી તાળાં વાગશે, 8થી 9 મહિના સુધી શો અને બુકિંગ સંપૂર્ણપણે બંધ

    6 hours ago

    સુરતના પાલ વિસ્તારમાં આવેલા મનપાના સંજીવકુમાર ઓડિટોરિયમને 12 વર્ષના લાંબા સમય બાદ હવે નવા રંગરૂપ અને આધુનિક સુવિધાઓ સાથે તૈયાર કરવાની કવાયત હાથ ધરવામાં આવી છે. આ ઓડિટોરિયમના વ્યાપક રિવેમ્પિંગ માટે આગામી 1 લી જાન્યુઆરીથી તેને સત્તાવાર રીતે બંધ કરવામાં આવશે. આ મહત્વપૂર્ણ કામગીરીને પગલે પહેલી જાન્યુઆરી બાદ યોજાનાર તમામ શો અને કાર્યક્રમોના બુકિંગ પર હાલ પૂરતી રોક લગાવી દેવામાં આવી છે અને બુકિંગ બંધ કરી દેવામાં આવ્યા છે. મળતી માહિતી મુજબ, આ આખી રિનોવેશન પ્રક્રિયા પૂર્ણ થતાં અંદાજે 8 થી 9 મહિના જેટલો સમય લાગી શકે તેવી શક્યતા છે. મરીન એક્વેરિયમ છેલ્લા ઘણા સમયથી બંધ હાલતમાં માર્ચ-2014માં સંજીવકુમાર ઓડિટોરિયમ અને મરીન એક્વેરિયમનું લોકાર્પણ કરાયું હતું. જોકે, તે પૈકી મરીન એક્વેરિયમ છેલ્લા ઘણા સમયથી બંધ હાલતમાં છે અને તેના રિનોવેશન માટે અગાઉથી જ ટેન્ડર પ્રક્રિયા ચાલી રહી છે. હવે બીજી બાજુ સંજીવકુમાર ઓડિટોરિયમના મેકઓવર માટે પણ તંત્ર દ્વારા તેજ ગતિએ કામગીરી શરૂ કરી દેવામાં આવી છે. આ 12 વર્ષના સમયગાળા દરમિયાન આ ઓડિટોરિયમમાં અનેકવિધ સાંસ્કૃતિક, સામાજિક, શૈક્ષણિક અને મનોરંજનના યાદગાર કાર્યક્રમોનું સફળ આયોજન થયું છે. પરંતુ સમયના વહેણ સાથે ઈમારતની આંતરિક સુવિધાઓ અને ટેનિકલ વ્યવસ્થાઓમાં સુધારા તથા આધુનિકીકરણની આવશ્યકતા ઊભી થઈ હતી, જેને ધ્યાનમાં રાખીને આ વ્યાપક આયોજન કરાયું છે. આ રિવેમ્પિંગ કામગીરી અંતર્ગત માત્ર સિવિલ વર્ક જ નહીં, પરંતુ મિકેનિકલ અને ઈલેક્ટ્રિકલ સિસ્ટમને પણ વિશેષરૂપે આવરી લેવામાં આવશે. ઓડિટોરિયમના સિવિલ, મિકેનિકલ તેમજ ઈલેક્ટ્રિકલને લગતા તમામ જરૂરી સમારકામ અને અત્યાધુનિકીકરણના કાર્યો હાથ ધરાશે. ટેન્ડર પ્રક્રિયા હાલ મંજૂરી હેઠળ, અગાઉથી બુકિંગ બંધ કરી દેવાયા મનપાના અધિકારીઓ દ્વારા આપવામાં આવેલી માહિતી અનુસાર, આ રિવેમ્પિંગની કામગીરી સુચારૂ રૂપે પાર પાડવા માટે પ્રોજેક્ટ મેનેજમેન્ટ કન્સલ્ટન્ટની નિમણૂક કરવાની ટેન્ડર પ્રક્રિયા હાલ મંજૂરી હેઠળ છે. પીએમસીની આખરી નિમણૂક થયા બાદ આ પ્રોજેક્ટની ટેકનિકલ પ્રક્રિયા અને પ્રત્યક્ષ કામગીરીનું આયોજન વધુ ઝડપથી આગળ વધશે. રિવેમ્પિંગના આ કામોને કારણે જાન્યુઆરી મહિના પછી ઓડિટોરિયમમાં કોઈ નવાં નાટકો કે કાર્યક્રમો યોજી શકાય તેમ ન હોવાથી અગાઉથી જ બુકિંગ બંધ કરી દેવાયા છે. ગાંધીસ્મૃતિ ભવનની કાયાકલ્પની કામગીરી અંતિમ તબક્કામાં દરમિયાન, સુરત શહેરના નાટ્યમંચ અને નાટ્યપ્રેમીઓ સાથે વર્ષોથી જોડાયેલા નાનપુરા સ્થિત ગાંધીસ્મૃતિ ભવનને પણ નવા રૂપ અને રંગ-રોગાન સાથે નવપલ્લિત કરવામાં આવી રહ્યું છે. ગાંધીસ્મૃતિ ભવનની કાયાકલ્પની કામગીરી હાલ તેના અંતિમ તબક્કામાં પહોંચી છે અને તે અંદાજે ડિસેમ્બર માસમાં સંપૂર્ણપણે બનીને તૈયાર થઈ જશે તેવી સંભાવના છે. ગાંધીસ્મૃતિ ભવનનું કામ પૂર્ણ થયા બાદ જ સંજીવકુમાર ઓડિટોરિયમના રિનોવેશનનું પ્રત્યક્ષ કામ શરૂ કરવાનું આયોજન કરાયું હતું. આ સમગ્ર આયોજન અંતર્ગત છેલ્લા બે-ત્રણ મહિનાથી ચાલતી ગડમથલના અંતે હવે ગાંધીસ્મૃતિ ભવન કાર્યરત થવાની તૈયારીમાં છે, જેથી કલાકારો અને નાટ્યપ્રેમીઓ માટે વૈકલ્પિક વ્યવસ્થા જળવાઈ રહે અને ત્યારબાદ સંજીવકુમાર ઓડિટોરિયમનું નવીનીકરણ શરૂ કરવામાં આવ્યું છે.
    Click here to Read More
    Previous Article
    ‘ચૂંટણીમાં ગોટાળાના પુરાવા છે...યુવાનોને પોતાનું ભવિષ્ય નથી દેખાતું’:કોલંબિયા યુનિવર્સિટીમાં રાહુલ ગાંધીએ કહ્યું- ભારત આર્થિક સંકટના આરે, બેરોજગારી અને શિક્ષણની ખામી જવાબદાર
    Next Article
    છકડા રિક્ષામાં ઈ-બાઈકની બેટરીમાં આગ લાગી:વેરાવળના ટાવર ચોકમાં ફાયર બ્રિગેડે બ્લાસ્ટ થાય તે પહેલાં આગ કાબૂમાં લીધી

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment